[᭔᭘ 48 B]
᭔᭘
ᬳᬾᬲᬤᬓᬕᬶᬲᬸ᭞ᬫᬗᬫ᭄ᬩᬶᬮ᭄ᬧᬦᬭᬓ᭄᭞ᬫᬗ᭄ᬭᬭᬶᬲ᭄ᬧᬥᬫᬫᬃᬕ᭄ᬕᬶ᭞ᬢᬦ᭄ᬓᭀᬘᬧᬦ᭄ᬭᬶᬂᬭᬸᬭᬸᬂ᭞ᬕ᭄ᬮᬶᬲ᭄ᬮᬫ᭄ᬧᬳᬾᬦᬶᬓ᭄ᬢᬸᬢ᭄᭞ᬢ᭄ᬓᭂᬤ᭄ᬚᬸᬫᬄᬬᬤᬧᭂᬢᬂ᭞ᬩᬧᬦᬾᬚᭂᬗ᭄ᬓᬚᭂᬗ᭄ᬓᬸ᭞ᬳᬸᬬᬂᬧᬮᬶᬂᬫᬧ᭄ᬮᬶᬲᬳᬦ᭄᭞ᬦᬶ
ᬓ᭄ᬢᬸᬢ᭄ᬓᬯᬶᬗᬾᬗ᭄ᬕᬮᬂ᭟ᬗᬫ᭄ᬩᬶᬮ᭄ᬢᭀᬬᬭᬭᬶᬲ᭄ᬫᬫᬦ᭄ᬤᬸᬲᬂᬕᬸᬧᬸᬄ᭞ᬳᬸᬲᬦ᭄ᬓᬧᬦ᭄ᬤᬸᬲᬂ᭞ᬕ᭄ᬮᬶᬲ᭄ᬤᬦᬾᬗᬮᬶᬄᬍᬗᬶᬲ᭄᭞ᬳᬶᬩᭀᬢᭀᬄᬮᬭᬕᬸᬧᬸᬄ᭞ᬩᬋᬂᬢ᭄ᬓᬾᬦᬾᬦᬾᬳ᭄ᬮᬸᬄ᭞ᬫᬗᬧᬸᬦᬶᬦ᭄ᬳᬚᬶᬫᬶᬜ
ᬓ᭄᭞ᬩᬳᬸᬫᬭᬗ᭄ᬭᬱᬤᬬᬸᬄ᭞ᬧᬦ᭄ᬫᬡ᭄ᬥᬂᬤᬤᬶᬗᬸᬘᬧ᭄᭞ᬳᬭᬄᬫᬢᬶᬩᬧᬵᬭᬱᬦ᭄ᬜ᭟ᬦᬶᬓ᭄ᬢᬸᬢ᭄ᬓᬯᬶᬫᬗᬶᬮᬶᬳᬶᬦ᭄ᬲᬫ᭄ᬩᬶᬮ᭄ᬫᬢᬸᬃ᭞ᬢ᭄ᬓᬾᬦᬶᬂᬳᬶᬩᬧ᭞ᬓᬾᬦ᭄ᬓᬾᬦ᭄ᬳᬯᬦᬦ᭄ᬲᬧᬸᬦᬶᬓᬶ᭞ᬧᬦ᭄ᬫ
ᬮᬡ᭄ᬥᬂᬕ᭄ᬮᬶᬲ᭄ᬫᬲᬯᬸᬃ᭞ᬩᬧᬵᬲ᭄ᬥᭂᬕ᭄ᬫᬸᬮᬢᬦ᭄ᬧᬸᬦᬸᬓ᭄᭞ᬢ᭄ᬓᬳᬦᬓᬾᬫᬗ᭄ᬕᬭᬂ᭞ᬋᬩᬸᬢᬵᬩᬧᬳᬚᬓᬵᬚᬓᬮ᭄ᬬᬸ᭞ᬳᬤᬫᬸᬢ᭄ᬩᬸᬢ᭄ᬳᬤᬗᬲᬩ᭄᭞ᬳᬤᬮᬾᬦ᭄ᬗᬶᬓᬶᬄᬢᭂᬡ᭄ᬥᬲ᭄᭟ᬳᬤᬗᬸᬲᬸᬕ᭄ᬩᬧ
[᭔᭙ 49 A]
