[᭖᭖ 66B]
᭖᭖
ᬕᬶᬕᬕᬗ᭄ᬱᬭᬦ᭄ᬲᬫ᭄ᬧᬸᬦ᭄ᬭᬳᬸᬄᬭᬶᬂᬧᬲᬶᬲᬶᬫᬗ᭄ᬭᬭᬶᬲ᭄ᬫᬸᬗ᭄ᬕᬄᬗ᭄ᬮᬶᬗ᭄ᬕᬶᬳᬶᬦ᭄ᬓᬨᬮ᭄ᬳᬧᬶ᭟ᬦᬭᬸᬂᬜᬸᬚᬸᬃᬧᬮᬬᬃᬓᬨᬮᬾᬕᬗ᭄ᬱᬃᬳ᭄ᬦᭂᬗᬂᬦᬸᬤᬶᬧᬲᬶᬄᬢᬶᬫ᭄ᬩᬮᬂᬳᬸᬘᬧᬂᬦᬾᬦᬾᬤᬶᬫᬬᬵᬰᬺᬗ᭄ᬕᬵᬧ᭄ᬭᬧᬸᬢ᭄ᬭᬶᬮᬾᬤᬂᬢᬦ᭄ᬱᬶᬧᬶᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄ᬭᬶᬂᬘᬶᬢ᭄ᬭᬓᬦ᭄ᬬᬲᬫᬶ᭟ᬚᬦᬶᬓᭀ
ᬘᬧ᭄ᬳᬶᬤᬵᬳᬶᬤᬾᬯᬕᬸᬂᬩ᭄ᬬᬂᬮᬾᬤᬗᬾᬢᬦ᭄ᬱᬶᬦᬶᬧᬶᬚᬕᬵᬫᬓᬮᬗ᭄ᬯᬦ᭄ᬭᬶᬂᬢᬫᬦ᭄ᬧᬸᬦ᭄ᬬᬰᬺᬗ᭄ᬕᬵᬧ᭄ᬭᬧᬸᬢ᭄ᬭᬶᬢᬦ᭄ᬱᬄᬫᬗᬶᬭᬶᬂᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄ᬗᬮᬶᬄᬳᬲᬶᬂᬤᭂᬫᭂᬦᬶᬦ᭄᭟ᬧᬗᬾᬭᬶᬗᬾᬧᬤᬵᬩ᭄ᬗᭀᬂᬓᬕᬳᭀᬓᬦ᭄ᬩᬦ᭄ᬮᬗᭂᬦᬾᬢᬦ᭄ᬱᬶᬦᬶᬧᬶᬩᬸᬗᬦᬾᬫᬾᬦ᭄ᬤ
ᬳᬦ᭄ᬧᬤᬫᬦ᭄ᬥᭂᬂᬓᭂᬫ᭄ᬩᬂᬧᬸᬤᬓᬼᬦ᭄ᬕᬥᬸᬂᬓᬲ᭄ᬢᬸᬭᬶᬫᬶᬳᬶᬓ᭄ᬫᭂᬮᬶᬫ᭄ᬧᬸᬕᬦ᭄ᬘᬫ᭄ᬧᬓᬦᬕᬵᬲᬭᬶ᭟ᬮᬾᬦ᭄ᬢᭀᬩ᭄ᬯᬶᬦ᭄ᬯᭀᬄᬯᭀᬳᬦ᭄ᬕᬾᬦ᭄ᬕᬫ᭄ᬧᬾᬮ᭄ᬫᬩᬸᬯᬄᬧᬤᬵᬗᬜᬸᬤᬂᬳᬢᬶᬫᬩᭂᬚᭀᬃᬫᬧᬦ᭄ᬢᬵᬩᬸᬮᬸᬯᬦ᭄ᬳᬦ᭄ᬤᬧᬦ᭄ᬤᬧ᭄ᬲᬸᬫᬕᬵᬘᬦᬵᬘᬭᬸᬭᬶᬂᬜᬫ᭄ᬩᬸᬘᬶᬦᬕᬵᬤᬸ
ᬭᬾᬦ᭄ᬓᬮᬯᬦ᭄ᬫᬗ᭄ᬕᬶᬲ᭄᭟ᬳᬦᬓᬕᬸᬂᬳᬬᬸᬗᬸᬭᬄᬫᬗᬢᬸᬭᬂᬭᬶᬂᬳᬶᬤᬾᬯᬕᬸᬂᬲᬫᬶᬲᬮᬾᬤᬂᬫᬗ᭄ᬭᬫ᭄ᬧᬕ᭄ᬲᬶᬂᬓᬲᬶᬗᬶᬢᬾᬂᬋᬤ᭄ᬥᬵᬫᬮᬶᬄᬭᬶᬂᬲᬫᬶᬧᬗᬶᬭᬶᬂᬫᬗ᭄ᬤᬾᬫᬮᬧᬦ᭄ᬳᬲᬶᬂᬧᬤᬵᬤᭂᬫᭂᬦᬶᬦ᭄᭟ᬳᬶᬤᬾᬯᬕᬸᬂᬩ᭄ᬬᬂᬮᬾᬤᬂᬗᬾᬓᬮᬶᬦ᭄ᬢᬂᬓ᭄ᬜᭂᬫᬗᬦ᭄ᬤᬶᬓᬵᬳᬭᬶ
