[᭓᭒ 32B]
᭓᭒
ᬳᬯᬄᬓᬗ᭄ᬕᭂᬓ᭄ᬳᬶᬧᬸᬦ᭄ᬗ᭄ᬮᬶᬬᬢᬶᬦ᭄ᬢ᭄ᬯᬭᬵᬤᬕᬕᬢ᭄ᬭᬦ᭄ᬢᬗ᭄ᬓᭂᬧ᭄ᬳᬸᬮᬶᬓᭀᬭᬶᬧᬦ᭄ᬫᬫᬸᬜᬶᬬᬲᬮᬶᬂᬢᬸᬮᬶᬄᬧ᭄ᬮᬶᬄᬩᬩᬭᬦ᭄ᬫᬮᬄᬚᬕᬢᬶᬫᬳᬶ᭟ᬳᬶᬲᬸᬫᬦ᭄ᬢ᭄ᬭᬶᬦᭀᬮᬶᬄᬫᬗᬚᬓᬶᬦ᭄ᬩᬸᬤᬮ᭄ᬮᬾᬦᬕᬶᬄᬦ᭄ᬮᭀᬓᬶᬦ᭄ᬧᬂᬫᬳᬦ᭄ᬤᭂᬤᬲᬂᬤᬤᬶᬧᬤᬫᬕᬾᬩ᭄ᬭᬲ᭄ᬫᬢᬦ᭄ᬤᬂ
ᬢᬗ᭄ᬓᭂᬧᬾᬘ᭄ᬧᬶᬂᬕ᭄ᬢᬃᬧ᭄ᬭᬢᬫᬢᬩᬸᬄᬫᬸᬜᬶᬜ᭄ᬩᬸᬭᬶᬦ᭄᭟ᬩᬶᬄᬩᬶᬄᬚ᭄ᬭᭀᬉᬮᬶᬤᬶᬚᬲᬶᬧᬦᬗ᭄ᬓᬵᬦ᭄ᬳᬧᬲ᭄ᬯᬓᬃᬬ᭄ᬬᬫᬳᬶᬦᬾᬢᬓᭀᬦᬶᬦ᭄ᬦᬶᬫ᭄ᬩᬵᬮ᭄ᬓᭂᬲ᭄ᬓᭂᬲ᭄ᬮᬳᬸᬢ᭄ᬫᬶᬤᬃᬢ᭄ᬣᬳᬫᬃᬬᬸᬦ᭄ᬮᬳᬸᬢ᭄ᬫᬫᬸᬜᬶᬚᬮᬄᬓᬾᬓ᭄ᬫᬦᬓᬕᬸᬗᬾᬧᬭᬦᬶᬦ᭄᭟ᬲᬸᬩᬧᬳᭂᬓ᭄ᬳᬶᬓᬦ᭄ᬕᬲᬗ᭄ᬓᬳᬶᬥᬸᬧᬵ
ᬳᬶᬘᬓ᭄ᬭᬲᬮᬶᬂᬢᬸᬮᬶᬄᬫᬦᬓᭂᬳᬸᬢᬸᬲᬦ᭄ᬢᬗ᭄ᬓᭂᬧᬾᬚᬾᬗ᭄ᬮᬃᬢᬫᬧᬢᬶᬄᬭᬢ᭄ᬣᬵᬩ᭄ᬭᬶᬬᬸᬓ᭄ᬱᬫᬶᬫ᭄ᬧᭂᬱ᭄ᬡ᭄ᬕᭂᬳᭂᬤ᭄ᬢᬗ᭄ᬓᭂᬧᬾᬓᬮᬶᬲ᭄ᬘ᭄ᬧᬶᬂ᭟ᬳᬶᬗ᭄ᬕᬶᬄᬭᬢᬸᬢᬶᬢ᭄ᬬᬂᬓᬤᬳᬸᬄᬦᬸᬦᬲᬂᬳᬦ᭄ᬢᬸᬓ᭄ᬢᭂᬫ᭄ᬩᬾᬗ᭄ᬭᬳᬸᬳᬶᬦ᭄ᬦ᭄ᬕᬭᬫᬥᬸᬭᬧᬸᬦᬧᬶᬓᬲ᭄ᬯᬚᬢ᭄ᬬᬦ᭄ᬳᬶᬓᬤ᭄ᬕᬕ᭄ᬢᬃᬜᬳᬸᬢᬶᬦ᭄ᬘ
ᬋᬫᬢᬶᬫ᭄ᬩᬵᬮ᭄ᬧᬤᬫᬢ᭄ᬭᬸᬄᬕᭂᬦ᭄ᬤᬶᬲ᭄᭟ᬧᬤᬓᬮᬶᬲ᭄ᬢᬩᬸᬳᬾᬫᬗᬮᬮ᭄ᬚᬶᬯ᭄ᬯᬢ᭄ᬬᬂᬓᬳᬸᬢᬸᬲ᭄ᬦᬶᬓᬶᬫᬗᬢᬸᬭᬂᬲᬸᬭᬵᬢ᭄ᬳᬦ᭄ᬢᬸᬓ᭄ᬳᬤ᭄ᬯᬕᬸᬂᬧᬸᬢ᭄ᬭᬓᬮᬶᬄᬓᬤᬳᬸᬳᬦ᭄ᬗᬶᬭᬶᬂᬓᭀᬭᬢᬸᬮᬸᬗᬚᬕᬓᬰᬺᬗ᭄ᬕᭂᬧᬸᬭᬶ᭟ᬳᬶᬲᬸᬫᬦ᭄ᬢ᭄ᬭᬶᬫ᭄ᬧᭂᬲᬗ᭄ᬕᬫᬢᬸᬃᬕ᭄ᬢᬃᬦᬸᬦᬲ᭄ᬭᬢᬸᬫᬗ᭄ᬭᬭᬶᬲ᭄
[᭓᭓ 33A]
