[᭓᭖ 36B]
᭓᭖
ᬭᬶᬂᬩᬲ᭄ᬢᬸᬗᬸᬭᬄᬮᬾᬤᬂᬢᬦ᭄ᬲᬶᬧᬶᬓᭀᬭᬢᬸᬓᬗ᭄ᬕᭂᬓ᭄ᬗᬓ᭄ᬱᬶᬓ᭄ᬜᭂᬫᬗᬦ᭄ᬤᬶᬓᬳᬮᬸᬲ᭄ᬜᬸᬓᬫᬳᭂᬫ᭄ᬩᬄᬕᬸᬮᬬᬾᬦ᭄ᬜᬾᬦ᭄ᬢᬯᬄᬩᬋᬂᬫᬳᬶᬢᬸᬤᬾᬅᬓᬮᬶᬄᬫ᭄ᬧᭂᬲ᭄ᬜᬸᬫ᭄ᬩᬄᬫᬫᬶᬤᬃᬢ᭄ᬣᬵ᭟ᬦᬾᬦᬾᬯᬢ᭄ᬧᬢ᭄ᬓᬢᬳᬸᬭᬕ᭄ᬫᬜᬸᬫ᭄ᬩᬄᬗᬢᬸᬭᬂᬢᬸᬮᬶᬲ᭄ᬭᬢᬸᬢᬶᬢ᭄ᬬᬂᬓᬤᬳᬸᬳᬦ᭄ᬗᬶᬭᬶᬂ
ᬘᭀᬓᭀᬃᬭᬢᬸᬫᬗ᭄ᬓᬶᬦ᭄ᬢᬶᬢ᭄ᬬᬂᬓᬩᬳᭀᬲᬶᬲᬶᬧ᭄ᬭᬶᬂᬧᬮᬶᬗ᭄ᬕᬶᬄᬳᬶᬤᬾᬯᬕᬸᬂᬫᬓ᭄ᬚᬂᬓᬧᬶᬤᬃᬢ᭄ᬣᬓᭀᬭᬢᬸᬗᬦ᭄ᬤᬶᬓᬳᬭᬶᬲ᭄ᬤᬗᭀᬩ᭄ᬚᬂᬤᬶᬦᬶᬩᬋᬂᬳᬚᬓ᭄ᬢ᭄ᬬᬂ᭟ᬢᬸᬗᬸᬭᬄᬳᬭᬶᬲ᭄ᬗᬤᬶᬓᬯᬘᬦᬳᬭᬸᬫᬫᬦᬶᬲ᭄ᬋᬱᭂᬧ᭄ᬢᬸᬃᬯ᭄ᬮᬲᬶᬂᬘᬶᬢ᭄ᬣᬵᬧᬮᬶᬮᬬᬂᬧᬤᬚᬦᬶᬢ᭄ᬬᬂᬳᬚᬓ᭄ᬦᬦ᭄ᬤᬗᬶᬦ᭄ᬫ
ᬰᬶᬄᬧᬤᬓᬯ᭄ᬮᬲᬳ᭄ᬬᬸᬦ᭄ᬤᬾᬦᬶᬂᬧᬜᬢ᭄ᬭᬶᬦ᭄ᬤᬾᬯᬢᭀᬂᬤᬤᬶᬳᬸᬮᬄᬓᭂᬮᬶᬤᬶᬦ᭄ᬫᬗ᭄ᬤᬾᬢᭂᬧᬸᬓ᭄ᬩᬋᬂᬳᬚᬓ᭄ᬚ᭄ᬮᬾᬫ᭄ᬮᬄ᭟ᬫᬩ᭄ᬭᬶᬬᬸᬓ᭄ᬫᭂᬧᭂᬲ᭄ᬫᬜᬸᬫ᭄ᬩᬄᬳᬢᬸᬭᬾᬳᬭᬸᬫᬫᬦᬶᬲ᭄ᬢᬗ᭄ᬓᭂᬧᬾᬫᬦ᭄ᬤᬸᬤᬸᬢ᭄ᬘᬶᬢ᭄ᬣᬵᬭᬢᬸᬢᬶᬢ᭄ᬬᬂᬮᬶᬦ᭄ᬢᬂᬲᬳᬶᬭᬶᬂᬬᬸᬜ᭄ᬘᭀᬓᭀᬃᬭᬢᬸᬓᬮᬶᬄᬲᬤᬸᬃᬕᬩᬬ
