[᭒᭐ 20B]
᭒᭐
ᬤᬶᬓᬧᬦ᭄ᬧᬘᬂᬢᬶᬗ᭄ᬕᬭᬾᬍᬯᬶᬄᬦᬾᬧᬘᬂᬓᬲᬸᬩ᭄ᬓᬲᬶᬗᬯᬶᬓ᭄ᬭᬫᬾᬂᬗᬚᬸᬭᬶᬢ᭄ᬬᬾᬦ᭄ᬲᬶᬤᬩᬦ᭄ᬗᬗ᭄ᬓᭂᬮᬂᬓᬲᬸᬩ᭄ᬚᬬᬾᬂᬲᬢ᭄ᬭᬸᬳᬓᬾᬢᭀᬧᬓ᭄ᬦᭂᬄᬳᬶᬳ᭄ᬬᬤᬾᬯᬕᬸᬂᬫ᭄ᬦᭂᬂᬫᬧᬶᬦᭂᬄᬤ᭄ᬤᬶᬋᬤᬶᬮᬬᬸᬬᬜ᭄ᬘᬭᬶᬢᬬᬂ᭟ᬲᬯᬢᬭᬳᬶᬗᬦ᭄ᬕᬮᬂᬓᬗᬶᬦ᭄ᬤᬲᬂᬓᬃᬯᬵ
ᬲᬫ᭄ᬧᬸᬦ᭄ᬲᬫᬶᬩᬸᬤᬮ᭄ᬧᬤᬫᬤᬸᬤ᭄ᬯᬦ᭄ᬧᬭᬦᬾᬓᭀᬭᬢᬸᬲᬸᬩᬫᬦ᭄ᬢᬸᬓ᭄ᬕ᭄ᬮᬶᬲ᭄ᬭᬳᬸᬄᬭᬶᬂᬫᬬᬰᬺᬗ᭄ᬕᬶᬳᬶᬤ᭄ᬯᬕᬸᬂᬓᬩᬮᬾᬫᬲ᭄ᬮᬫᬲ᭄ᬧᬓᭀᬩᭂᬢᬾᬫᬸᬧᬸᬢ᭄ᬦᬗᬶᬲᬭᬸᬩᬦ᭄ᬜᭀᬮᬳᬂᬦᬓ᭄ᬱᬰ᭄ᬘᬤ᭄ᬓᭀᬭᬢᬸᬳᬸᬘᬧᬂᬚᬦᬶᬗ᭄ᬱᬾᬗᬶᬦ᭄ᬭᬢᬸᬗᬸ
ᬭᬄ᭟ᬢᬤᬾᬅᬳ᭄ᬧ᭄ᬮᬲᬋᬂᬢᬸᬤᬾᬅᬭᬳᬶᬧᬢᬶᬄᬭᬢ᭄ᬣᬫᬶᬯᬄᬧᬭᬦ᭄ᬢᬾᬬᬦ᭄ᬲᭂᬲᭂᬓ᭄ᬚᭂᬚᭂᬮ᭄ᬤᬶᬦᬢᬳᬾᬧᬵᬤᬗᬤᭂᬧᬾᬂᬍᬩᬸᬘᭀᬓᭀᬃᬭᬢᬸᬗᬦ᭄ᬤᬶᬓᬳᬭᬶᬲ᭄ᬧᬸᬕ᭄ᬓᬾᬦᬾᬓ᭄ᬦᭂᬳᬶᬬᬂᬫᬸᬮᬶᬄᬫᬮᬸᬳᬶᬘᬂᬗᬧᬧᬘᬭᬶᬬᬦ᭄ᬗᬦ᭄ᬢᬶᬓ
ᬨᬮ᭄ᬦᬾᬩᬶᬦ᭄ᬢᬸᬮᬸᬦ᭄ᬧᬗᬫᬸᬮᬶᬄᬭᬾᬄᬩᬜᬕᬕᬗ᭄ᬰᬭᬦ᭄᭟ᬢᭀᬳᬶᬯᬦᬺᬱ᭄ᬫᬗ᭄ᬤᬾᬚᬦᬶᬫᬸᬮᬶᬄᬓᬫᬤᬸᬭᬧᬘᬂᬗᬸᬦᬶᬗᬬᬂᬓᬮᬶᬄᬗᬾᬗ᭄ᬕᬮᬂᬓᬧᬵᬮᬾᬦᬾᬤᬤ᭄ᬯᬲᬸᬩᬧᬸᬧᬸᬢ᭄ᬦᬫ᭄ᬧᭂᬤᬤᬳᬸᬳᬦᬾᬲᬫᬶᬫᬓᬤᬶᬧᬢᬶᬄᬭᬢ᭄ᬯᬵᬢᬦ᭄ᬓᭀ
[᭒᭑ 21A]