[᭖᭗ 67A]
ᬲ᭄ᬚᬮᬦ᭄ᬫᬸᬮᬶᬄᬧᬤᬵᬦᬾᬚ᭄ᬦᭂᬂᬲᬸᬩᬵᬲᬜ᭄ᬚᬩ᭄ᬯᬶᬦ᭄ᬬᬸᬓ᭄ᬩᬸᬤᬮ᭄ᬱᬋᬂᬲᬫᬶᬫᬳᬶᬫ᭄ᬬᬦ᭄ᬳᬶᬫ᭄ᬬᬦ᭄ᬲᬧᬗᬶᬭᬶᬂᬫᬸᬗ᭄ᬓᬸᬭᬶᬦ᭄᭟᭐᭟ᬲᬯᬢᬭᬮᬶᬫᬂᬤᬶᬦᬵᬭᬚᬧᬸᬢ᭄ᬭᬶᬓᬧᬸᬭᬲᬋᬂᬲᬫᬶᬗᬢᬸᬭᬂᬘᬦᬂᬧᬦᭂᬤᬸᬄᬲᬳᬸᬫᬮᬮᬾᬤᬗᬦ᭄ᬮᬶᬦ᭄ᬢᬂᬗᬶᬲᬄᬤᬶᬘᬶᬢ᭄ᬭᬓᬦ᭄ᬬᬫ
ᬧᬸᬧᬸᬮ᭄ᬲᬤ᭄ᬯᬶᬧᬸᬦᬾᬲᬬᬦ᭄ᬫᬫ᭄ᬭᬢ᭄ᬩᬶᬦ᭄ᬤᭂᬢᭀᬂᬩᬓᬢ᭄ᬧᬶᬮᬶᬳᬶᬦ᭄᭟ᬲᬶᬂᬲᬶᬂᬚᬮᬦ᭄ᬫᬲᬶᬦᬸᬢᬦ᭄ᬬᬦ᭄ᬫᬳᬮᬶᬄᬮᬶᬬᬸᬗ᭄ᬮᬄᬧᬶᬮᬩᬶᬢ᭄ᬓᬤ᭄ᬯᭂᬕ᭄ᬗ᭄ᬕᬳᬾᬢᬦ᭄ᬤᬸᬫᬗ᭄ᬤᬾᬦᬾᬫ᭄ᬩᬳᬦ᭄ᬫᬶᬦ᭄ᬢᬃᬳᬧᬂᬲᬭᬸᬩᬸᬤᬸᬄᬳᬾᬫᬮᬮᬶᬲᬸᬳᬸᬂᬳᬶᬓᭂᬲ᭄ᬬᭂᬕ᭄ᬜᬸᬚᬸᬃᬓᬫᬢᬫᬦ᭄ᬤᬶᬲᬫ᭄ᬧᬶᬂᬧᬜ᭄ᬘᭀ
ᬭᬦ᭄ᬫᬮᬶᬗ᭄ᬕᬶᬄ᭟ᬤᬶᬩᬮᬾᬚᬚᬭᬾᬓᭂᬫ᭄ᬩᬃᬫᬗᬸᬫᬗᬸᬮᬳᬸᬢ᭄ᬫᬗᬦ᭄ᬤᬶᬓᬳᬭᬶᬲ᭄ᬜᬾᬦ᭄ᬱᬶᬳᬶᬩᬵᬧᬜ᭄ᬘᬓ᭄ᬤᬶᬢᬸᬗᬮᬶᬄᬧ᭄ᬥᭂᬫᬦ᭄ᬳᬾᬗ᭄ᬕᬮ᭄ᬓᬳᬶᬓ᭄ᬩᬸᬲ᭄ᬥᬶᬦᬶᬗ᭄ᬢᬶᬲ᭄ᬗᬮᬶᬄᬤᬬᬸᬄᬳᬶᬲᬦᬵᬍᬲᬄᬦ᭄ᬤᬳᬸᬳᬂᬳᬓ᭄ᬱᬡ᭄ᬦᬓᬢᬸᬃᬕ᭄ᬮᬶᬲ᭄᭟ᬢᬸᬫᬸᬮᬶᬫᬺᬫᬺᬫᬦ᭄ᬢ᭄ᬯᬭᬮᬶ
ᬬᬸᬲᬦᬾᬤᬶᬢᬸᬫᬗᬶᬭᬶᬂᬳᬶᬚᬶᬯᬵᬭᬕᬵᬳᬶᬫᬃᬬᬸᬦ᭄ᬳᬶᬧᬸᬦ᭄ᬜᬶᬦᬸᬢ᭄ᬓᬩᬩᬲ᭄ᬕᬸᬫᬦᬜᬳᬶᬲᬦᬵᬍᬲᬄᬫᬦᬸᬢᬸᬕ᭄ᬓᬾᬦ᭄ᬧᬋᬓᬦ᭄ᬘ᭄ᬦᬶᬓ᭄ᬤᬤ᭄ᬯᬵᬤᬶᬬᬧᬤᬫᬗᬶᬭᬶᬂ᭟ᬳᬓᭂᬲ᭄ᬬᭂᬕ᭄ᬢ᭄ᬯᬭᬦᬶᬗᬵᬓᬩᬸᬲ᭄ᬩᬳᬂᬫᬫᬸᬮᬗ᭄ᬱᬃᬢᬦ᭄ᬱᬶᬧᬶᬤᬤᬶᬳᬸᬬᬂᬕᭂ
Page:Bali-lontar-gaguritan-cokoratu-05-250ppi.pdf/67
This page has been proofread.
