[᭕᭒ 52B]
᭕᭒
ᬫᭂᬗ᭄ᬕᬸᬂᬮᬦ᭄ᬫᬗᬸᬭᬶ᭟ᬦᬾᬦᬾᬦᭂᬫ᭄ᬦᭂᬫ᭄ᬗᬋᬧᬂᬧᬤᬧ᭄ᬭᬢᬫᬢᬗ᭄ᬓᭂᬧᬾᬫᬗᭂᬍᬩᬶᬦ᭄ᬧᬳᬸᬢ᭄ᬫᬩᬭᬗᬦ᭄ᬢᬦ᭄ᬫᬭᬶᬗᬩᬋᬂᬗᬶᬧᭂᬓᬂᬚᬭᬦ᭄ᬫᬮᬳᬶᬩ᭄ᬢᬸᬃᬮᬩ᭄ᬤᬓᬃᬬ᭄ᬬᬳᬳᬲ᭄ᬱᬢ᭄ᬭᬸᬦᬾᬲᬫᬶ᭟ᬧᬘᬩᬸᬕ᭄ᬩᬸᬕ᭄ᬳᬲᬶᬂᬫᬧᬲ᭄ᬧᬤᬋᬩᬄᬭᬚᬫᬭᬵᬭᬚᬫᬢᬶᬫᬶᬗ᭄ᬓᬶ
ᬦ᭄ᬓᬾᬳᬶᬧᬜ᭄ᬚᬓᬸᬲᬶᬂᬩᬦᬶᬦᬗᬄᬢᬦ᭄ᬓᬶᬫᬸᬢᬶᬂᬤᬸᬃᬕ᭄ᬕᬯᬶᬲ᭄ᬢᬶᬳᬢᬸᬤᬾᬅ᭄ ᬳᭀᬓᬵᬮᬩ᭄ᬤᬳᭀᬮᬶᬄᬓᬾᬦᬵᬧᬢᬶᬄ᭟ᬮᬕ᭄ᬬᬲᬸᬯᬾᬳᬢᬓᭂᬃᬢᬦ᭄ᬤᬶᬂᬓᬤᬶᬭᬦ᭄ᬦ᭄ᬤᬦ᭄ᬓᬯᭂᬲ᭄ᬓᬾᬦᬧᬢᬶᬄᬓᬚᬫ᭄ᬩᬓᬧᬸᬗ᭄ᬕ᭄ᬯᬮ᭄ᬫᬢᬶᬢᬸᬫᬶᬩᬾᬂᬍᬫᬄᬓᬂᬩᬮᬳᬲᬸᬭᬵᬓᬢ᭄ᬭᬶᬭ
ᬳᬤᬾᬦ᭄ᬳᬃᬬ᭄ᬬᬢᬸᬫᬦ᭄ᬤᬂᬓᬋᬧ᭄ᬤᬶᬕ᭄ᬮᬶᬲ᭄᭟ᬢᬸᬤᬾᬅᬭᬳᬶᬫᬧᬕ᭄ᬢᬦᬢ᭄ᬕᬢᬾᬂᬩᬬᬢᬗ᭄ᬓᭂᬧᬾᬓᬮᬶᬲ᭄ᬲ᭄ᬧᬶᬂᬫᬦᬤ᭄ᬢᬤ᭄ᬘᭂᬦ᭄ᬤᭂᬓᬦ᭄ᬭᬤᬾᬦ᭄ᬳᬃᬬ᭄ᬬᬳᬫ᭄ᬩᬩᬤ᭄ᬧᬳᬸᬢ᭄ᬧᬤᬲᬶᬮᬶᬄᬳᬸᬓᬶᬄᬫᬸᬤᭂᬃᬳᬸᬤᭂᬭᬵᬦ᭄ᬳᬶᬘᬧᬦᬸᬫ᭄ᬩᬓ᭄ᬕ᭄ᬮᬶᬲ᭄᭟ᬳᬧᬶᬲᬦ᭄ᬕᭂᬢᬶᬳᬾᬗ᭄ᬘᭀᬃᬫᬜ᭄ᬘᭀᬭᬦ᭄