ᬳᬚᬓᬵᬮ᭄ᬬᬸ᭞ᬳᬚᬶᬩᬗ᭄ᬓᭂᬢ᭄ᬮᬗ᭄ᬓ᭄ᬯᬲ᭄᭞ᬫᬳᬤᬸᬓᬦ᭄ᬢᬩ᭄ᬬᬵᬓ᭄ᬭᬶᬜᬶ᭞ᬫᬾᬫᬾᬦᬾᬫᬓ᭄ᬦᭂᬄᬦᬸᬮᬸᬂ᭞ᬫᬲᬶᬄᬳᬤᬬᬫᬗᭂᬚᬸᬓ᭄᭞ᬧᬜᬭᬶᬓᬦ᭄ᬤᬾᬰᬦᬾᬗ᭄ᬕᬶᬲ᭄ᬬᬂ᭞ᬢᬹᬃᬫ᭄ᬫᬦᬶᬂᬤᬦᬾᬫᬢᬸᬢᬸᬃ᭞ᬢ᭄ᬓᬾᬦᬶᬂ
ᬫᬾᬫᬾᬦ᭄ᬜᬳᬶᬦᬾ᭞ᬓ᭄ᬭᬡᬧᬵᬓᬓᬾᬦᬾᬬᬂ᭟ᬧᬗᬦ᭄ᬤᬶᬓᬓᬾᬦᬾᬪᬝᬭᬳᬕᬸᬂ᭞ᬳᬶᬤᬗᬦ᭄ᬤᬶᬓᬬᬂ᭞ᬓ᭄ᬭᬯᭀᬲ᭄ᬩᬧᬵᬗᬍᬢᭂᬳᬶᬦ᭄᭞ᬓᭀᬦᬾᬲᬓᬵᬮᬪᬝᬭᬭᬯᬸᬄ᭞ᬗᬦ᭄ᬤᬶᬓᬵᬳᬶᬤᬤᬤᬶ
ᬫᬾᬭᬸ᭞ᬓᬾᬢᭀᬢᬸᬢᬸᬃᬳᬶᬧᬜᬭᬶᬓᬦ᭄᭞ᬢ᭄ᬓᬾᬦ᭄ᬫᬾᬫᬾᬦᬾᬩᬧᬵᬗ᭄ᬭᬸᬗᬸ᭞ᬲᬸᬯᬸᬤ᭄ᬫᬸᬢ᭄ᬩᬸᬢ᭄ᬫᬸᬯᬄᬗᬲᬩ᭄᭞ᬧᬥᬵᬩᬸᬤᬮ᭄ᬲᬧᬶᬲᬦᬦ᭄᭟ᬫᬾᬫᬾᬦ᭄ᬜᬦᬾᬕ᭄ᬮᬶᬲ᭄ᬫᬦᬶᬫ᭄ᬩᬮ᭄ᬫᬸᬯᬸᬲ᭄᭞ᬢᬸᬯᬶᬓᬾ
ᬢᭀᬲᬚ᭞ᬓᬤᬶᬢᬸᬢᬸᬃᬩᬧᬦ᭄ᬜᬳᬶ᭞ᬓᬾᬦ᭄ᬓᬾᬦᬂᬫᬾᬫᬾᬳᬯᬓ᭄ᬮᬸᬄ᭞ᬫᬾᬫᬾᬚᬸᬓᬵᬳᬚᬓᬮ᭄ᬬᬸ᭞ᬚ᭄ᬭᬢ᭄ᬚ᭄ᬭᬶᬢ᭄ᬚᬮᬦ᭄ᬫᬸᬮ᭞ᬦᬶᬓ᭄ᬢᬸᬢ᭄ᬕ᭄ᬮᬶᬲ᭄ᬫᬗᬸᬥᬸᬄ᭞ᬳᬶᬩᭀᬢᭀᬄᬮᬭᬮᬸᬯᬲ᭄᭞ᬓᬧᬩᬾ
Page:Bali-lontar-gaguritan-curik-300ppi.pdf/49
This page has been proofread.
