[᭗᭔ 74B]
᭗᭔
ᬳᬃᬲᬧᬋᬓᬦ᭄ᬧᬗᬬᬄᬲᬫᬶᬧᬤᬦᬶᬗᭂᬳᬂᬕᭂᬦ᭄ᬤᬶᬂᬧᬤᬧ᭄ᬭᬢᬫᬧᬸᬧᬸᬢ᭄ᬢᬶᬦᬩᬸᬳᬶᬂᬕᬕᬫ᭄ᬮᬦ᭄ᬲ᭄ᬯᬭᬦ᭄ᬬᬗᬗ᭄ᬭᬭᬫᬶᬄᬮᬶᬦ᭄ᬢᬂᬮᬗᬸᬢᬢᬩᬸᬳᬦ᭄ᬤᬮᬂᬓ᭄ᬭᬶᬗᬦ᭄᭟ᬕᬯᬾᬓ᭄ᬱᬓ᭄ᬯᬾᬳᬶᬂᬫᬮᬢ᭄ᬳᬶᬤ᭄ᬯᬕᬸᬂᬩ᭄ᬬᬗ᭄ᬭ᭄ᬫᬓᬤᬶᬋᬱᭂᬧ᭄ᬓᬬᬸᬦᬾᬓᬮᬶᬦ᭄ᬢᬂᬳ᭄ᬦᭂᬗᬂᬫᬮᬸᬦᬾᬤᬶ
ᬦᬶᬤᬶᬩᬢᬯᬶᬩᬮᬶᬓᬶᬦ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬕ᭄ᬮᬸᬓᬬᬸᬦᬾᬩᬸᬓᬓᬳᬭᬤ᭄ᬓ᭄ᬱᬾᬗᬶᬦ᭄ᬳᬦᬓ᭄ᬥᬵᬕ᭄ᬮᬶᬲ᭄ᬳᬦᬓᬕᬸᬂᬳᬕᬸᬂᬭᬳᬸᬄᬲᬫᬶᬕᬗ᭄ᬱᬃ᭟ᬩᬶᬄᬚᬮᬄᬦᬗ᭄ᬓᬶᬮ᭄ᬳᬶᬩ᭄ᬬᬂᬤᬶᬘᬶᬢ᭄ᬭᬓᬦ᭄ᬬᬓᬢᬗ᭄ᬓᬶᬮ᭄ᬦᬩᬸᬄᬕᬕᬫ᭄ᬮᬦ᭄ᬮᬗᭂᬜᬾᬦ᭄ᬓᭀᬦᬾᬗᬋᬧᬶᬦ᭄ᬕᭂᬦ᭄ᬤᬶᬂᬦᬓᬕᬸᬂᬳᬕᬸᬂ
ᬲᬫᬶᬮᬾᬤᬂᬓᬬᬸᬦᬾᬓᬤᬸᬭᬸᬲ᭄ᬲ᭄ᬯᬩᬯᬫᬢ᭄ᬭᬸᬄᬓᬶᬮᬂᬳᬶᬧᬲᭂᬓ᭄ᬜᬦ᭄ᬤᬾᬰᬕ᭄ᬮᬶᬲ᭄ᬗᬮᬶᬄᬯᬲ᭄ᬢ᭄ᬭᬘᬺᬫᬶᬲᬗ᭄ᬓᬸᬧᬲᬸᬭᬶᬬᬦ᭄ᬢᬸᬫᬸᬮᬶᬲᬫᬶᬫᬬᬲ᭄ᬧᬤᬫᬳᬸᬃᬳᬸᬃᬭᬭᬲ᭄ᬫᬶᬦ᭄ᬳᬶᬤ᭄ᬯᬕᬸᬂᬧᬸᬢ᭄ᬭᬳᬗᬶᬮᭀᬦᬧᬢᬧ᭄ᬦᬶᬂᬭᭀᬫᬗ᭄ᬤᬾᬭᬕᬶᬲᬶᬭᬢ᭄ᬫᬲᭂᬳᬗ᭄ᬮᬸᬗᬶᬤ᭄ᬲᭀ
