[᭒᭐ 20B]
᭒᭐
ᬧᬶᬤᬩ᭄ᬤᬩ᭄᭞ᬲᬶᬤ᭄ᬥᬦᬶᬜ᭄ᬘᬧ᭄ᬭᬶᬂᬮᬓ᭄ᬱᬡ᭞ᬤᬾᬰᬳᬤᬢᬾᬧᬸᬦᬶᬓᬸ᭞ᬓ᭄ᬭᬫᬲᬫᬶᬗᬸᬢ᭄ᬲᬳᬬᬂ᭟ᬲᬦᬾᬜᬸᬚᬸᬃᬗᬃᬤ᭄ᬤᬶᬰᬦ᭄ᬢᬶ᭞ᬳᬶᬦ᭄ᬤᬶᬓ᭄ᬧ᭄ᬭᬤᬶᬮᬦ᭄ᬳᬕᬫ᭞ᬳᬗ᭄ᬕᬾᬦ᭄ᬗᬸᬓᬸᬳᬂᬲᬫᭂᬢᭀᬦ᭄᭞ᬫᬗ᭄ᬤᬕᭂᬮᬶᬲ᭄ᬓᬢᬸᬦᬲᬂ᭞ᬫᬚᭂᬂᬭᬶᬂᬕᬸᬭᬸᬯᬶᬰᬾᬱ᭞ᬧᬸᬦᬶᬓᬤᬩ᭄ᬤᬩᬂ
ᬤᬸᬫᬸᬦ᭄᭞ᬯᬦ᭄ᬢᬄᬓᬩ᭄ᬯᬢᬂᬧᬶᬲᬦ᭄᭟ᬗᬸᬲᬸᬂᬲᬯᬓᬓᬃᬤ᭄ᬤᬶᬦᬶᬦ᭄᭞ᬲᬋᬂᬓ᭄ᬭᬫᬦᬾᬓᬲᬾᬢ᭄ᬭ᭞ᬧᬢᬸᬢ᭄ᬧᬫᬃᬕ᭄ᬕᬶᬦᬾᬳᬮᭀᬦ᭄᭞ᬢᬦ᭄ᬓᬮᬸᬕ᭄ᬭᬗᬭᬧ᭄ᬲᬯ᭞ᬫᬗ᭄ᬤᬩᭂᬓᭂᬮᬶᬦ᭄ᬓᬯ᭄ᬬᬦ᭄᭞ᬭᬶᬂᬕᬕᬶᬢᬦ᭄ᬲᬦᬾᬫᬦᬸᬢ᭄᭞ᬧᬸᬦᬶᬓᬧᬢᬸᬢ᭄ᬳᬯᬶᬕᬂ᭞ᬢᬍᬃᬫᬮᬶᬄ
ᬧᬶᬤᬩ᭄ᬤᬩᬶᬦ᭄᭞ᬢᬢᬩᬸᬲᬦᬓᬧᬸᬭ᭞ᬫᬶᬍᬢ᭄ᬳᬸᬧᬘᬵᬭᬋᬓᭀ᭞ᬓᬮᬶᬄᬲᬳᬶᬦ᭄ᬤᬶᬓ᭄ᬘᬸᬦ᭄ᬢᬓ᭞ᬫᬗ᭄ᬤᬢᬺᬧ᭄ᬢᬶᬭᬶᬂᬮᬓ᭄ᬱᬡ᭞ᬓᬧᬭᬸᬫᬂᬫᬗ᭄ᬤᬳᬤᬸᬂ᭞ᬓᬕᬫ᭄ᬩᭂᬮ᭄ᬗᬃᬤ᭄ᬤᬶᬲᬸᬓᬺᬢ᭟ᬢᬍᬃᬓᬢᭂᬧᬲᬂᬳᬶᬦ᭄ᬤᬶᬓ᭄᭞ᬦᬾᬤᬤᭀᬲ᭄ᬗ᭄ᬭᬜ᭄ᬚᬶᬂᬓᬧᬸᬭ᭞ᬳᬸᬫᬢ᭄ᬲ
ᬥᬃᬫ᭄ᬫᬦᬾᬋᬓᭀ᭞ᬗᬫᬃᬕ᭄ᬬᬂᬳᬸᬧᬘᬵᬭ᭞ᬗᬬᬄᬓᬮᬶᬄᬚᬕᬫᬸᬱ᭄ᬧ᭞ᬢᬦ᭄ᬓᬮᬕ᭄ᬭᬗᬤᬸᬓ᭄ᬳᬤᬸᬓ᭄᭞ᬳᬸᬫᬢ᭄ᬲᬾᬯᭀᬲ᭄ᬫᬕ᭄ᬭᬸᬤᬸᬕᬦ᭄᭟ᬯᬾᬦ᭄ᬢᭂᬦ᭄ᬓᬤᬸᬮᬸᬭᬶᬦ᭄ᬫᬮᬶᬄ᭞ᬳᬶᬦ᭄ᬤᬶᬓ᭄ᬤᬕᬶᬂᬳᬯᬶᬕ᭄ᬓ᭄ᬭᬫ᭞ᬳᬕᬫᬳᬸᬦ᭄ᬢᭂᬂᬦᬾᬋᬓᭀ᭞ᬓᬫᬃᬕ᭄ᬬᬂᬳᬦ᭄ᬢᬸᬓ᭄ᬳᬤᬢ᭄᭞
[᭒᭑ 21A]
