[᭕᭗ 57B]
᭕᭗
ᬧᬶᬗᬬᬳᬶᬦ᭄ᬱᬫᬶᬫᬩ᭄ᬭᬶᬬᬸᬓ᭄ᬓᭀᬭᬢᬸᬫᬃᬫᬜᬶᬗᬓ᭄ᬗᭂᬫ᭄ᬩᭂᬗᭂᬫ᭄ᬩᭂᬂᬦᬗᬶᬂᬮᬾᬤᬗᬾᬓᬤᬸᬭᬸᬲ᭄ᬢ᭄ᬯᬭᬤᬩᬓᬢ᭄ᬓᭂᬦᭂᬳᬂᬲᬓ᭄ᬱᬢ᭄ᬓᬳᬸᬤᬦᬦ᭄ᬫᬦᬶᬓ᭄᭟ᬫᬗ᭄ᬭᬳᭀᬲ᭄ᬧᬲᬮᬶᬂᬢᬶᬫ᭄ᬩᬮ᭄ᬦᬸᬢᬸᬃᬦᬸᬢᬸᬃᬮᬭᬦᬾᬤᬸᬓᬶᬂᬗᬸᬦᬶᬳᬲᬓ᭄ᬱᬡ᭄ᬦᬤᬶᬲᬸᬗ᭄ᬲᬸᬢ᭄ᬦᬗᬶᬂᬲᬾᬲᬋᬂᬲᬫ᭄ᬬᬦ᭄ᬳ
ᬰᬓ᭄ᬱᬡ᭄ᬦᬮᬶᬮᬮᬾᬤᬗᬾᬓᬤᬸᬭᬸᬲ᭄ᬧᬤᬫᬚᬕᬺᬱᬶᬦᬫ᭄ᬬᬦ᭄ᬲᭀᬢᬦᬶᬂᬯᬯᬸᬧᬧᬗ᭄ᬕᬶᬄ᭟ᬫᬦᬶᬲ᭄ᬫᭂᬂᬘᬭᬶᬢᬬᬂᬦ᭄ᬤᭂᬲᬗ᭄ᬓᬮᬶᬄᬫᬬᬲ᭄ᬚᬕᬓᬢᬗ᭄ᬓᬶᬮ᭄ᬭᬶᬂᬩᬜ᭄ᬘᬶᬗᬄᬧᭂᬧᭂᬓ᭄ᬱᬫ᭄ᬧᬸᬦ᭄ᬧ᭄ᬭᬫᬜ᭄ᬘᬩᬳᬸᬤᬦ᭄ᬤᬵᬳᬶᬯᭀᬂᬤᬾᬰᬧᬤᬤᬸᬮᬸᬃᬤᬮᬸᬃᬭᬳᬸᬄᬜᬶᬦᬬᬂᬳᬯᬵᬓ᭄ᬱᬸᬩᬢ᭄ᬢ᭄ᬬᬍᬕᬜᬸ
ᬗ᭄ᬲᬸᬂᬗᬗ᭄ᬕᭀᬕᬸᬲ᭄ᬢᬶ᭟ᬳᬤᬳᬶᬗᬦ᭄ᬱ᭄ᬮᬳᬾᬤᬶᬦᬵᬘᭀᬓᭀᬭᬢᬸᬳᬦᬾᬂᬰᬺᬗ᭄ᬕᬦ᭄ᬕᬭᬶᬢᬦ᭄ᬓᭀᬘᬧ᭄ᬱᬫ᭄ᬧᬸᬦ᭄ᬢ᭄ᬫᬸᬲᬂᬳᭀᬭᬪᬹᬰᬺᬗ᭄ᬕᬵᬧᬸᬭᬵᬲᬫ᭄ᬧᬸᬦ᭄ᬫᬶᬦ᭄ᬢᬃᬯᬦᬯᬰᬫᬭᬶᬂᬕᬸᬦᬸᬂᬭᬤᬾᬦ᭄ᬳᬃᬬ᭄ᬬᬓᬩᬶᬰᬾᬓᬫᬗᭂᬄᬦ᭄ᬢᬵᬲ᭄ᬓᬤᭂᬕ᭄ᬩᬸᬧᬢᬶ᭟ᬢ᭄ᬯᬶᬬᬫᬥᬸᬲᬸᬤᬦᬵᬘᭀᬓᭀᬭᬢᬸᬗᬼᬕᬦᬶᬦ᭄ᬓ᭄ᬦᭂᬄᬕᬸᬫᬶ
ᬦᬾᬲᬶᬂᬭᬸᬰᬓ᭄ᬧᬶᬦᬳᬬᬸᬓᬬᬗᬦ᭄ᬫᬶᬯᬄᬫᬃᬕ᭄ᬕᬕ᭄ᬫᬸᬄᬮᬦ᭄ᬤᬸᬄᬤᬤᬶᬲᬓ᭄ᬯᬾᬄᬳᬶᬂᬢᬶᬦᬦ᭄ᬤᬸᬃᬢᬦᬦᬩᬬᬓᬭᬰᬤᬃᬫ᭄ᬫᬳᬸᬮᬳᬶᬂᬲᬩᬸᬫᬶ᭟᭐᭟ᬫᬲ᭄᭟ᬤᬤᬶᬮᭀᬮ᭄ᬬᬵᬍᬲᬸᬓᬤᬶᬢᬦ᭄ᬧᬕᬮᬶᬄᬫᬗᬸᬫᬗᬸᬲᬯᬢ᭄ᬫ᭄ᬦᭂᬂᬳᬦᬶᬩᬦ᭄ᬓᬧᬢᬶᬦ᭄ᬲᬫᬸᬦ᭄ᬤᬢᬦ᭄ᬧᬕᬸᬮᬯᬢ᭄᭟ᬲᬬᬦ᭄ᬳᬶ
[᭕᭘ 58A]
ᬮᬂᬕᬸᬦᬕᬄᬕᬸᬕᬄᬢᬦ᭄ᬳᬗ᭄ᬮᬶᬮᬶᬃᬮ᭄ᬯᬶᬃᬧᬤᬧᬵᬮᬬ᭄ᬯᬦ᭄ᬓᬤ᭄ᬥ᭄ᬬᬵᬢᬶᬗ᭄ᬕᬮ᭄ᬲᬂᬳ᭄ᬬᬂᬳᬸᬭᬶᬧ᭄ᬳᬓ᭄ᬱᬶᬮᬸᬫᬶᬬᭂᬧ᭄ᬮ᭄ᬯᬶᬃᬧ᭄ᬚᬄ᭟ᬭᬚᬧᬸᬢ᭄ᬭᬓᬮᬶᬄᬳᬜᬸᬗ᭄ᬓᭂᬫ᭄ᬜᬸᬗ᭄ᬓᭂᬫᬶᬫᬢᬸᬃᬫ᭄ᬮᬤ᭄ᬫᭂᬮᬤ᭄ᬤᬾᬯᬕᬸᬂᬗ᭄ᬕᬶᬄᬓᬾᬫ᭄ᬢᬗᬶᬢ᭄ᬬᬂᬘᬶᬗᬓ᭄ᬱᬋᬂᬲᬫ᭄ᬬᬦ᭄᭟ᬲᬬᬦ᭄ᬱᭂᬧᬶᬳᬶᬤ᭄ᬯᬕᬸᬂᬗ᭄ᬮᬮᬾᬕᬾᬤᬶᬂᬧᬚᭂᬭᬶᬢ᭄ᬫᬸ
ᬭᬳᬦ᭄ᬧᬋᬓᬦ᭄ᬭᭀᬩᬦᬾᬲᬫᬶᬳᬤᬫ᭄ᬘᬶᬓ᭄ᬦᭂᬳᭂᬦ᭄ᬤᬤᭂ᭟ᬳᬤᬫᬼᬲᬢ᭄ᬫᬮᬳᬶᬩ᭄ᬓᬫᬬᬵᬰᬺᬗ᭄ᬕᬶᬗᬮᬶᬄᬓᬮ᭄ᬧᬗᭂᬗ᭄ᬓᬄᬲ᭄ᬩᭂᬂᬓᬳᬸᬲ᭄ᬳᬮᬄᬢᬶᬕ᭄ᬢᬶᬕ᭄ᬮᬩ᭄ᬤᬓᬃᬬ᭄ᬬᬵᬳᬶᬧᬸᬦ᭄ᬫᭂᬍᬲᬢ᭄᭟ᬳᬲᬓ᭄ᬱᬡᬤᬶᬩᬜ᭄ᬘᬶᬗᬄᬫᬬᬵᬰ᭄ᬭᬗ᭄ᬕᬶᬧᬶᬢᬸᬤᬸᬳᬶᬦ᭄ᬤᬾᬯ᭄ᬯᬵᬳᬶᬤ᭄ᬯᬕᬸᬂᬕ᭄ᬥᬾᬩᬸᬯᭀᬭᬳᭀᬢᬶᬫᬩᬋᬗᬦ᭄ᬭᬢᬸ
