[᭒᭘ 28B]
᭒᭘
ᬦ᭄ᬲᭀᬢᬦᬶᬂᬧᬤᬳᬲᬶᬄ᭟ᬤᬤᬶᬕ᭄ᬮᬸᬩᬸᬗᭂᬦᭀᬢ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬫ᭄ᬧᭂᬲ᭄ᬗᬦ᭄ᬧᭀᬂᬲᬶᬢᬶᬳᬤ᭄ᬯᬕᬸᬂᬗᬦ᭄ᬤᬶᬓᬩᬶᬄᬓ᭄ᬫᬳᬸᬦ᭄ᬦᬶᬗᬬᬂᬓᬳᬶᬗᬦ᭄ᬢ᭄ᬬᬂᬧᬋᬓ᭄ᬚᬦᬶᬳᬶᬧᬸᬤᬓ᭄ᬜᭂᬫ᭄ᬩᬄᬕ᭄ᬮᬶᬲ᭄ᬳᬶᬧᬸᬦ᭄ᬫᬗ᭄ᬭᬜ᭄ᬚᬶᬂ᭟ᬭᬢᬸᬤ᭄ᬯᬕᬸᬂᬳᬶᬤᬦᬓ᭄ᬘᭀᬓᭀᬃᬳᬶᬤᬾᬯ᭄ᬯᬵᬭᬶᬂᬦᬵᬢ᭄ᬢᬃᬲᬋᬂᬓᬮᬶᬄᬚᬕᬦᬸᬦᬲ᭄ᬧᬋᬓ᭄ᬳᬶ
ᬤ᭄ᬯᬕᬸᬂᬳᬚᬶᬓᬕ᭄ᬬᬢ᭄ᬫᬧᬶᬦᭂᬄᬥᬶᬚ᭄ᬭᭀᬦᬶᬂᬋᬤᬶᬩᬄᬚ᭄ᬦᭂᬂᬩ᭄ᬯᬢ᭄ᬫ᭄ᬢᬗᬶᬓᭀᬤᬮ᭄ᬕᭂᬮᬶᬲ᭄᭟ᬤᬶᬳᬫ᭄ᬩᬾᬦᬾᬫᬮᬶᬗ᭄ᬕᬶᬄᬲᬋᬂᬳᬭᬶᬦ᭄ᬤᬵᬳᬶᬤ᭄ᬯᬕᬸᬂᬩ᭄ᬬᬂᬲᬸᬫᬦ᭄ᬤᬶᬂᬳᬦᬵᬓ᭄ᬤᬓᬄᬲᬶᬦᬾᬦ᭄ᬫᬳᬶᬗ᭄ᬮᬳᬸᬢ᭄ᬫ᭄ᬦᬾᬓᬦ᭄ᬳᬶᬤᬾᬯᬕᬸᬂᬓᬮᬶᬄᬕᭂᬮᬶᬲ᭄ᬫ᭄ᬧᭂᬲ᭄ᬢᬸᬃᬲᭂᬫ᭄ᬩᬄᬲᬫ᭄ᬧᬸᬦ᭄ᬫᬮᬶᬗ᭄ᬕᬶᬄᬓᬮᬶ
ᬮᬶᬄ᭟ᬳᬶᬤᬾᬯᬕᬸᬂᬳᬚᬶᬓ᭄ᬜᭂᬫ᭄ᬫᬗᬦ᭄ᬤᬶᬓᬩᬸᬓᬫᬢ᭄ᬭᬸᬄᬕᭂᬦ᭄ᬤᬶᬲ᭄ᬳᬧᬓᬮ᭄ᬳᭀᬭᬳᬂᬳᬦᬓ᭄ᬤᬫᬢᬸᬃᬜᬸᬫ᭄ᬩᬄᬗᬢᬸᬭᬂᬧᬧᬶᬦᭂᬄᬓᬮᬶᬄᬲᬧᬭᬶᬓᬦ᭄ᬤᬵᬢ᭄ᬮᬲ᭄ᬓᬳᬢᬸᬃᬲᬫᬶ᭟ᬳᬶᬤᬾᬯ᭄ᬯᬕᬸᬂᬳᬚᬶᬳᬭᬶᬲ᭄ᬫᬗᬦ᭄ᬤᬶᬓᬢᭀᬩ᭄ᬦᭂᬄᬕᬢᬶᬩᬧᬳᭂᬗ᭄ᬲᬧᬶᬲᬦ᭄ᬫᬦᬶᬚᬮᬦ᭄ᬤᬩ᭄ᬤ
