[᭔᭔ 44B]
᭔᭔
ᬧ᭄ᬭᬶᬬᬢᬶᬩᬮᬸᬢ᭄ᬩᬮᬸᬢ᭄ᬦᬶᬂᬳᬓ᭄ᬱᬶᬳᬫᬗᬸᬦ᭄ᬭᬕ᭄ᬕᬓᬸᬂᬮᬸᬮᬸᬢ᭄ᬲᬸᬲ᭄ᬬᬄᬫᬗ᭄ᬕᬯᬾᬭᬶᬫᬂᬰ᭄ᬭᬶᬧ᭄ᬭᬫᬶᬰ᭄ᬯᬭᬶᬫᬲᬶᬳᬶᬗᬦ᭄ᬤᬶᬓᬮᬸᬲ᭄ᬩᬸᬓᬫᭂᬫ᭄ᬩᬄᬕᬸᬮᬤ᭄ᬭᬯ᭟ᬦᬓᬕᬸᬂᬫᬲ᭄ᬫᬶᬭᬄᬲᬬᬂᬳᭂᬗ᭄ᬕᬶᬄᬓᬫᬧᬬᬲ᭄ᬚᬦᬶᬦᬶᬓᬶᬲᬸᬩᬧᬤᬢ᭄ᬓᬵᬧᬘᬂᬦᬩ᭄ᬤᬩ᭄ᬳᬶᬤᬚᬦᬶᬜᭂᬦ᭄ᬳᬾᬗ᭄ᬕᬮᬦ᭄ᬫᬳᬮᬶᬄᬳᬬᬸᬅ᭄ ᬕ᭄ᬢᬃᬘ᭄ᬩᬾᬃ
ᬫᬢᬸᬃᬳᬶᬗ᭄ᬕᬶᬄᬳᬦ᭄ᬢᭀᬲᬂᬢᬶᬢ᭄ᬬᬂᬫᬯᬗ᭄ᬲᬶᬢ᭄ᬥᬸᬦᬵᬦ᭄ᬲᬫᬶᬚᬕᬫᬬ᭄ᬬᬲ᭄ᬫᬗ᭄ᬭᬜ᭄ᬚᬶᬂᬓᬕ᭄ᬥᬶᬂᬕᬫ᭄ᬩᬃ᭟ᬫᬸᬮᬕ᭄ᬦᬄᬳᬶᬤᬫᬬ᭄ᬬᬲ᭄ᬫᬲᬮᬶᬦᬦ᭄ᬲᬋᬂᬲᬫᬶᬫᬯᬲ᭄ᬢ᭄ᬭᬩᬢᬶᬓᬳᬾᬮᬫ᭄ᬩᬗ᭄ᬲᬳᬸᬫᬸᬃᬲᬢᬸᬘ᭄ᬧᬶᬂᬧᬧ᭄ᬓᭂᬓ᭄ᬤᬥᬸᬫᬶᬮᬶᬲᬸᬢ᭄ᬭᬳᬾᬮᭀᬯᬦᬾᬳᬮᬸᬲ᭄ᬧᬢᬸᬄᬓᬸᬭᬸᬩ᭄ᬓᬘᬶᬬᬮ᭄ᬕᬕᬸᬮᬸᬂᬢᭂᬭᬸᬲ᭄
ᬗᬾᬤᬦᬶᬦ᭄ᬢ᭄ᬓᬗᬫᬸᬦ᭄ᬲᬭᬭᬵᬲ᭄ᬗᬯᬾᬓᬸᬂᬭᬶᬫᬂ᭟ᬓᬾᬯᬮᬳᬤᬧ᭄ᬭᬘᬶᬦᬧᬢᬸᬄᬧᬤᬫᬕ᭄ᬮᬂᬩᬢᬶᬲ᭄ᬳᬮᬶᬳᬮᬶᬲᬲᬶᬫᬢᬦ᭄ᬤᬶᬓᬘᬶᬂᬢ᭄ᬓᬦᬶᬭᬸᬓ᭄ᬢᬶᬚ᭄ᬭᬶᬚᬶᬭᬸᬭᬸᬲ᭄ᬗᬾᬤᬦᬶᬦ᭄ᬦᬓᬓᬤᬶᬫᬦᬶᬓ᭄ᬩᬜᬸᬭᬕᬫ᭄ᬭᭀᬲ᭄ᬗᬮᬸᬗ᭄ᬕᬂᬧᬫᬸᬮᬸᬦᬾᬜᬮᬂᬕᬥᬶᬂᬳᬬᬸᬦᬸᬮᬸᬲ᭄ᬢᬦ᭄ᬧᬾᬦ᭄ᬤᬄᬧᬸᬢ᭄ᬭᬶ
