[᭖᭑ 61B]
᭖᭑
ᬳᬭᬄᬢᭀᬂᬩᬓᬢ᭄ᬓᭂᬦᭂᬳᬶᬦ᭄᭟ᬩᬬᬲᬂᬳ᭄ᬬᬂᬦ᭄ᬱᭂᬫᬃᬭᬵᬓᬦ᭄ᬬᬳᬶᬫᬶᬦ᭄ᬤᬾᬂᬭᬢ᭄ᬓᬢ᭄ᬯᬗᬶᬂᬲᬃᬯᬭᬲ᭄ᬫᬶᬲᬗ᭄ᬬᬂᬲᬸᬭᬧᬢᬶᬲᬥᬸᬫᬦᬤᬶᬭᬵᬚ᭄ᬬᬓᬦ᭄ᬬᬫᬓᬤᬶᬜᬳ᭄ᬬᬂᬦ᭄ᬭᬸᬲ᭄ᬫᭂᬤᬢᬶᬢ᭄ᬣᬦᬸᬭᬸᬦ᭄ᬳ᭄ᬬᬂᬧᬲᬸᬧᬢᬶᬤᬳᬶᬢ᭄ᬣᬢᬸᬭᬸᬦ᭄ᬤᬤᬶᬭᬚᬧᬸᬢ᭄ᬭᬶ᭟ᬳᬶᬦᬶᬭᬶ
ᬗᬶᬂᬲᬸᬭᬓᬦ᭄ᬬᬲᬂᬲᬗ᭄ᬓᬦᬶᬂᬮᬭᬵᬳᬯᬾᬄᬧ᭄ᬭᬶᬬᬢᬶᬓᬾᬢᭀᬧᬧᬶᬦᭂᬄᬤᬶᬓᬬᬸᬦ᭄ᬳᬦᬯᬂᬦᬯᬂᬘᬶᬗᬓ᭄ᬳᬦᬓ᭄ᬭᬶᬭᬶᬄᬤ᭄ᬯᭂᬕ᭄ᬫᬫᬜᬶᬫ᭄ᬧᬶᬃᬫᬜᬭᬸᬳᬶᬓᭂᬲ᭄ᬬᭂᬕ᭄ᬫᬢᬸᬃᬕ᭄ᬚᬃᬫᬤᬾᬓᬋᬧᬶᬦ᭄᭟ᬤᬾᬯᬕᬸᬂᬲᬫ᭄ᬧᬸᬦ᭄ᬓᬾᬦᬓ᭄ᬳᬶᬤᬾᬯᬕᬸᬂᬮᬦᬂᬗᬶ
ᬭᬶᬂᬫᬮᬮᬶᬭᬶᬂᬢ᭄ᬕᬮ᭄ᬓᬲ᭄ᬫᬶᬭᬶᬂᬓᬲᬸᬩ᭄ᬤᬾᬯᬕᬸᬂᬮᬗᬵᬧᬶᬲᬦ᭄ᬬᬦ᭄ᬢᬦ᭄ᬓᭀᬘᬧ᭄ᬲ᭄ᬓᬭᬾᬫᬓᬾᬄᬫᬢᬸᬭᬸᬢ᭄ᬳᬶᬤᬾᬯᬕᬸᬂᬫᬤᬾᬦᬶᬫ᭄ᬩᬮ᭄ᬯᬘᬦᬵᬫᬢ᭄ᬭᬸᬄᬕᭂᬦ᭄ᬤᬶᬲ᭄᭟ᬬᬾᬗᬸᬤᬵᬫᬗᬮᬶᬄᬭᬾᬰᬵᬳᬶᬤᬾᬯᬕᬸᬂᬮᬦᬂᬓ᭄ᬦᬧᬵᬚᬦᬶᬳᬸᬓᬸᬄᬗ᭄ᬮᬫᬢ᭄ᬓᬾᬓᬾᬃᬓᬶ
ᬬᬸᬄᬤᬤᬶᬧᭀᬮᬶᬄᬧᬦᬸᬗ᭄ᬓᬦ᭄ᬫᬕᭂᬕᭂᬭᬂᬚᬕᬢ᭄ᬧᬬᬸᬩᬜᭂᬢᬸᬬᬸᬄᬮᬸᬯᬲ᭄ᬦᭂᬤᬸᬄᬚᬓ᭄ᬫᬓ᭄ᬚᬂᬳᬶᬤᭀᬤᬵᬫᬳᬢᬸᬃᬳᬭᬸᬲ᭄᭟ᬮᬸᬗᬦᬾᬦ᭄ᬢᭂᬦ᭄ᬫᬢᬸᬢᬸᬭᬦ᭄ᬮᬶᬦ᭄ᬢᬂᬤ᭄ᬭᭀᬧᭀᬦ᭄ᬭᬭᬶᬲ᭄ᬫᬫᬃᬕᬶᬜᬶᬮᬶᬩ᭄ᬲᬦᬾᬢᭂᬗᭂᬢᭂᬗᭂᬢ᭄ᬚᬸᬚᬸᬃᬭᬾᬄᬦᬾᬦ᭄ᬢᭂᬦ᭄ᬳᬸᬦᬶᬂᬧᬬᬃᬳᬶ
[᭖᭒ 62A]