ᬫᬗ᭄ᬓᬶᬦ᭄ᬓᬦ᭄ᬕᬭᬳᬶᬰᬤᬍᬲᬄᬩ᭄ᬘᬢ᭄ᬦ᭄ᬤᬳᬸᬳᬂᬳᬶᬯᭀᬂᬧᬲᬶᬲᬶᬗᬮᬶᬄᬧᬭᬓ᭄ᬧᬓ᭄ᬧᬦ᭄ᬧ᭄ᬢᭂᬂᬧᬸᬓᬸᬮ᭄ᬓᬮᬶᬄ᭟ᬫᬕᬺᬤᭂᬕᬦ᭄ᬫᬩ᭄ᬭᬶᬬᬸᬓ᭄ᬫᬕᭂᬕᬗ᭄ᬱᬭᬦ᭄ᬲᬓ᭄ᬱᬡᬭᬳᬸᬄᬕ᭄ᬮᬶᬲ᭄ᬤᬶᬩᬢᬦ᭄ᬩᬜ᭄ᬘᬶᬗᬄᬭᬚᬾᬂᬫᬥᬸᬭᬓᭀᬤᬮ᭄ᬫᬓᬵᬤᬶᬭᬓᬦ᭄ᬤᬵᬓᬮᬶᬄᬳᬢᬸ
ᬤᬾᬅᬳᭀᬓᬲᬋᬂᬳᬢᬸᬤᬾᬅᬭᬳᬶ᭟ᬓᬤᬯᬸᬳᬦ᭄ᬫᬫᭂᬦ᭄ᬤᬓ᭄ᬩᬢᬦ᭄ᬩᬜ᭄ᬘᬶᬗᬄᬫᬕᬾᬩ᭄ᬭᬲ᭄ᬢᭂᬤᬸᬦ᭄ᬕ᭄ᬮᬶᬲ᭄ᬜᬕ᭄ᬚᬕ᭄ᬫᬦᬫ᭄ᬧᭂᬓᬂᬧᬤᬫᬧᬧᬰ᭄ᬘᬶᬗᬓ᭄ᬧᬤᬫᬧᬧᬰ᭄ᬘᬶᬗᬓ᭄ᬧᬤᬓᬧ᭄ᬭᬡ᭄ᬦᬳᬢᬶᬳᬢᬸᬤᬾᬅᬳᭀᬓᬓ᭄ᬜᭂᬫᬜᬧᬳᬭᬶᬲ᭄᭟ᬧᬤᬗ᭄ᬳᭂᬤ᭄ᬢᬤᬾᬅᬭᬳᬶᬫᬜᭂᬩᬾᬭᬂᬦᬸᬦ
ᬲ᭄ᬫᬸᬗ᭄ᬕᬳᬦ᭄ᬗ᭄ᬭᬭᬶᬲ᭄ᬜ᭄ᬫᬓ᭄ᬮᬸᬢ᭄ᬫᬦᬦ᭄ᬤᬦ᭄ᬧᬦ᭄ᬗᬤᬧᬯᬶᬮᬗᬦ᭄ᬫᬸᬗ᭄ᬕᬳᬦ᭄ᬫᬩ᭄ᬭᬶᬬᬸᬓ᭄ᬱᬫᬶᬲᬂᬢᬶᬗ᭄ᬕᬵᬜᬧᬫᬃᬤᬯᬭᬸᬫᬫᬦᬶᬲ᭄᭟ᬳᭂᬗ᭄ᬕᬶᬄᬤᬾᬯᬫᬗ᭄ᬭᬭᬶᬲ᭄ᬓᬲᬧ᭄ᬢᬂᬲᬫ᭄ᬬᬦ᭄ᬲᬂᬯᬯᬸᬧ᭄ᬭᬧ᭄ᬢᬲᬫᬶᬫ᭄ᬧᭂᬲ᭄ᬦᬸᬦᬲ᭄ᬮᬸᬕᬺᬧ᭄ᬭᬦᬫ᭄ᬬᬲᬤᬗᬲᬩ᭄ᬢᬗ᭄ᬓᭂᬧᬾᬫᬦᬸᬤᬸᬢ᭄ᬳᬢᬶᬩᬕᬸ
ᬲ᭄ᬧᬢᬫ᭄ᬫᬧᬳᬸᬢ᭄ᬧᬦᬘᬮᬶᬭᬶᬂ᭟ᬢᬸᬤᬾᬅᬳᭀᬓᬓᬢᬸᬤᬾᬅᬭᬳᬸᬳᬶᬜᬶᬗ᭄ᬱᬾᬗᬯᬲ᭄ᬋᬱᭂᬧ᭄ᬭᬲᬦᬶᬳᬢᬶᬰ᭄ᬭᬶᬭᬚᬾᬂᬫᬤᬸᬭᬓ᭄ᬜᭂᬫᬳᭂᬫ᭄ᬩᬄᬕᬸᬮᬢᬩᬸᬳᬾᬳᬭᬸᬫᬫᬦᬶᬲ᭄ᬳᬦᬓᬕᬸᬂᬗᬧᬲ᭄ᬯᬓᬃᬬ᭄ᬬᬫᬗ᭄ᬭᬳᬸᬳᬶᬦ᭄᭟ᬢᬸᬤᬾᬅᬩᬸᬭᬄᬓᬤ᭄ᬕᬗ᭄ᬳᭂᬤ᭄ᬫᭂᬧᭂᬲᬗ᭄ᬕᬚ᭄ᬭᬶᬚᬶᬭᬸᬭᬸ
Page:Bali-lontar-gaguritan-cokoratu-05-250ppi.pdf/33
This page has been proofread.