ᬮᬳᬶᬂᬤᬤᬭᬶᬦ᭄ᬫᬫ᭄ᬩᬸᬃᬫᬦᬶᬲ᭄ᬫᬦᬶᬲ᭄ᬦᬶᬂᬤ᭄ᬭᬶᬬᬮ᭄ᬯᬶᬃᬢᬸᬫᬾᬢᬾᬲ᭄ᬫᬤᬸᬕᭂᬦ᭄ᬤᬶᬲ᭄ᬯᬚᬵᬯᬯᬸᬜ᭄ᬭᬶᬤᬦ᭄ᬢᬵᬮᬢᬶᬗᬢᬶᬭᬄ᭟ᬳᬦᬓ᭄ᬫᬳᬸᬧᬫᭂᬭᬚᬧᬸᬢ᭄ᬭᬢᬸᬫᬦ᭄ᬤᬶᬂᬲᬂᬗ᭄ᬬᬂᬩᬯᬵᬳᬫᬶᬦ᭄ᬤᬵᬂᬓᬢ᭄ᬯᬗᬶᬩᬸᬫᬶᬲᬧᬭᬧᭀᬮᬳᬾᬲᬫᬶᬳᬫᬗᬸᬦ᭄ᬩ᭄ᬭᬦ᭄ᬢᬓᬸᬕᬸᬮᬸᬢ᭄ᬓ᭄ᬜᭂᬫ᭄ᬭ
[᭗᭕ 75A]
ᬭᬶᬲ᭄ᬗᬦ᭄ᬤᬶᬓᬵᬩᬶᬄᬓᬫ᭄ᬩᭂᬦᬾᬳᬾᬗ᭄ᬕᬮ᭄ᬳᬮᬶᬄᬲᬸᬩᬓᬢᬸᬃᬫᬯᬲ᭄ᬢ᭄ᬭᬕᬕᬸᬮᬸᬂᬕᬤᬂ᭟ᬫᬧᬧ᭄ᬓᭂᬓ᭄ᬋᬫ᭄ᬩᬂᬲᬸᬢ᭄ᬭᬓᬫ᭄ᬧᬸᬳᬾᬮᬸᬲ᭄ᬮᬸᬲᬦ᭄ᬫᬶᬭᬶᬃᬫᬤᬲ᭄ᬓᬃᬲᬸᬢ᭄ᬭᬫᬭᬾᬦ᭄ᬤᬄᬕᭀᬫ᭄ᬧᬾᬮ᭄ᬫᬧᬭᬤᬵᬗᭂᬦ᭄ᬤᬶᬄᬫᬸᬲᬧ᭄ᬚ᭄ᬩᬤ᭄ᬓᬢᬸᬭᬶᬲᭂᬢᬫ᭄ᬩᬸᬮ᭄ᬫᬶᬯᬄᬫᬚ᭄ᬫᬸᬓ᭄ᬭᬭᬶᬲ᭄ᬳᬶᬤᬫᬫᬃᬕ᭄ᬕᬵᬭᬚᬧᬸᬢ᭄ᬭ
ᬩ᭄ᬭᬶᬬᬸᬓ᭄ᬗᬶᬭᬶᬂᬳᬲᬓ᭄ᬱᬡ᭄ᬦᬳ᭄ᬩᭀᬦᬾᬤᬶᬘᬶᬢ᭄ᬭᬓᬦ᭄ᬬ᭟ᬫᬲ᭄ᬧᬸᬓ᭄ᬫᬶᬬᬸᬃᬳᬶᬬᬸᬭᬦ᭄ᬫᬍᬕ᭄ᬧᭂᬕ᭄ᬗᭂᬩᭂᬓᬶᬦ᭄ᬧᬸᬭᬶᬘᬦᭂᬕ᭄ᬲᬋᬂᬲᬫᬶᬫ᭄ᬭᬾᬗᬂᬜᬤᬂᬘᬘᬶᬗᬓ᭄ᬱᬫᬶᬳᬶᬗᬸᬦ᭄ᬤᬗᬦ᭄ᬳᬶᬓᭂᬭᬶᬲ᭄ᬦᬾᬳᬧᬵᬫᬶᬳᬶᬓ᭄ᬫᬗᬮᬸᬩ᭄ᬧᬦ᭄ᬢᭂᬲ᭄ᬕᬦ᭄ᬥᬃᬯ᭄ᬯᬵᬭᬚᬵᬗᭂᬮᬄᬩᭀᬦᬾᬓ᭄ᬭᬲ᭄ᬫᬦᬶ
