This page has been proofread.
[᭑᭕ 15B]
᭑᭕
ᬓᬳᬾᬫᬦ᭄ᬓᬧᬸᬚᬶ᭞ᬳᬦ᭄ᬢᬸᬓ᭄ᬪᬝᬵᬭᬢ᭄ᬮᬕᬵ᭞ᬯᬮᬸᬬᬵᬧᬸᬢᬺᬧᬓᬵᬃᬤ᭄ᬥᬶ᭞ᬳᬦ᭄ᬢᬸᬓ᭄ᬳᬶᬤᬵᬲᬫᬶᬰᬓ᭄ᬢᬶ᭞ᬫᬵᬯᬶᬦᬦ᭄ᬳᬶᬤᬵᬫᬓᬬᬸᬦ᭄᭞ᬜᭂᬦ᭄ᬢᭀᬓᬂᬓ
ᬯᬶᬰᬾᬱᬦ᭄᭞ᬭᬶᬂᬳᬚᬶᬤᬶᬫᬶᬗ᭄ᬲᬶᬓᬶ᭞ᬲᬂᬓᬲᬸᬫ᭄ᬩᬸᬂ᭞ᬳᬶᬤᬵᬳ᭄ᬬᬗᬶᬂᬫᬡᬶᬓ᭄ᬳᬗ᭄ᬓ᭄ᬭᬦ᭄᭟ᬤᬾᬦᬶᬂᬪᬝᬵᬭᬤ᭄ᬯᬶᬚᬾᬦ᭄ᬤ᭄ᬭ᭞ᬳᬶᬤᬵᬧᬺᬦᬄᬫᬫᬶᬗ᭄ᬲᬶ
ᬓᬶ᭞ᬭᬶᬂᬪᬝᬵᬭᬫᬡᬶᬓ᭄ᬳᬗ᭄ᬓ᭄ᬭᬦ᭄᭞ᬪᬝᬵᬭᬫᬦ᭄ᬯᬪᬵᬰᬓ᭄ᬢᬶ᭞ᬫᬓᬓ᭄ᬬᬂᬭᬶᬂᬫᬶᬗ᭄ᬲᬶᬓᬶ᭞ᬦᬸᬚᬸᬪᬝᬵᬭᬓᬕᬸᬦᬸᬂ᭞ᬪᬝᬵᬭᬰᬓ᭄ᬢᬶ
ᬢ᭄ᬮᬕ᭞ᬪᬝᬵᬭᬫᬦ᭄ᬯᬪᬵᬗᬶᬭᬶᬂ᭞ᬭᬭᬶᬲ᭄ᬧᬗ᭄ᬕᬸᬂ᭞ᬭᬶᬂᬳᬶᬤᬵᬳ᭄ᬬᬂᬫᬡᬶᬓ᭄ᬳᬗ᭄ᬓ᭄ᬭᬦ᭄᭟ᬪᬝᬵᬭᬰᬓ᭄ᬢᬶᬢ᭄ᬮᬕ᭞ᬫᬦᬸᬦᬲᬂᬭᬶᬂ
[᭑᭖ 16A]
ᬳᬶᬳᬚᬶ᭞ᬳᬦ᭄ᬢᬸᬓ᭄ᬯᬾᬦ᭄ᬢᭂᬦ᭄ᬧᬳᭀᬃᬢ᭄ᬣᬬᬦ᭄᭞ᬜᬶᬤᬬᬂᬗ᭄ᬯᬭᬶᬳᬂᬕ᭄ᬦᬶ᭞ᬳᬯᬶᬦᬦ᭄ᬲᬶᬤ᭄ᬥᬵᬩᬱ᭄ᬫᬶ᭞ᬳᬮᬲᬾᬫᬦᬤᭀᬲ᭄ᬢᬯᬸᬃ᭞ᬪᬝᬵᬭᬫᬡᬶ
ᬓ᭄ᬳᬗ᭄ᬓᭂᬭᬦ᭄᭞ᬫᬲᬲᬸᬫ᭄ᬩᬃᬧᬸᬭᬸᬦ᭄ᬫ᭄ᬩᬢᬶᬦ᭄᭞ᬬᬦᬶᬂᬲᬵᬫ᭄ᬧᬸᬦ᭄᭞ᬯᬾᬦ᭄ᬢᭂᬦ᭄ᬫᬩ᭄ᬯᬢ᭄ᬩ᭄ᬯᬢᬦ᭄᭟ᬲᬂᬓᬮᬶᬄᬧᬸᬭᬸᬦ᭄ᬫᬜᭀᬩ᭞ᬳᬶᬦ᭄ᬤᬬᬂ
ᬭᬭᬶᬲᬂᬫᬗ᭄ᬓᬶᬦ᭄᭞ᬫᬗ᭄ᬤᬢᬶᬢ᭄ᬬᬂᬲᬳᬸᬦᬶᬗ᭞ᬭᬭᬶᬲ᭄ᬳ᭄ᬬᬂᬳᬗ᭄ᬓ᭄ᬭᬦ᭄ᬫᬯᬭᬶᬄ᭞ᬢᬦ᭄ᬯᬾᬦ᭄ᬢᭂᬦ᭄ᬫᬶᬚᬶᬮ᭄ᬕ᭄ᬦᬶ᭞ᬳᬯᬶᬦᬦ᭄ᬫᬭᬶᬳᬾᬢᬫ᭄ᬧᬸ᭞
ᬲ᭄ᬓᬵᬮᬫᬭᬸᬧᬢᭀᬬᬵ᭞ᬫᬗ᭄ᬤᬓᬾᬜᬶᬤᬬᬂᬩᬱ᭄ᬫᬶ᭞ᬭᬯᬸᬄᬩᬾᬲᬸᬓ᭄᭞ᬫᬯᬱ᭄ᬝᬤᬾᬰᬩᬜᬸᬘᬫ᭄ᬧᬸᬄ᭟ᬦᬾᬫᬗ᭄ᬓᬶᬦ᭄ᬫᬮᬶᬄ
