[᭔᭖ 46B]
᭔᭖
ᬜ᭄ᬘᬶᬗᬄᬕ᭄ᬮᬶᬲ᭄ᬫᬗ᭄ᬭᬭᬶᬲ᭄ᬭᬶᬂᬳᬦ᭄ᬤᬫᬸᬤᬺᬧ᭄ᬭᬭᬢᬸᬫᬫᭂᬦ᭄ᬤᬓ᭄ᬱᬫᬶᬧ᭄ᬤᬲᬸᬩᬫᬗᬓ᭄ᬱᬶᬳᬶᬤᬳᭂᬲ᭄ᬫᬭᬲᬮᬶᬫᬸᬄᬳᬤᬢᬶᬫ᭄ᬩᬮᬦ᭄ᬫᬗᬯᬲ᭄ᬳᬵᬤᬫᬓ᭄ᬚᬶᬢ᭄ᬕᬢᬶᬳᬤᬗ᭄ᬭᬸᬫ᭄ᬭᬸᬫ᭄ᬗᬭᬸᬫᬸᬦ᭄ᬤᬶᬚ᭄ᬭᭀᬦᬶᬂᬋᬤ᭄ᬥᬵ᭟ᬫᬾᬭᬢᬸᬪᬝᬵᬭᬦ᭄ᬢᬶᬢ᭄ᬬᬂᬢᭀᬓ᭄ᬦᬧᬗᬫᬸᬦ᭄ᬕᭂᬲᬶᬢ᭄ᬫᬳᬶᬓᭀᬢᬸᬳᬾᬗ᭄ᬕᬵ
ᬮᬂᬢᬸᬢᬸᬭᬂᬓ᭄ᬭᬦᬦᬾᬲ᭄ᬥᬶᬄᬜᬦ᭄ᬕᭂᬫᭂᬲ᭄ᬗᬫᭂᬦ᭄ᬤᬸᬳᬶᬦ᭄ᬫᬦᬶᬓ᭄ᬢᬶᬢ᭄ᬬᬗᬾᬤᬾᬯᬕᬸᬂᬤᬶᬦᬶᬭᬢᬸᬳᭂᬫ᭄ᬧᬳᬂᬢᬶᬢ᭄ᬬᬂᬕᬲ᭄ᬕᬲ᭄ᬭᬢᬸᬫᬦᬶᬓ᭄ᬳᬤᬩ᭄ᬯᬶᬦ᭄ᬫᬦᬶᬫ᭄ᬩᬮ᭄ᬫᬫᬸᬜᬶᬕ᭄ᬢᬃ᭟ᬥᬸᬄᬭᬢᬸᬫᬲ᭄ᬫᬗᭂᬜᬕᬂᬲᬲᬗᬶᬦ᭄ᬢᬶᬢ᭄ᬬᬂᬫᬲ᭄ᬫᬡ᭄ᬦᬶᬓ᭄ᬗᬶᬭᬶᬂᬳᬶᬤᬫᬓᬮᬗ᭄ᬯᬦ᭄ᬫᬳᬶᬫ᭄ᬬᬦ᭄ᬳᬶᬫ᭄ᬬ
ᬦ᭄ᬤᬶᬫᬃᬕᬶᬜ᭄ᬚᬚᬄᬮᬗᭂᬦᬶᬂᬳᬸᬓᬶᬃᬫᬲᬦᬶᬂᬰᬰᬶᬄᬓᬘᬢᬸᬃᬧᬦ᭄ᬤᭂᬗᬶᬂᬲᬃᬯ᭄ᬯᬲ᭄ᬓᬃᬓᬮᬶᬄᬭᬶᬫᬲᬦ᭄ᬳᬲᬸᬚᬶᬚᬮᬦ᭄ᬮᬸᬯᬲ᭄ᬗᭂᬦ᭄ᬤᭀᬦ᭄ᬫᬸᬲᬸᬄᬤᬸᬃᬕ᭄ᬕᬫᬵ᭟ᬤᬶᬢᬸᬳᬧᬂᬳᬕᬸᬂᬜᬶᬗ᭄ᬓᬢᬗ᭄ᬓᭂᬧ᭄ᬢᬶᬬᬗᬾᬫᬢᬦ᭄ᬤᬶᬂᬫ᭄ᬢᬸᬓᬂᬲᬶᬗᬯᬶᬓ᭄ᬭᬫ᭄ᬫᬦ᭄ᬳᬤᬩᬶᬦ᭄ᬕᭂᬢᬃᬦᭂᬫ᭄ᬩᬸᬗᬶᬦ᭄ᬢ᭄ᬯᬭᬬᬧᬧᬓᬾᬭᬶᬂᬫᬫᬸᬜᬶ
ᬫᬢ᭄ᬭᬸᬄᬫᬥᬸᬫᬲ᭄ᬳᬢ᭄ᬫᬚᬶᬯ᭄ᬯᬘᬶᬗᬓ᭄ᬢᬶᬢ᭄ᬬᬂᬓᬯ᭄ᬮᬲᬰᬶᬄᬤᬸᬄᬢᬭᬸᬦᬳᬶᬤᬧᬘᬕᭂᬭᬂᬢᬶᬢ᭄ᬬᬂ᭟ᬳᬚᬓ᭄ᬢᬶᬢ᭄ᬬᬂᬫᬗ᭄ᬓᬸᬧ᭄ᬭᬚᬗᬤᭂᬕ᭄ᬧᬤ᭄ᬫᬶᬤᬶᬚ᭄ᬭᭀᬧᬸᬭᬶᬳᬤᬩᬶᬦ᭄ᬓᬫᭂᬢᭂᬗ᭄ᬕᭂᬗᬦ᭄ᬢ᭄ᬯᬭᬤᬤᬶᬧ᭄ᬱᬸᬫᬸᬜᬶᬲᭀᬓ᭄ᬗ᭄ᬭᬶᬫᬶᬓ᭄ᬤᬶᬚ᭄ᬭᭀᬋᬤᬶᬳᬭᬄᬧᬮᬶᬂᬢ᭄ᬓᬧᬸᬧᬸᬢ᭄ᬫᬗᭂᬫ᭄ᬩᬸᬲ᭄ᬕ᭄ᬮᬂᬓᬦᬧᬢᬶᬢᬶ
[᭔᭗ 47A]
ᬲ᭄ᬮᬦ᭄ᬲ᭄ᬓᬃᬢᬚᬶᬓᬮᬢ᭄ᬩᬳᬸᬩ᭄ᬘᬢ᭄ᬦᬸᬦ᭄ᬤᬾᬦ᭄ᬫᬗᬢᬸᬭᬂ᭟ᬮᬾᬦ᭄ᬳᬤᬗᬢᬸᬭᬂᬲᬸᬭᬵᬢ᭄ᬫᬗ᭄ᬭᬸᬫ᭄ᬭᬸᬫ᭄ᬫᬗᬰᬶᬄᬳᬰᬶᬄᬧ᭄ᬭᬧᬸᬢ᭄ᬭᬶᬢ᭄ᬯᬭᬗᬺᬱᭂᬧᬂᬲᭀᬓ᭄ᬢᭀᬓ᭄ᬢᬵᬬᬦᬓ᭄ᬱᬶᬦᬾᬫᬶᬚᬶᬮ᭄ᬧ᭄ᬭᬭᬢᬸᬧᬤᬧᬮᬶᬂᬓ᭄ᬦᬦ᭄ᬱ᭄ᬫᬭᬳᬸᬮᬗᬸᬦ᭄ᬮᬶᬬᬸᬬᬜ᭄ᬘᬭᬶᬢᬬᬂᬧ᭄ᬭᬧᬸᬢ᭄ᬭᬶᬓᭀᬩᭂᬢᬶᬂᬋᬤᬶᬘᭀᬓᭀᬭᬢᬸᬯᬸᬕᭂᬢᬸᬦ᭄ᬕᭂᬢᬸ
ᬦ᭄ᬫᬃᬫᬜᬶᬗᬓ᭄᭟ᬲᬃᬯ᭄ᬯᬶᬗᭂᬫ᭄ᬩᭂᬂᬢᭀᬬᬦ᭄ᬤᬶᬃᬬᬳᬫᬮᬾᬫᬮᬾᬦᬶᬂᬮᬶᬭᬶᬂᬤᬤᬶᬢᬓᬧᭂᬦ᭄ᬤᬓ᭄ᬘᬶᬗᬓ᭄ᬭᬶᬳᬬᬸᬅ᭄ ᬓᭀᬭᬢᬸᬕ᭄ᬮᬶᬲ᭄ᬫᬯᬵᬩ᭄ᬱᬶᬢ᭄ᬫᬗᬸᬮᬧᬶᬦ᭄ᬳᬬᬸᬅᬓᭂᬲ᭄ᬬᬃᬕ᭄ᬮᬶᬲ᭄ᬢ᭄ᬥᬸᬦ᭄ᬗ᭄ᬭᬭᬶᬲ᭄ᬓᬧᬕᬚᬳᬦ᭄ᬧ᭄ᬭᬧᬸᬢ᭄ᬭᬶᬫᬩ᭄ᬭᬶᬬᬸᬓ᭄ᬱᬫᬶᬫᬦᬫ᭄ᬧᭂᬓᬂᬳᬬᬸᬅᬫᬢᬸᬃᬫ᭄ᬮᬤ᭄ᬧ᭄ᬭ᭄ᬡ᭄ᬦ᭟ᬤᬾᬯ᭄ᬯᬕᬸᬂ