ᬩᬂᬕᬳᬾᬦᬂᬢᬸᬮᬶᬲ᭄ᬤᬳᬸᬳᬶᬦ᭄ᬳᬧᬗᬮᬸᬯᬲ᭄ᬩᬋᬂᬓᬰᬺᬗ᭄ᬕᬧᬸᬭᬶ᭟ᬧᬤᬭᬫᭂᬲ᭄ᬭᬳᭀᬲᬾᬧᬲᬮᬶᬂᬢᬶᬫ᭄ᬩᬮ᭄ᬓᬤᬳᬸᬄᬩᬸᬤᬮ᭄ᬓᬮᬶᬄᬳ᭄ᬦᭂᬗᬂᬜ᭄ᬭᬶᬢᬬᬂᬦᬾᬩᬶᬦ᭄ᬫᬦᬶᬳᬸᬘᬧᬂᬳᬶᬤ᭄ᬯᬕᬸᬂᬳᬚᬶᬓᬢᬗ᭄ᬓᬶᬮ᭄ᬧᭂᬧᭂᬓ᭄ᬧ᭄ᬭᬫᬜ᭄ᬘᬓᭀᬃᬤᬭᬳᬶᬫ᭄ᬓᬤᬶ᭟ᬕᬸᬲ᭄ᬢᬶᬗᬸᬭᬄᬧ᭄ᬭᬩ᭄ᬓᭂᬮ᭄ᬮᬵ
[᭒᭙ 29A]
ᬦ᭄ᬩᬳᬸᬤᬦ᭄ᬤᬵᬫᬶᬯᬄᬧᬋᬱᬸᬮᬶᬗ᭄ᬕᬶᬄᬳᬢᬢ᭄ᬣᬧ᭄ᬭᬦᬫ᭄ᬬᬧᬋᬓᬦ᭄ᬭᭀᬩᬦ᭄ᬗᬫ᭄ᬩ᭄ᬬᬃᬳᬶᬤ᭄ᬯᬕᬸᬂᬗᬦ᭄ᬤᬶᬓᬳᬭᬶᬲ᭄ᬕᬸᬦ᭄ᬢᬂᬫᬚᬮᬦ᭄ᬘᭂᬭᬶᬓ᭄ᬘᭂᬭᬶᬓᬾᬓᬳᬮᬶᬄ᭟ᬚᬓ᭄ᬢᬢᭂᬮᬸᬫᬚᬮᬦ᭄ᬳᬧᬂᬤ᭄ᬥᬓᬤᬢ᭄ᬳᬤᬧᬘᬂᬓᭂᬜ᭄ᬘᬦᬶᬦ᭄ᬓ᭄ᬫᬳᬾᬗ᭄ᬕᬮ᭄ᬳᬾᬗ᭄ᬕᬮ᭄ᬳᬶᬕᬸᬦ᭄ᬢᬂᬲᬸᬩᬩ᭄ᬘᬢ᭄ᬳᬶᬩᬸᬗ᭄ᬩᬂᬫᬳ
ᬢᬸᬃᬳᬭᬶᬲ᭄ᬮᬳᬸᬢ᭄ᬫᬚᬮᬦ᭄ᬲᬸᬩᬫᬗ᭄ᬮᬶᬦ᭄ᬢᬂᬓᭀᬭᬶ᭟ᬲᬮᬶᬂᬢᬸᬮᬶᬄᬫᬗ᭄ᬭᬳᭀᬲ᭄ᬱᬫ᭄ᬩᬶᬮ᭄ᬫᬚᬮᬦ᭄ᬧᬤᬦᬓᭂᬄᬤᬶᬳᬢ᭄ᬣᬭᬳᭀᬲᬾᬩᬶᬲᬜ᭄ᬚᬚᬦᬶᬧᬘᬂᬓᬯ᭄ᬤᬃᬢᬸᬳᬸᬲᬂᬳ᭄ᬬᬂᬯᬶᬱ᭄ᬡᬸᬫᬸᬃᬢ᭄ᬢᬶᬓᬾᬩᭂᬓᬶᬂᬦᬬᭀᬧᬗᬶᬦ᭄ᬤ᭄ᬭᬚᬮᬲᬦ᭄ᬤᬶ᭟ᬧᬤᬩ᭄ᬮᬵᬲ᭄ᬳᬶᬕᬸᬦ᭄ᬢᬂᬩᬾᬢᬓ᭄ᬫᬓᬦ᭄ᬤᬂᬢᬦ᭄ᬤᬂᬢᬗ᭄ᬓᭂᬧᬾᬓ
ᬮᬶᬦ᭄ᬢᬂᬓᬮᬶᬰ᭄ᬘᭂᬧᬶᬂᬚᬚᬼᬕ᭄ᬲᬫᬧ᭄ᬢᬵᬧᬫᬸᬮᬸᬲᬤᬜᬦ᭄ᬤᬢ᭄ᬓ᭄ᬫᬶᬓᬦ᭄ᬩᬶᬩᬶᬳᬾᬫᬦᬶᬲ᭄ᬳᬲᬶᬦ᭄ᬱᬳᬾᬓᬵᬭᬶᬲᬂᬮᬸᬗᭂᬗᬗᬯᬶ᭟ᬤᬤᬾᬳᭀᬓᬵᬗ᭄ᬮᬳᬸᬢ᭄ᬓᬲᭂᬫᬭᬩᬯᬤᬤᬾᬅ᭄ ᬭᬳᬶᬓᬭᬗ᭄ᬓᬶᬦᬸᬚᬸᬮᬩ᭄ᬤᬓᬃᬬ᭄ᬬᬓᬸᬫ᭄ᬧᬸᬮ᭄ᬤᬶᬢᬸᬲᬫ᭄ᬬᬦ᭄ᬳᬦᬓᬕᬸᬂᬳᬕᬸᬂᬲᬫᬶᬳᬶᬤ᭄ᬯᬕᬸᬂᬮᬦᬂ
ᬱᬋᬂᬳᬶᬤ᭄ᬯᬕᬸᬂᬭᬳᬶ᭟ᬤᬤᬾᬅᬕᬸᬦ᭄ᬢᬂᬫᭂᬧᭂᬲᬗ᭄ᬕᬵᬫᬢᬸᬃᬕ᭄ᬢᬃᬭᬢᬸᬤᬾᬯᬕᬸᬂᬲᬫᬶᬢᬶᬢ᭄ᬬᬂᬓᬤᬳᬸᬳᬦᬳᬸᬃᬘᭀᬓᭀᬃᬳᬶᬤᬾᬯ᭄ᬯᬦᬸᬦᬲ᭄ᬓᬧᬸᬭᬶᬦᬾᬫᬗ᭄ᬓᬶᬦ᭄ᬳᬶᬤ᭄ᬯᬕᬸᬂᬮᬦᬂᬓ᭄ᬜᭂᬫ᭄ᬜᭂᬜᭂᬃᬫᬗᬓ᭄ᬱᬶ᭟ᬫᬗᬦ᭄ᬤᬶᬓᬳᬧᬲᬶᬚ᭄ᬦᭂᬗᭂᬳᬤᬳᬶᬕᬸᬦ᭄ᬢᬂᬫᬢᬸᬃᬳᬭᬶᬲ᭄ᬓᬾᬯᬮᬗᬢᬸᬭᬂᬲᬦᬾᬤᬶ
Page:Bali-lontar-gaguritan-cokoratu-05-250ppi.pdf/29
This page has been proofread.