ᬲ᭄ᬓᬜ᭄ᬘᬶᬢ᭄ᬭᬳᬸᬄᬲᬂᬓᬤᬶᬬ᭄ᬬᬂᬫᬦᬶᬩᬯ᭄ᬯᬵ᭟ᬳᬶᬦᬶᬭᬶᬗᬶᬲᬸᬭᬧ᭄ᬱᬭᬳᬶᬩᬸᬦ᭄ᬥᬵᬮᬾᬤᬂᬩᬸᬗᬓ᭄ᬱᬶᬓ᭄ᬜᭂᬫ᭄ᬭᬭᬭᬶᬲ᭄ᬫᬗᬦ᭄ᬤᬶᬓᬵᬬᬾᬓᬤᬾᬦ᭄ᬕᭂᬦ᭄ᬤᬃᬯ᭄ᬯᬵᬧᬢᬶᬗ᭄ᬮᬵᬄᬳ᭄ᬩᭀᬦᬾᬫᬶᬳᬶᬓ᭄ᬳᬦᬓ᭄ᬥᬵᬫ᭄ᬧᭂᬲ᭄ᬫᬢᬸᬃᬳᬮᬶᬗ᭄ᬕᬶᬄᬢᬢ᭄ᬣᬢᬢ᭄ᬣᬲᬫᬕᬫᭂᬮ᭄ᬳᬸᬲᬦ᭄ᬢᬦ᭄ᬤᬶᬂᬗᬧᬸᬗ᭄ᬓᬸᬭᬳᬶ
ᬓᭂᬲ᭄ᬬᬕ᭄ᬢᬃᬜ᭄ᬩᬾᬭᬂ᭟ᬬᬾᬗᬸᬤᬗᬧᬸᬗ᭄ᬓᬸᬭᬂᬳᬶᬗ᭄ᬕᬶᬄᬓᬾᬢᬩᬸᬳᬂᬫᬮᬶᬄᬳᬶᬤᬾᬯᬕᬸᬂᬧᬸᬢᬺᬓᬕ᭄ᬬᬢ᭄ᬫᬶᬋᬂᬳᬶᬓᭂᬲ᭄ᬬᭂᬕ᭄ᬫᬫᬸᬜᬶᬮᬸᬢ᭄ᬦᬯᬂᬦᬯᬂᬳᬓ᭄ᬱᬶᬤᬤᬶᬢ᭄ᬣᬓᬧᭂᬦ᭄ᬤᬓ᭄ᬥᬸᬮᬸᬮᬦ᭄ᬱᬂᬫᬦᬶᬓᬶᬂᬭᬭᬲ᭄ᬫᬃᬲ᭄ᬬᬸᬄᬭᬲᬦᬶᬂᬳᬢᬶᬳᬗ᭄ᬕᬵᬍᬲᬸᬕᬫ᭄ᬧᭀᬃᬓᬤᬶᬢᬦ᭄ᬧᬚᬶᬯ᭄ᬯᬵ
Page:Bali-lontar-gaguritan-cokoratu-05-250ppi.pdf/75
This page has been proofread.