ᬦᬶᬱ᭄ᬝᬫᬤ᭄ᬬᬮᬦ᭄ᬳᬸᬢᬫ᭞ᬧᬸᬦᬶᬓᬳᬗ᭄ᬕᬾᬦ᭄ᬲᬲᬸᬮᬸᬄ᭞ᬗᬃᬤ᭄ᬤᬶᬓᬩᭂᬘᬶᬓᬦ᭄ᬓ᭄ᬭᬫ᭟ᬗᬫᬃᬕ᭄ᬬᬂᬤᬕᬶᬂᬳᬯᬶᬕ᭄᭞ᬭᬶᬂᬲᬓᬜ᭄ᬘᬦ᭄ᬳᬸᬧᬘᬭ᭞ᬳᬧ᭄ᬢᬶᬋᬱᬶᬓ᭄ᬭᬶᬂᬯᭂᬯᭂᬗ᭄ᬓᭀᬦ᭄᭞ᬕᭂᬦᬄᬰᬸᬘᬶᬦᬾᬧᬸᬦᬶᬓ᭞ᬍᬲ᭄ᬢᬃᬬᬂᬓᬳᬰ᭄ᬭᬶᬳᬦ᭄᭞ᬧᬸᬦᬶᬓᬧᬢᬸᬢ᭄ᬓᬢᬸᬚᬸ᭞ᬓ᭄ᬭᬫᬤᬾᬰᬫᬗᬸ
ᬓᬸᬳᬂ᭟ᬭᬶᬂᬓᬶᬤᬸᬂᬓᬮᬶᬄᬓᬓᬯᬶᬦ᭄᭞ᬧᬸᬦᬶᬓᬧᬢᬸᬢ᭄ᬢᬶᬜ᭄ᬘᬧᬂ᭞ᬫᬭᬶᬂᬧᬰᬦ᭄ᬢ᭄ᬬᬦᬺᬓᭀ᭞ᬮᬦ᭄ᬢᬸᬃᬦᭂᬍᬩᬂᬫᬰᬵᬢ᭄ᬭ᭞ᬳᬫ᭄ᬩᬶᬮ᭄ᬭᬶᬂᬤᬕᬶᬂᬧᬸᬲ᭄ᬢᬓ᭞ᬲᬦᬾᬲᬶᬤ᭄ᬥᬲᬵᬫ᭄ᬧᬸᬦ᭄ᬓᬢᬸᬃ᭞ᬭᬶᬂᬩᬸᬓᬸᬯ᭄ᬬᬤᬶᬦ᭄᭟ᬗᬃᬤ᭄ᬤᬶᬢᬺᬧ᭄ᬢᬶᬓ᭄ᬭᬫᬲᬫᬶ᭞ᬭᬶᬂᬯᬾᬦ᭄ᬢᭂᬦ᭄ᬧᬤᬺᬯᬾᬬᬦ᭄ᬤᬾᬰ᭞
ᬓᬤᬶᬧ᭄ᬮᬩᬧᬸᬭᬋᬓᭀ᭞ᬧᬢᬸᬢ᭄ᬧᬶᬲᬦ᭄ᬓᬳᬸᬗ᭄ᬕᬳᬂ᭞ᬭᬶᬂᬤᬕᬶᬂᬳᬯᬶᬕ᭄ᬓᬲᬸᬭᬵᬢ᭄᭞ᬲᬶᬤᬧᬘᬂᬳᬗ᭄ᬕᬾᬦ᭄ᬦᬸᬦ᭄ᬢᬸᬦ᭄᭞ᬫᬭᬶᬂᬧᬭᬓ᭄ᬭᬫᬤᬾᬰ᭟ᬭᬶᬂᬯᬶᬤᬂᬧᬓ᭄ᬭᬫᬦ᭄ᬬᬸᬓ᭄ᬢᬶ᭞ᬦᬶᬓᬲᬶᬤ᭄ᬥᬓᬫᬃᬕ᭄ᬬᬂ᭞ᬓᬾᬫᬯᭀᬦ᭄ᬯᬾᬦ᭄ᬢᭂᬦ᭄ᬲᬫᭂᬢᭀᬦ᭄᭞ᬲᬦᬾᬤᬸ
ᬭᬸᬂᬫ᭄ᬭᬲᬶᬤ᭄ᬥᬬᬂ᭞ᬫᬤᬲᬃᬭᬶᬂᬓᬓᬶᬭᬗᬦ᭄᭞ᬭᬶᬂᬗᬫᬃᬕ᭄ᬬᬂᬲᬦᬾᬧᬢᬸᬢ᭄᭞ᬦᬶᬓᬲᬫ᭄ᬧᬸᬦ᭄ᬓᬳᬸᬢ᭄ᬲᬳᬂ᭟ᬮ᭄ᬬᬦᬦ᭄ᬫᬮᬶᬄᬯᬶᬓᬦᬶᬦ᭄᭞ᬳᬶᬦ᭄ᬤᬶᬓ᭄ᬓᬓᬶᬭᬗᬦ᭄ᬰ᭄ᬭᬡ᭞ᬳᬗ᭄ᬕᬾᬦ᭄ᬤᬦᬭᬶᬂᬲᬫᭂᬢᭀᬦ᭄᭞ᬳᬗ᭄ᬕᬾᬦ᭄ᬗᬃᬤ᭄ᬤᬶᬦᬶᬦ᭄ᬢᬸᬦ᭄ᬢᬸᬦᬦ᭄᭞ᬫᬓᬳᬸᬦ᭄ᬢᭂᬂᬭᬶᬂᬧᬭᬸᬫ
Page:Bali-lontar-gaguritan-desa-adat-300ppi.pdf/21
This page has been proofread.
