[᭕ 5B]
᭕
ᬰᬳᬤᬢ᭄᭞ᬲᬓᬮᬦᬶᬲ᭄ᬓᬮᬤᬩ᭄ᬤᬩ᭄᭞ᬫᬗ᭄ᬤᬩᭂᬘᬶᬓ᭄ᬱᬶᬤ᭄ᬤᬗ᭄ᬮᬦ᭄ᬢᬸᬃ᭞ᬓᬯᬭᬶᬲᬂᬭᬶᬂᬲᬦ᭄ᬢᬦ᭟ᬲᬓᬮᬦᬾᬫᬧᬓᬃᬤ᭄ᬤᬶ᭞ᬧᬯᬗᬸᬦᬦ᭄ᬲᬓᬶᬂᬧᬸᬭ᭞ᬓᬳ᭄ᬬᬗᬦ᭄ᬢᬶᬕᬦᬾᬭᭀᬫ᭄ᬩᭀ᭞ᬭᬯᬸᬳᬂᬭᬶᬂᬫ᭄ᬭᬚᬦ᭄ᬲᬗ᭄ᬕᬄ᭞ᬧᬤᬺᬯᬾᬦ᭄ᬓ᭄ᬭᬫᬲᬫ᭄ᬬᬦ᭄᭞ᬫᬗ᭄ᬤᬦᬾᬦ᭄ᬢᭂᬜ᭄ᬚᬦ᭄ᬢᭀᬲ᭄ᬳᬸᬯᬸᬕ᭄᭞
ᬲᬋᬂᬲᬫᬶᬧᬢᬸᬢ᭄ᬲᬭᬢ᭄᭟ᬓᬦᬶᬱ᭄ᬓᬮᬫᬗᬱ᭄ᬝᬶᬢᬶ᭞ᬦᬸᬦᬲ᭄ᬧᬲ᭄ᬯᬾᬘᬦ᭄ᬳᬶᬤ᭞ᬢ᭄ᬬᬂᬯᬶᬥᬶᬓᬲᬸᬂᬲᬸᬂᬋᬓᭀ᭞ᬓᬧᬶᬤᬩ᭄ᬤᬩ᭄ᬳᬸᬧᬲᬵᬭ᭞ᬫᬤᬸᬮᬸᬭᬦ᭄ᬳᬦ᭄ᬢᬸᬓ᭄ᬬᬚ᭄ᬜ᭞ᬲᬓᬮᬦᬶᬱ᭄ᬓᬮᬓᬢᬸᬃ᭞ᬭᬶᬂᬭᬵᬳᬶᬦᬧᬶᬳᭀᬤᬮᬦ᭄᭟ᬭᬶᬂᬢᬶᬍᬫ᭄ᬧᬹᬃᬡ᭄ᬦᬫᬬᬸᬓ᭄ᬢᬶ᭞ᬢᬍᬃᬧᬢᬸᬢ᭄ᬫᬗᬢᬸ
ᬭᬂ᭞ᬩᬓ᭄ᬢᬶᬳᬦ᭄ᬢᬸᬓ᭄ᬬᬚ᭄ᬜᬋᬓᭀ᭞ᬢᬯᬸᬃᬘᬭᬸᬪᬸᬢᬬᬚ᭄ᬜ᭞ᬫᬮᬶᬲ᭄ᬫᬺᬱᬶᬳᬂᬪᬸᬯᬦ᭞ᬧᬸᬦᬶᬓᬲᬫᬶᬓᬧᬢᬸᬢ᭄᭞ᬦᬗ᭄ᬮᬓ᭄ᬫ᭄ᬭᬡᬮᬦ᭄ᬓᬲᬗ᭟ᬲᭀᬯᬂᬓ᭄ᬭᬫᬫᬦᬶᬦᬸᬢᬶᬦ᭄᭞ᬤᬕᬶᬂᬳᬯᬶᬕ᭄ᬳᬯᬶᬕ᭄ᬤᬾᬰ᭞ᬗᬃᬤ᭄ᬤᬶᬕᬶᬮᬶᬓ᭄ᬭᬶᬂᬲᬫᭂᬢᭀᬦ᭄᭞ᬲᬦᬾᬲᬫ᭄ᬧᬸᬦ᭄ᬓᬭᬋᬫᬂ᭞ᬳᬫ᭄ᬢᬸ
ᬮᬶᬲ᭄ᬓᬮᬶᬄᬧᬲ᭄ᬯᬭ᭞ᬧᬸᬦᬶᬓᬧᬢᬸᬢ᭄ᬓᬭᬸᬗᬸ᭞ᬫᬗᬸᬓᬸᬳᬂᬤᬾᬰᬳᬤᬢ᭄᭟ᬮ᭄ᬬᬦ᭄ᬭᬶᬂᬗᬫᬃᬕ᭄ᬕ᭄ᬬᬂᬳᬯᬶᬕ᭄᭞ᬢᬍᬃᬧᬢᬸᬢ᭄ᬓᬧᬶᬤᬩ᭄ᬤᬩ᭄᭞ᬩᭂᬘᬶᬓᬂᬲᬫ᭄ᬧᬸᬦᬂᬕᬾᬭᭀ᭞ᬲᬸᬓᬺᬢᬢᬺᬧ᭄ᬢᬶᬢᬸᬚ᭄ᬯᬂ᭞ᬧᬸᬲᬓᬤᬸᬄᬓᬫᬃᬕ᭄ᬬᬂ᭞ᬲᬮᬫᬶᬦ᭄ᬳᬸᬭᬶᬧᬾᬓᬦ᭄ᬢᬸᬦ᭄᭞ᬳᬗ᭄ᬕᬾᬦ᭄ᬦᬶᬜ᭄ᬘᬧᬂ
[᭖ 6A]