ᬓᬮᬸᬤᬶᬦ᭄ᬩ᭄ᬯᬶᬦ᭄ᬓᬲᬸᬭᬓᬶᬦ᭄ᬲᬸᬭᬓᬾᬫᬸᬭᬳᬦ᭄ᬭᬫᬾᬧᬲᬮᬶᬂᬢᬶᬫ᭄ᬩᬮ᭄ᬓᬾᬦ᭄ᬤᭂᬫᬂᬚ᭄ᬗᬄᬢᬦ᭄ᬱᬶᬧᬶᬢᬸᬫᭂᬗ᭄ᬕᬸᬂᬤ᭄ᬬᬓ᭄ᬱᬓᬋᬧ᭄ᬮᬯᬦ᭄ᬫᬗᬸᬭᬶ᭟ᬢᬸᬤᬾᬅ᭄ ᬗᬸᬭᬄᬢ᭄ᬓᬦᬗ᭄ᬕᬮ᭄ᬳᬚᬓ᭄ᬧᬢ᭄ᬧᬢ᭄ᬫᬩ᭄ᬭᬶᬬᬸᬓ᭄ᬓᬋᬧ᭄ᬕᭂᬮᬶᬲ᭄ᬧᬤᬮᬩ᭄ᬤᬓᬃᬬ᭄ᬬᬳᭀᬮᬶᬄᬧᬋᬧᬺᬧᬦ᭄
[᭕᭓ 53A]
ᬲᬸᬯᬾᬫᬗᬤᬸᬦ᭄ᬓᬯᬦᬶᬦ᭄ᬢᬦ᭄ᬤ᭄ᬯᬓᬯ᭄ᬦᬂᬓᬾᬦ᭄ᬤᭂᬫᬂᬲᬫ᭄ᬧᬸᬦ᭄ᬫᬢᬶ᭟ᬓᬾᬦ᭄ᬢᬸᬫᭂᬗ᭄ᬕᬸᬂᬦᬸᬳᬶᬤᬸᬧ᭄ᬓᬩ᭄ᬯᬄᬓᬧᬸᬗ᭄ᬕᬮ᭄ᬜᬼᬕ᭄ᬩᬗ᭄ᬓᬾᬤᬤᬶᬓᬾᬦ᭄ᬤ᭄ᬬᬓ᭄ᬱᬗᬋᬧᬂᬳᬶᬘᬓᬺᬕ᭄ᬮᬶᬲ᭄ᬫᬧᬕ᭄ᬲᬸᬯᬾᬳᬢᬦ᭄ᬤᬶᬂᬓᬯᬦᬶᬦ᭄ᬤᬤᬶᬓᬲᭀᬭᬦ᭄ᬳᬶᬤ᭄ᬬᬓ᭄ᬱᬓᬢᬸᬫ᭄ᬩᬓᬶᬦ᭄᭟ᬧᬼᬂᬩᬲᬗᬾᬩ
ᬤ᭄ᬩᬤ᭄ᬫᬲᬸᬭᬫ᭄ᬩᬾᬬᬦ᭄ᬭᬓ᭄ᬭ᭄ᬬᬦ᭄ᬫᬗᬸᬭᬶᬲᭂᬗᬶᬢ᭄ᬳᬶᬘᬓᬓᬧᬧᬲ᭄ᬳᬶᬤᬸᬧᭂᬕ᭄ᬮᬶᬲ᭄ᬓᬧᬧᬲ᭄ᬗᬋᬧᬂᬭᬓ᭄ᬭ᭄ᬬᬦ᭄ᬫᬗᬸᬭᬶᬤᭂᬭᬶᬦ᭄ᬳᬗᬸᬓᬶᬄᬧ᭄ᬭᬡ᭄ᬦᬧᬦᬧᬲᬶᬮᬶᬄᬳᬸᬓᬶᬄ᭟ᬢᬦ᭄ᬤ᭄ᬯᬓᬯᭂᬲ᭄ᬧᬧ᭄ᬭᬗᬾᬭᬓ᭄ᬭ᭄ᬬᬦ᭄ᬫᬗᬸᬃᬬ᭄ᬬᬓᬢᬸᬚᬄᬦᬸᬮᬶᬫᬢᬶᬭᬫᬾᬧᬸᬦᬂᬲᬸᬭᬵᬓ᭄ᬕᭀᬂᬩᬾᬭᬶᬳᬲ᭄ᬮᬸᬭ