ᬭᬶᬂᬲᬸᬭᬵᬢ᭄᭟ᬫᬩ᭄ᬭᬶᬬᬸᬓ᭄ᬭᬭᬶᬲ᭄ᬓᬯ᭄ᬤᬮ᭄ᬤᬶᬳᬫ᭄ᬩᬾᬦ᭄ᬳᬢᬧ᭄ᬳᬮᬶᬗ᭄ᬕᬶᬄᬧ᭄ᬭᬫᬶᬰ᭄ᬭᬭᬶᬓᬗ᭄ᬕᭂᬓ᭄ᬫᬜᬶᬗᬓ᭄ᬜᭂᬫᬗᬦ᭄ᬤᬶᬓᬳᬭᬶᬲ᭄ᬦᬓᬕᬸᬂᬗᬸᬤᬘᬸᬗ᭄ᬓᬶᬂᬳᬶᬤ᭄ᬧᬂᬚᬳᬦᬓᬕᬸᬂᬩᬧᬦ᭄ᬳᬶᬤᬦᬾᬫᬶᬭᬄᬫ᭄ᬩ᭄ᬯᬢᬶᬦ᭄ᬤᬶᬦᬶᬫᬦᬶᬓ᭄ᬦᬄᬫᬧᬬᬲ᭄ᬦᬾᬧᬗᬗ᭄ᬕᭀᬚᬓ᭄ᬫᬓ᭄ᬚᬂ᭟ᬳᬦᬓᬕᬸᬂᬳᬬᬸᬗᬸᬭᬄ
[᭔᭕ 45A]
ᬫᬳᬢᬸᬃᬢᬩᬸᬳᬾᬓᬧᬶᬲ᭄ᬢᬦ᭄ᬲᬶᬓᬾᬂᬢᬶᬢ᭄ᬬᬂᬮᬗ᭄ᬕᬦᬳᬶᬗ᭄ᬕᬶᬄᬧᬶᬦᭂᬳᬶᬦ᭄ᬳᬓᬶᬤᬶᬓ᭄ᬦᬾᬭᬳᬸᬄᬲᬫᬶᬗ᭄ᬭᬭᬶᬲ᭄ᬩᭀᬬᬦᬸᬕᬶᬳᬶᬧᬸᬦ᭄ᬗᭂᬧᬸᬗᬋᬋᬭᬚᬩᬸᬲᬦᬧ᭄ᬭᬧᬸᬢ᭄ᬭᬶᬫᬫᬢᬸᬢ᭄ᬲᬫᬶᬧ᭄ᬭᬫᬶᬰ᭄ᬯᬭᬶᬫ᭄ᬦᭂᬂᬢ᭄ᬯᬭᬗ᭄ᬮᬄᬓᬦ᭄ᬤ᭟ᬳ᭄ᬦᭂᬗᬂᬤᬶᬚ᭄ᬭᭀᬧᬸᬭᬤᬶᬩᬜ᭄ᬘᬶᬗᬄᬩ᭄ᬯᬶᬦ᭄ᬩᬮᬶ
ᬓᬶᬦ᭄ᬳᬸᬧᬘᬭᬲᬸᬩᬗᬫ᭄ᬩ᭄ᬬᬃᬤᬶᬩᬢᬦ᭄ᬩᬜ᭄ᬘᬶᬗᬄᬢᬶᬢᬶᬩ᭄ᬢᬦ᭄ᬧᬾᬦ᭄ᬤᬄᬚᬫᬸᬃᬓᬸᬦᬶᬂᬳᭀᬯᬚᭂᬂᬭᭀᬩ᭄ᬭᭀᬩ᭄ᬳᬰ᭄ᬭᬶᬮᬗᬸᬲᬂᬧ᭄ᬭᬳᬩᬸᬰᬺᬗ᭄ᬕᬧᬸᬭᬢ᭄ᬥᬸᬦ᭄ᬗ᭄ᬮᬶᬦ᭄ᬢᬂᬳᬜ᭄ᬘᬓ᭄ᬱᬚᬶᬫ᭄ᬧᭂᬲᬗ᭄ᬕᬵᬦᬸᬦᬲ᭄ᬭᬢᬸᬗ᭄ᬭᬭᬶᬲ᭄ᬫᬸᬗ᭄ᬕᬄ᭟ᬘᭀᬓᭀᬭᬢᬸᬓ᭄ᬜᭂᬫ᭄ᬜᬶᬗᬓ᭄ᬫᬢᬸᬦ᭄ᬢᬸᬦ᭄ᬫᬸᬗ᭄ᬕᬄᬗ᭄ᬭᬭᬶᬲ᭄ᬫᬮᬶᬗ᭄ᬕᬶᬄᬭᬶᬂᬧᬕ