ᬗᬸᬭᬄ᭟ᬕ᭄ᬮᬶᬲ᭄ᬳᬶᬧᬸᬦ᭄ᬫᭂᬫᭂᬲ᭄ᬫᬳᬢᬸᬃᬲᬳᭂᬳᭂᬮᬶᬂᬤᬾᬯᬕᬸᬂᬕ᭄ᬮᬶᬲᬂᬭᬶᬂᬢ᭄ᬕᬮ᭄ᬓᬸᬢᬵᬲ᭄ᬫᬶᬭᬶᬂᬧᬸᬧᬸᬢ᭄ᬳᬶᬧᬸᬦ᭄ᬫᬫᬶᬤᬃᬢ᭄ᬣᬵ᭟ᬳᬶᬤᬾᬯᬕᬸᬂᬢᬸᬗᬸᬭᬄᬓᬕ᭄ᬬᬢᬦ᭄ᬱᬶᬧᬶᬕᬜ᭄ᬘᬂᬫᬃᬫᬵᬯ᭄ᬮᬲ᭄ᬫᬗᬶᬧᭂᬓᬂᬓᬸᬤᬵᬕ᭄ᬮᬶᬲ᭄ᬗᬭᭀᬂᬕᬗ᭄ᬱᬃᬫᬩ᭄ᬥᬮᬦ᭄᭟ᬳᬲᬓ᭄ᬱᬡ᭄ᬦᬵᬭᬯᬸᬄᬭᬶᬂᬢ᭄ᬕᬮ᭄ᬓᬲ᭄ᬫᬶᬭᬶᬂᬓᬯᭂᬗᬦ᭄ᬩᬸ
ᬜᬶᬗᬓ᭄ᬧᬋᬓᬦ᭄ᬭᭀᬩᬦ᭄ᬧᬚᭂᬭᬶᬢ᭄ᬗ᭄ᬮᬶᬂᬳᭂᬦ᭄ᬤᭂᬄᬫᬩ᭄ᬬᬬᬸᬯᬦ᭄᭟ᬕ᭄ᬮᬶᬲ᭄ᬜᬕ᭄ᬚᬕ᭄ᬗᬫᭂᬂᬗᬫᭂᬂᬲᬓᬧᬢᬶᬦ᭄ᬢᬸᬗᬸᬭᬄᬓᬮᬾᬧ᭄ᬬᬦᬸᬗ᭄ᬓᭂᬫᬶᬧᬤᬵᬫᬦᬗᬶᬲ᭄ᬫᬦᬸᬮᬫᬾᬳᬶᬘᬦ᭄ᬥᬾᬯ᭄ᬯᬵ᭟ᬲᬗ᭄ᬓᬦ᭄ᬢᬓᬵᬳᬸᬤᬦᬶᬳᬗ᭄ᬮᬶᬮᬶᬃᬳᬭᬶᬲ᭄ᬫᬶᬋᬂᬫᬸᬜᬶᬲᬯᬢ᭄ᬗ᭄ᬮᬶᬬᬩ᭄ᬢᬸᬗᬸᬭᬄᬓᬳ
Page:Bali-lontar-gaguritan-cokoratu-05-250ppi.pdf/58
This page has been proofread.