ᬦ᭄ᬩᬸᬩᬃᬯᭀᬗᬶᬂᬳᬦ᭄ᬤᬩᬸᬫᬶᬲᬾᬰᬦᬶᬂᬧ᭄ᬚᬄᬫᬢᬶᬧᬸᬭᬸᬕ᭄ᬧᬸᬭᬸᬕᬶᬦ᭄᭟ᬫᬸᬦ᭄ᬢᬩ᭄ᬓ᭄ᬭᭀᬤᬧ᭄ᬭᬪᬹᬩᭀᬦ᭄ᬤᬵᬬᬸᬤᬭᬚᬵᬓᬳᬋᬧ᭄ᬦᬫ᭄ᬩᬸᬢ᭄ᬭᬗᬶᬦ᭄ᬳᬦᬸᬗ᭄ᬕᬂᬢᬸᬭᬗ᭄ᬕᬵᬧ᭄ᬢᬓ᭄ᬳᬓᬓᬧᭂᬫᬲ᭄ᬧᬶᬦᬬᬸᬗᬦ᭄ᬓᭂᬢᬲ᭄ᬯᬶᬮᬶᬲ᭄ᬤᬸᬓᬩᬶᬦᬯᬓᭀᬭᬢᬸᬓᬋᬧ᭄ᬕᭂᬮᬶᬲ᭄᭟ᬧᬢᬶᬭᬢ᭄ᬣᬩ᭄ᬭᬶ
ᬬᬸᬓ᭄ᬗᬋᬧᬂᬫᬓ᭄ᬚᬂᬧᬳᬸᬢ᭄ᬫᬗᬶᬦ᭄ᬤᬶᬢ᭄ᬩ᭄ᬥᬶᬮ᭄ᬗᬩᬧᬾᬲ᭄ᬢᭀᬮ᭄ᬱᬫ᭄ᬬᬦ᭄ᬩᬕᬸᬲ᭄ᬩᬕᬸᬲ᭄ᬧ᭄ᬭᬢᬫᬵᬫᬦ᭄ᬕᬓᬶᬜ᭄ᬚᬭᬦ᭄ᬱᬫᬶᬗ᭄ᬭᬾᬕᬾᬄᬫᬓ᭄ᬤᬂᬧᬫᬮᬾᬳᬦᬾᬩ᭄ᬘᬶᬓ᭄᭟ᬮᬾᬦ᭄ᬢᭀᬩ᭄ᬯᬶᬦ᭄ᬩᭂᬦ᭄ᬤᬾᬢᬫ᭄ᬩᬸᬃᬭᬾᬫᬲᬶᬫ᭄ᬓᬵᬦ᭄ᬗ᭄ᬭᬸᬤᬸᬓ᭄ᬲᬮᬶᬂᬢᬶᬫ᭄ᬩᬮᬶᬦ᭄ᬳᬶᬯᭀᬂᬩᬦ᭄ᬤᬵᬬᬸᬤᬢᭀᬦ᭄ᬤᬾᬦ᭄ᬫᬳ
Page:Bali-lontar-gaguritan-cokoratu-05-250ppi.pdf/53
This page has been proofread.