ᬧᬲᬶᬓ᭄ᬬᬦ᭄᭟ᬢᬍᬃᬧᬢᬸᬢ᭄ᬓᬯᬶᬓᬦᬶᬦ᭄᭞ᬲ᭄ᬯᬥᬃᬫ᭄ᬫᬦᬾᬤᬤᭀᬲ᭄ᬓ᭄ᬭᬫ᭞ᬓᬮᬸᬕ᭄ᬭᬧᬤᬫᬩᬯᭀᬲ᭄᭞ᬲᬦᬾᬧᬢᬸᬢ᭄ᬓᬢᬸᬦᬲᬂ᭞ᬧᬸᬦᬶᬓᬫᬮᬶᬄᬩ᭄ᬮᬶᬕ᭄ᬩᬕᬂ᭞ᬚᬦ᭄ᬢᭀᬲ᭄ᬧ᭄ᬭᬲᬶᬤ᭄ᬥᬓᬧᬸᬢᬸᬲ᭄᭞ᬧᬶᬓᭂᬦᭀᬄᬤᬕᬶᬂᬧᬭᬸᬫᬦ᭄᭟ᬲᬬᬕᬫᬶᬮᬶᬄᬓᬧᬶᬮᬶᬄ᭞ᬓᬚᭂᬕᬂᬤ
ᬤᭀᬲ᭄ᬫᬗ᭄ᬕᬮ᭞ᬗᬦ᭄ᬢᬶᬦᬶᬦ᭄ᬜᬸᬓ᭄ᬱᬸᬓᬶᬦᬺᬓᭀ᭞ᬫᬗᬾᬦ᭄ᬢᭂᬭᬂᬧᬭᬓ᭄ᬭᬫ᭞ᬗ᭄ᬮᬦ᭄ᬢᬸᬃᬜᬸᬚᬸᬃᬓᬲᬸᬓᬺᬢᬦ᭄᭞ᬫᬗ᭄ᬕᭂᬄᬤᬤᭀᬲ᭄ᬲᬂᬧ᭄ᬭᬚᬸᬭᬸᬫᬓᬤᬶᬩᬦ᭄ᬤᬾᬰᬳᬤᬢ᭄᭟ᬳᬶᬦ᭄ᬤᬶᬓ᭄ᬧ᭄ᬭᬚᬸᬭᬸᬦᬾᬬᬸᬓ᭄ᬢᬶ᭞ᬫᬓ᭄ᬯᬾᬄᬯᬾᬦ᭄ᬢᭂᬦ᭄ᬤᬸᬤᭀᬦᬦ᭄ᬜ᭞ᬭᬶᬂᬤᬾᬰᬳᬧᬦᬕᬋᬓᭀ᭞ᬩᭂᬦ᭄ᬤᬾᬰ
ᬳᬤᬢ᭄ᬯᬱ᭄ᬝᬦ᭄ᬜ᭞ᬫᬮᬶᬄᬯᬾᬦ᭄ᬢᭂᬦ᭄ᬲᬦᬾᬜᬗ᭄ᬕ᭄ᬭ᭞ᬯᬓᬶᬮ᭄ᬧᬶᬦᬓᬧᬢᬚᬸᬄ᭞ᬧᬢᭂᬗᭂᬦᬾᬚᬸᬭᬸᬭᬵᬓ᭄ᬱ᭟ᬫᬮᬶᬄᬯᬾᬦ᭄ᬢᭂᬜ᭄ᬚᬸᬭᬸᬢᬸᬮᬶᬲ᭄᭞ᬫᬯᬱ᭄ᬝᬲᬂᬧᬜᬭᬶᬓᬦ᭄᭞ᬚᬸᬭᬸᬳᬭᬄᬭᬶᬂᬲᬫᭂᬢᭀᬦ᭄᭞ᬓᭂᬢᬄᬫᬯᬱ᭄ᬝᬓᬲᬶᬦᭀᬫᬦ᭄᭞ᬦᬾᬗᬢᬸᬭᬂᬳᬸᬧᬘᬵ
ᬭ᭞ᬫᬯᬱ᭄ᬝᬚᭂᬭᭀᬧᬫᬗ᭄ᬓᬸ᭞ᬦᬶᬓᬭᬶᬂᬩᬮᬶᬤᬢᬭᬦ᭄᭟ᬭᬶᬂᬩᬮᬶᬳᬕᬧᬸᬦᬶᬓᬶ᭞ᬯᬵᬱ᭄ᬝᬦ᭄ᬧᬫᬸᬘᬸᬓᬾᬫᬗ᭄ᬕᬮ᭞ᬚᭂᬭᭀᬩᬬᬦ᭄ᬯᬾᬦ᭄ᬢᭂᬦ᭄ᬭᭀᬭᭀ᭞ᬩᬬᬦ᭄ᬫᬸᬘᬸᬓ᭄ᬓᬮᬶᬄᬜᭀᬫᬦ᭄᭞ᬢᬍᬃᬯᬾᬦ᭄ᬢᭂᬦ᭄ᬦᬾᬮᬶᬬᬦᬦ᭄᭞ᬓᬯᬵᬱ᭄ᬝᬦᬶᬦ᭄ᬚᭂᬭᭀᬩ
Page:Bali-lontar-gaguritan-desa-adat-300ppi.pdf/6
This page has been proofread.