ᬚᬳᬦ᭄ᬧ᭄ᬭᬧᬸᬢ᭄ᬭᬲᬫᬶᬫᬗᬶᬭᬶᬂᬳᬶᬤᬲᬂᬯᬶᬭᬓᬮᬶᬄᬢᬦ᭄ᬲᬄᬳᬮᬸᬗ᭄ᬕᬸᬄᬭᬶᬗᬬᬸᬦ᭄ᬳᬸᬲ᭄ᬫᬸᬗ᭄ᬕ᭄ᬯᬶᬂᬧᬢᭂᬭᬦᬵᬢᬶᬦ᭄ᬭᬧᬦ᭄ᬱᬃᬯᬭᬢ᭄ᬦᬤᬶᬧᬋᬧᬸᬢ᭄ᬭᬭᬶᬂᬳᬸᬭᬶᬳᬢᬢ᭄ᬣᬢᬢ᭄ᬣ᭟ᬢᬸᬤᬾᬅᬓᬮᬶᬄᬫᬩᬭᬗᬦ᭄ᬳᬫᬗ᭄ᬓᬸᬓᬳᭀᬢᬦ᭄ᬳᬰ᭄ᬭᬶᬳᬶᬓᬤ᭄ᬕᬘᬓ᭄ᬭᬫᬦᬵᬫ᭄ᬧᬲᬧᬸᬢᬗᬦ᭄ᬲᬸᬢ᭄ᬭᬳᬮᬶᬫ᭄ᬦᬾ
ᬤᬤ᭄ᬯᬫᬗᭂᬧᭂᬢᬶᬦ᭄ᬓᬮᬶᬲ᭄ᬢᬗ᭄ᬓᭂᬧᬾᬫᬧᬳᬸᬢ᭄ᬧᬤᬧ᭄ᬭᬢᬫᬾᬂᬭᬭᬲᬂᬓᬮᬶᬄᬮᬾᬤᬂᬢᬦ᭄ᬲᬶᬧᬶᬳᬶᬢᬧ᭄ᬚᭂᬚᭂᬮ᭄ᬧᬗᬶᬭᬶᬂᬫᬓᬦ᭄ᬤᬓᬦ᭄ᬤ᭟ᬲᬂᬧ᭄ᬭᬵᬩᬸᬲᬺᬗ᭄ᬕᬦ᭄ᬕᬭᬭᬶᬂᬳᬦ᭄ᬤᬫᬸᬤ᭄ᬭᬫᬮᬶᬗ᭄ᬕᬶᬄᬤᬶᬢ᭄ᬗᬄᬗᬶᬗ᭄ᬕᬶᬮ᭄ᬳᬗᬸᬗᬂᬳᬸᬗ᭄ᬕ᭄ᬯᬦ᭄ᬲᬂᬧᬭᬦᬶᬂᬧ᭄ᬭᬧ᭄ᬢᬶᬢᬦ᭄ᬮᬾᬦ᭄ᬲᬂᬧᬋᬧᬸᬢ᭄ᬭᬶᬲᬂᬓᬤᬶᬬᬂᬲ᭄ᬫᬭᬯᬥᬸᬓᬮᬯᬦ᭄ᬕᬶᬭᬶ
Page:Bali-lontar-gaguritan-cokoratu-05-250ppi.pdf/45
This page has been proofread.