ᬘᬧᬲᬫ᭄ᬧᬸᬦ᭄ᬓᭀᬭᬢᬸᬫᬫ᭄ᬩᬸᬃᬫᬍᬲᬢ᭄ᬗᬯᬂᬗᬯᬂᬢᬸᬗᬸᬭᬄᬢᬦ᭄ᬲᬄᬫᬗᬶᬭᬶᬂᬫᭂᬩᭂᬃᬭᬶᬂᬩ᭄ᬬᭀᬫᬦ᭄ᬢᬭ᭟ᬢᬸᬤᬾᬤᬓᬮᬶᬄᬦᬸᬤᬶᬫᬬᬰᬺᬗ᭄ᬕᬶᬫᬶᬫ᭄ᬬᬦ᭄ᬳᬶᬫ᭄ᬬᬦ᭄ᬫ᭄ᬯᬂᬳᬶᬧᬢᬶᬄᬭᬢ᭄ᬣᬵᬤᬤᬶᬮᬸᬫ᭄ᬩ᭄ᬭᬄᬓᭀᬳᭀᬃᬢᬦᬾᬓᭀᬭᬢᬸᬲᬸᬩᬫ
ᬦ᭄ᬢᬸᬓ᭄ᬱᬋᬂᬓᬮᬶᬄᬓᬢᬸᬃᬓᬧᬸᬭᬶᬳᬶᬤ᭄ᬯᬕᬸᬂᬕ᭄ᬥᬾᬕᬾᬯᬃᬕ᭄ᬮᬶᬲ᭄ᬫᬤᭂᬤᬳᬸᬄᬜ᭄ᬚᬮᬦᬦ᭄ᬓᬬᬸᬥ᭄ᬫᬗ᭄ᬕᬵᬧᬘᬂᬦᬢᬲ᭄ᬢᬦ᭄ᬓᭀᬘᬧ᭄ᬢᭂᬮᬶᬓᬦ᭄ᬕ᭄ᬮᬶᬲ᭄ᬢ᭄ᬓᭂᬤᬶᬫᬬᬰᬺᬗ᭄ᬕ᭟ᬩᬩᬃᬗ᭄ᬭᬜ᭄ᬚᬶᬂᬧᬋᬓ᭄ᬢᬸᬤᬾᬅᬓᬓᬮᬶᬄᬫᬶᬤᬃᬢ᭄ᬣᬵᬓᬦ᭄ᬢᬸᬦ᭄ᬫᬦᬢᬲ᭄ᬳᬶᬘᬧᬾᬳᬦᬾ
ᬤᬂᬲᬳᬸᬭᬾᬓᬶᬘᬢᬸᬲᬸᬩᬫᬦ᭄ᬢᬸᬓ᭄ᬭᬢᬸᬗᬸᬭᬄᬱᬋᬂᬳᬶᬢᬸᬦᬶᬳᬶᬧᬲᬳᬵᬤᬾᬂᬦᬶᬫ᭄ᬩᬵᬮ᭄ᬳ᭄ᬬᬦᬾᬩᬶᬦ᭄ᬢ᭄ᬮᬸᬦ᭄ᬦᬸᬗᬦ᭄ᬢᬶᬓᬨᬮ᭄ᬢᭂᬕᬓᬦ᭄ᬚᬓ᭄ᬫᬓ᭄ᬚᬂᬲ᭄ᬧᭂᬂᬓᬤᬳᬸᬄᬫᬸᬗ᭄ᬓᬸᬭᬶᬦ᭄ᬳᬸᬢᬸᬲᬦ᭄ᬲᬸᬩᬩᬸᬩᬃ᭟᭐᭟ᬓᭀᬭᬢᬸᬚᬦᬶᬳᬸᬘᬧᬂᬗᬯᬗᬯᬂᬗ᭄ᬮᬶ
ᬯᬶᬢᬶᬦ᭄ᬩ᭄ᬬᭀᬫᬳᬭᬶᬲ᭄ᬧᬓᭂᬩᬸᬭᬾᬦᬭᬸᬂᬜᬸᬚᬸᬄᬓᬕᬶᬮᬶᬢ᭄ᬭᬯᬗᬦ᭄ᬫᬾᬄᬲᬸᬩᬲᬯᬢ᭄ᬳ᭄ᬦᭂᬗᬂᬫᬮᬸᬓᭀᬭᬢᬸᬤᬸᬢ᭄ᬣᬦᬾᬚᬦᬶᬳᬸᬘᬧᬂᬫᬾᬄᬦᬸᬗ᭄ᬓᬧ᭄ᬰᬺᬗ᭄ᬕᬵᬦ᭄ᬕᬭᬶ᭟ᬤᬶᬧᬲᬶᬲᬶᬕ᭄ᬮᬶᬲ᭄ᬦ᭄ᬕᬓ᭄ᬤᬶᬩ᭄ᬬᬲᬾᬫᬗᬫ᭄ᬩ᭄ᬬᬃᬳᬢᬧ᭄ᬢᬶᬢᬶᬩ᭄ᬫᬦ᭄ᬕᬓ᭄ᬧᬤᬫᬬᬸ
Page:Bali-lontar-gaguritan-cokoratu-05-250ppi.pdf/21
This page has been proofread.