ᬦᬧᬶᬳᬤᬜᬳᬾᬭᬗᬾᬗ᭄ᬩᭂᬓᬶᬦ᭄ᬕᬸᬫᬶᬗᬶᬭᬶᬂᬫᬗ᭄ᬓᬶᬦ᭄ᬳᬚᬓ᭄ᬢᬶᬢ᭄ᬬᬂᬫᬦ᭄ᬢᬸᬓ᭄ᬫᬗᬺᬋᬄᬩᬧᬵᬚᬶᬳᬶᬩ᭄ᬬᬂᬫᬶᬦᬓᬤᬶᬧ᭄ᬭᬧᬸᬢ᭄ᬭᬶᬧᬚᬸᬗ᭄ᬓᭂᬮ᭄ᬫᬢᬸᬃᬳᬲᬮᬄᬧᬢᭂᬭᬦ᭄ᬦᬢᬸᬗᬸᬭᬄᬫᬳᬵᬢᬸᬃᬕ᭄ᬮᬶᬲ᭄ᬳᬕᬸᬂᬢᬶᬢ᭄ᬬᬂᬳᬶᬘ᭄ᬧᬸᬕ᭄ᬫ᭄ᬭᬶᬓᬶᬢᬫ᭄ᬧᭂᬓᬂ᭟ᬳᬕᬸᬂᬕ᭄ᬮᬶᬲ᭄ᬫᬦᬫ᭄ᬧᭂᬓᬂᬫᬗᬫ᭄ᬩᬶᬮ᭄ᬢᬗᬦ᭄ᬫᬦᬗᬶᬲ᭄ᬓᭀᬭᬢᬸ
ᬫᬃᬫ᭄ᬫᬫᬜᬶᬗᬓ᭄ᬗᬦ᭄ᬤᬶᬓᬳᬭᬸᬫ᭄ᬫᬦᬶᬲ᭄ᬚᬮᬓᬾᬚ᭄ᬭᭀᬚᬦᬶᬫᬩ᭄ᬭᬶᬬᬸᬓ᭄ᬓᬧᬸᬭᬶᬲᬫ᭄ᬧᬸᬦ᭄ᬫᬦ᭄ᬤᭂᬕ᭄ᬤᬶᬚᬩᬢ᭄ᬗᬄᬧ᭄ᬭᬭᬢᬸᬚ᭄ᬗᬄᬢᬦ᭄ᬲᬶᬧᬶᬦᬸᬘᭂᬫ᭄ᬩᬸᬦ᭄ᬢᬸᬓ᭄ᬤᬤᬶᬯ᭄ᬢᬸᬤᬸᬃᬫᬗ᭄ᬕᬮᬵ᭟᭐᭟ᬘᭀᬓᭀᬃᬭᬢᬸᬫᬮᬶᬗ᭄ᬕᬶᬄᬤᬶᬫᬜ᭄ᬘᬕᬶᬦᬵᬧᬶᬦᬸᬧᬸᬮᬶᬂᬧ᭄ᬭᬧᬸᬢ᭄ᬭᬶᬦᬗᬶᬲ᭄ᬫ᭄ᬮᬤ᭄ᬧ᭄ᬭᬡ᭄ᬦᬵᬓᭀᬭᬢᬸᬫᬃᬫ᭄ᬫᬫᬃᬫ᭄ᬫ
Page:Bali-lontar-gaguritan-cokoratu-05-250ppi.pdf/47
This page has been proofread.