ᬤᬾᬯᬕᬸᬂᬕ᭄ᬥᬾᬓ᭄ᬜᭂᬫ᭄ᬗᬦ᭄ᬤᬶᬓᬵᬮᬸᬲ᭄ᬓᭀᬘᬧ᭄ᬢᭂᬗᭂᬢ᭄ᬧᬶᬲᬦ᭄ᬧᬶᬲᬦ᭄ᬳᬭᬂᬚ᭄ᬓᭂᬫᬦᬾᬗᭂᬦ᭄ᬢᬲᬶᬦ᭄᭟ᬭᬫᬾᬭᬳᭀᬲᬮᬶᬂᬢᬶᬫ᭄ᬩᬮ᭄ᬭᬚᬧᬸᬢ᭄ᬭᬢᬦ᭄ᬱᬄᬫᬮᬾᬦᬶᬮᬶᬭᬶᬂᬩᬳᬦ᭄ᬳᬸᬮᬗᬸᬦᬾᬫᬸᬧᬸᬢ᭄ᬢ᭄ᬯᬭᬤᬤᬶᬲᬭᬸᬯᬂᬫᬦᬵᬲᬶᬚᬵᬮᬸᬫ᭄ᬩ᭄ᬭᬭᬶᬂᬢᬸᬗ᭄ᬢᬸᬂᬗᬶᬂᬤᬸᬮᬸᬫ
ᬭᬦᬶᬦ᭄ᬱᬂᬗᬯᬾᬭᬶᬫᬂᬲᬾᬗᭂᬄᬲᬧᬗᬶᬭᬶᬂᬲᬫᬶ᭟ᬳᬤᬫᬗᬼᬕᬬᬂᬫᬃᬦᬵᬳᬤᬢᭂᬋᬱ᭄ᬭᬾᬄᬳᬤᬵᬫᬗᭂᬓᭂᬭᬶᬦ᭄ᬮᬾᬦ᭄ᬳᬤᬵᬕ᭄ᬥᭂᬕ᭄ᬫᬗ᭄ᬭᬸᬫᬸᬦ᭄ᬳᬶᬗᭂᬢ᭄ᬥᬸᬓᬾᬳᬶᬧᬶᬤᬦ᭄ᬧᬭᬵᬘᬫ᭄ᬧᬄᬕᬗ᭄ᬱᬾᬳᬾᬓᬮᬗ᭄ᬓᬸᬂᬫᬶᬜ᭄ᬜᬸᬮᬶᬦ᭄ᬢᭀᬭᬢᬸᬮᬸᬗᬵᬦᭂᬓ᭄ᬓ᭄ᬭᬄᬢᭀᬂᬫ᭄ᬩᬳ
ᬦ᭄ᬓᬶᬭᬶᬓᬶᬲ᭄᭟ᬳᬓᬾᬢᭀᬧᬓ᭄ᬦᭂᬳᬜᭂᬲᬂᬧᬶᬦᬭᬦ᭄ᬳᬸᬮᬢ᭄ᬮᬕᬶᬢᬦ᭄ᬱᬸᬤᬶᬳᬬᬸᬅ᭄ ᬘᬾᬲ᭄ᬢᬵᬓᬭᬾᬂᬢᬦᬸᬫ᭄ᬧᭂᬫᬳᬢᬸᬃᬕ᭄ᬢᬃᬦᬸᬦᬲ᭄ᬩᬸᬤᬮ᭄ᬳᬸᬲᬦ᭄ᬗᬶᬭᬶᬓᬶᬗᬗ᭄ᬕᬸᬃᬓ᭄ᬜᭂᬫ᭄ᬳᬶᬤᬾᬯᬕᬸᬂᬫᬤᬾᬩ᭄ᬭᬶᬬᬸᬓ᭄ᬩᬸᬤᬮ᭄ᬱᬋᬂᬲᬫᬶ᭟ᬯᬢᭂᬓ᭄ᬱᬤ᭄ᬭᬶᬧᬸᬦᬾᬲᬫ᭄ᬬᬦ᭄ᬫᬸᬭᬂᬫᬸᬭᬂ
ᬢ᭄ᬯᬭᬵᬓᬃᬯᬦ᭄ᬳᬸᬗ᭄ᬱᬶᬩᬶᬗ᭄ᬕᬂᬓᬬᬸᬦᬾᬓᬤᬸᬭᬸᬲ᭄ᬢ᭄ᬯᬭᬤᬤᬶᬢᬸᬗ᭄ᬓᬲᬂᬳᬦᬓᬕᬸᬂᬩᬕᬸᬲ᭄ᬓᬭᬶᬓᬗᬶᬦ᭄ᬜ᭄ᬜᬸᬚᬸᬓᬸᬘᬸᬧ᭄ᬢ᭄ᬯᬭᬵᬫᬢᭀᬮᬶᬳᬦ᭄ᬧᬋᬓᬦ᭄ᬭᭀᬩᬦ᭄ᬫᬗᬶᬭᬶᬂ᭟ᬓᬮᬯᬦ᭄ᬳᬶᬧᬢᬶᬄᬭᬢ᭄ᬣᬲᬸᬩᬲᬜ᭄ᬚᬫᬾᬄᬲᬸᬭᬸᬧ᭄ᬱᬗ᭄ᬬᬂᬭᬯᬶᬳᬶᬲᬸᬫᬦ᭄ᬢ᭄ᬭᬶᬦᭀ
Page:Bali-lontar-gaguritan-cokoratu-05-250ppi.pdf/62
This page has been proofread.