ᬫᬗᬶᬓᬸᬢ᭄ᬢᬦ᭄ᬯᬾᬜ᭄ᬚᬕᬧᬶᬯᬮ᭄ᬓᭀᬭᬢᬸᬳᬤᬾᬂᬜᬳᬸᬢᬶᬦ᭄ᬦᬄᬢᬸᬮᬸᬲᬂᬚᬮᬄᬚᬦᬶᬓᬤᬸᬦᬸᬗᬦ᭄᭟ᬫᬩ᭄ᬭᬶᬬᬸᬓ᭄ᬱᬫᬶᬫᬫᬃᬕᬭᬯᬸᬄᬭᬶᬧᬲᬗ᭄ᬕ᭄ᬭᬦ᭄ᬕᭂᬮᬶᬲ᭄ᬯᬭᬸᬂᬓᬦ᭄ᬢᭀᬭᬦᬾᬮᬦ᭄ᬢᬂᬢᬢᬶᬗ᭄ᬓᬳᬜ᭄ᬘᬭᬮᭀᬚᬶᬫᬓᬫᬃᬩᬶᬮᬂᬳᬓ᭄ᬮᬶᬃᬲᬺᬕᭂᬧ᭄ᬲᭀᬧᬘᬭᬮ
[᭓᭗ 37A]
ᬗᬸᬢᬢᬸᬭᬳᬦ᭄ᬩ᭄ᬮᬦ᭄ᬤᬵᬓᭀᬭᬢᬸᬗᬦ᭄ᬤᬶᬓᬳᬭᬶᬲ᭄᭞ᬦᬄᬦᬾᬳᬳᬸᬕ᭄ᬢᭀᬗᭀᬲᬶᬦ᭄ᬳᬚᬓ᭄ᬫᬓ᭄ᬚᬂ᭟ᬲᬫ᭄ᬧᬸᬦ᭄ᬲᬶᬭᬗᬸᬗ᭄ᬲᬶᬧ᭄ᬭᬦᬳᬾᬲᬓ᭄ᬱᬡ᭄ᬦᬵᬭᬯᬸᬄᬓᭀᬧᬶᬫᬤᬸᬮᬸᬃᬋᬦ᭄ᬤᬂᬲᬓ᭄ᬓᬯᬦ᭄ᬓᬢᬸᬭᬶᬲᬂᬯᬯᬸᬧ᭄ᬭᬧ᭄ᬢᬶᬫᬫᬦᬶᬲᬦ᭄ᬮᬸᬫᬶᬦ᭄ᬤᬶᬘᬶᬦᬦᬶᬯᬶᬩᬯᬂᬳᬕᬸᬂᬢᬸᬭᬓᬸᬯᬗᬦ᭄ᬩᬸᬓ᭄ᬢ᭄ᬬ
ᬳᬓᬲᬸᬓᬦ᭄ᬤᬶᬦᬮᬢ᭄ᬭᬶᬯᬺᬳ᭄ᬳᬸᬫ᭄ᬬᬂᬢᬦ᭄ᬧᬾᬦ᭄ᬤᬄᬮ᭄ᬯᬶᬃᬤᬶᬦᬕᬭᬵ᭟ᬯᬢᭂᬓ᭄ᬩᬚᬗᬾᬫᬓ᭄ᬚᬂᬓᭂᬫ᭄ᬩᬵᬓ᭄ᬫᬳᬦ᭄ᬓᬮᬤᬾᬰᬶᬫᬳᬸᬩᭂᬲ᭄ᬫᬗᬵᬚᬓ᭄ᬢᬶᬫ᭄ᬧᬮ᭄ᬱᬮᬶᬂᬳᬸᬚᬸᬃᬲᬮᬶᬂᬓᬓᬲ᭄ᬬᬦ᭄ᬧᬤᬩ᭄ᬘᬶᬓ᭄ᬮᬾᬦ᭄ᬯᬢᭂᬓ᭄ᬳᭂᬚᬶᬫ᭄ᬜᬸᬫ᭄ᬧᬸᬓᬧᬲᬗ᭄ᬕ᭄ᬭᬳᬦ᭄ᬮᬯᬸᬢ᭄ᬫ᭄ᬭᬦᬂᬫᬗᬮᬶᬳᬮᬶᬳᬲᬶᬂ
ᬤ᭄ᬫᭂᬦᬶᬦ᭄ᬫᬓᭂᬲᬫᬶᬭᬵᬢᬸᬗᬸᬭᬄᬜᬭᬸᬫᬧᬶᬢᬦᬶᬦᬯᬂ᭟ᬓᭀᬭᬢᬸᬗᬸᬮᬸᬭᬶᬦ᭄ᬧᬶᬲᬦ᭄ᬳ᭄ᬦᭂᬗᬂᬳᬸᬘᬧᬂᬚᬦᬶᬳᬗᬶᬂᬦᭂᬕᬭᬦᬾᬓᬸᬘᬧ᭄ᬳᭀᬋᬕ᭄ᬳᬸᬫ᭄ᬬᬂᬲᬦ᭄ᬕᬭᬶᬓᬢ᭄ᬓᬾᬂᬤᬶᬢ᭄ᬧᬶᬲᬶᬭᬶᬂᬧᬤᬢ᭄ᬓᬤᬸᬮᬸᬤᬮᬸᬃᬢ᭄ᬯᬭᬗᬦ᭄ᬢᬶᬳᬭᬳᬦ᭄ᬓᬧᬾᬗᬶᬦ᭄ᬜᬦᬾᬢᬦ᭄ᬲᬶᬧᬶᬫᭂᬤ᭄ᬦᬯᬂᬓᬃᬬ᭄ᬬᬵ
ᬓᬲᬸᬩ᭄ᬲᬾᬯᬫ᭄ᬩᬭ᭟ᬧ᭄ᬭᬫᬜ᭄ᬘᬮᬦ᭄ᬩᬳᬸᬤᬦ᭄ᬤᬧᬸᬗ᭄ᬕᬯᬧᬤᬗᭂᬫ᭄ᬧᭀᬦᬶᬦ᭄ᬧᬘᬸᬓᬸᬢᬫ᭄ᬬᬸᬫᬓᬵᬦ᭄ᬤᬮᬾᬦ᭄ᬫᬃᬕᬲᬸᬩᬫᬳ᭄ᬦᬶᬫᬓᬤᬶᬦ᭄ᬜᬦᬾᬩ᭄ᬯᬦ᭄ᬤᬶᬩᬜ᭄ᬘᬶᬗᬄᬳᬰ᭄ᬭᬶᬮᬗᬸᬢᬶᬦ᭄ᬭᬧᬦ᭄ᬲᬃᬯ᭄ᬯᬵᬫᬸᬮ᭄ᬬᬮᬸᬗ᭄ᬲᬶᬃᬤᬾᬯᬗ᭄ᬕᬵᬳᬗ᭄ᬭᬯᬶᬢ᭄ᬳᬩ᭄ᬭᬫᬸᬭᬸᬩ᭄ᬓᬢ᭄ᬓᬾᬂ
Page:Bali-lontar-gaguritan-cokoratu-05-250ppi.pdf/37
This page has been proofread.
