[᭑᭐᭔ 104B]
᭑᭐᭔
ᬢᬾᬓᬦ᭄ᬳᬶᬭ᭞ᬓᬫᬹᬮ᭄ᬬᬦ᭄ᬓᬂᬫᭂᬢᬸ᭞ᬕᬶᬦᬾᬦ᭄ᬤᭀᬂᬲ᭄ᬮᬫᬶᬦᬾᬕᭂᬲᬂ᭞ᬓᬾᬭᬵᬢ᭄ᬦ᭄ᬭᬓᬵᬧᬥᬸᬓᬕᬾᬦ᭄ᬤᭀᬂ᭠ᬧ᭄ᬭᬶᬩᬤᬶ᭞ᬯᬶᬢ᭄ᬮᬳᬶᬃᬧ᭄ᬭᬧ᭄ᬢᬾᬂᬲᬾᬤ᭄ᬥ᭟ᬮᬾᬲ᭄ᬬᬦᬾᬢ᭄ᬬᬂᬦᬶᬓᬸᬮᬯᬵᬦ᭄ᬫᬃᬕ᭄ᬕᬶ᭞ᬧᬜ᭄ᬘᬤᬦᬾᬫᬸᬮ᭄ᬬᬮᬦ᭄ᬘᬶᬮ
ᬓ᭞ᬯᭀᬦ᭄ᬢᭂᬦ᭄ᬮᬾᬱᬦ᭄ᬧ᭄ᬮᬾᬲᬾᬤᬦᬾ᭞ᬬᬾᬦ᭄ᬳᬯᭀᬦ᭄ᬳᬸᬘᬧ᭄ᬳᬸᬮᬸᬦ᭄᭞ᬫᬸᬦ᭄ᬲᬓᭂᬚᬧ᭄ᬦᬭᬶᬓ᭄ᬩᬶᬮᬳᬶ᭞ᬢᬫ᭄ᬧᬶᬓᬾᬭᬢ᭄ᬫᬮᬭᬢ᭄᭞ᬓᬳᬸᬭᬶᬧᬦᬶᬧᬸᬦ᭄᭞ᬬᬾᬦ᭄ᬲᬦᬾᬧᬗᬸᬘᬧ᭄ᬓᬸᬮᬵ᭞ᬫᬸᬂᬲᬓᭂᬚᬧ᭄ᬳᬦᬭᬶ᭠
ᬓ᭄ᬫᬸᬮ᭄ᬬᬰ᭄ᬯᬃᬕ᭄ᬕᬶ᭞ᬕᭂᬲᬗᬶᬧᬸᬦᬾᬂᬤᬸᬦ᭄ᬬ᭟ᬍᬧᬲᬶᬧᬸᬦ᭄ᬲ᭄ᬯᬭᬲᬓᬶᬂᬮᬢᬶ᭞ᬧᬶᬢᬸᬂᬫᬶᬫᬶᬲ᭄ᬭᬶᬓᬢᬾᬮᬸ᭠ᬫᭂᬧᬲ᭄᭞ᬢᬦ᭄ᬓᬾᬗᬶᬦ᭄ᬲᬸᬦ᭄ᬯᬗ᭄ᬲᬸᬮᬓᬾ᭞ᬲᬸᬯᬭᬦᬾᬚᬸᬫᭂᬕ᭄ᬮᬸᬂ᭞ᬲᬶᬦᬓ᭄ᬱᬾᬦᬦ᭄ᬩᬸᬫᬶᬮᬦ᭄ᬮᬗᬶᬢ᭄᭞ᬢᬦ᭄ᬓᬾ
ᬗᬶᬂᬓᬯᬗ᭄ᬲᬸᬮ᭄ᬦ᭞ᬥᬢᭂᬂᬮᬾᬲᬦ᭄ᬳᬸᬮᬸᬦ᭄᭞ᬬᬾᬦ᭄ᬳᬯᭀᬦ᭄ᬓᬲᭂᬩᬸᬢ᭄ᬳᬮ᭞ᬮᬫᬸᬦ᭄ᬲᬳᬾ᭞ᬓᬲᭂ᭠ᬩᬸᬢ᭄ᬦᬫᬧ᭄ᬭᬬᭀᬕᬶ᭞ᬢᬶᬦᬸᬭᬸᬢ᭄ᬲᬓᬚᭂᬂᬜ᭟ᬲᬤᬬᬦᬾᬢ᭄ᬬᬂᬓᬂᬘᬶᬤ᭄ᬭᬚᬜ᭄ᬚᬶ᭞ᬦᬶᬓᬸᬭᬶᬲᬓ᭄ᬮᬯ
[᭑᭐᭕ 105B]
ᬗᬾᬰ᭄ᬯᬃᬕ᭄ᬕ᭞ᬓᬂᬩᬶᬦᬾᬓᬵᬲᬧᬭᬦᬾ᭞ᬫᬶᬮᬢ᭄ᬬᬂᬓᬂᬯᬸᬲ᭄ᬫᬗ᭄ᬕᬸᬄ᭞ᬗᬾᬮ᭄ᬫᬶᬭᬱᬭᬱᬦᬶᬂᬳᬸᬭᬶᬧ᭄᭞ᬓᬾᬦ᭄ᬤᭂᬮ᭄ᬢᬦ᭄ᬭᬱᬵᬗᬸᬘᬧ᭄᭞ᬮᬫᬸᬦ᭄ᬩᭀᬢᭂᬦ᭄ᬳᬾᬱ᭄ᬢᬸ᭞ᬭᬶᬲᬓᬾᬮᬯᬂᬲᬸᬯᬕ᭄ᬕ᭞ᬓᬂᬚᬶᬦᬕᬢᭂᬓᬦᭀᬭᬜᬶ
ᬮᬓᬦᬶ᭞ᬗ᭄ᬕᬾᬦ᭄ᬤᭀᬂᬓᬾᬭᬢ᭄ᬫᬮᬭᬢ᭄᭟ᬭᬦ᭄ᬤᬸᬭᬓᬤᭀᬭᬦᬾᬦᭂᬓᬦᬶ᭞ᬭᬦ᭄ᬘᬶᬮᬓᬵᬢᭂᬓᬵᬘᭂᬮᬦᬶᬭ᭞ᬓ᭄ᬭᬡᬘᬶᬮᬓᬵᬳᬭᬦᬾ᭞ᬓᬾᬭᬢ᭄ᬫᬮᬭᬢ᭄ᬢᬸᬓᬸᬮ᭄᭞ᬤᬶᬧᬸᬦ᭄ᬕᬾᬦ᭄ᬤᭀᬂᬲᬮᬫᬶᬦᬾᬳᬸᬭᬶᬧ᭄᭞ᬢ
ᬦ᭄ᬓᬾᬗᬶᬂᬓᬲᬾᬮᬾᬄᬦ᭞ᬓᬾᬭᬢ᭄ᬫᭂᬮᬭᬢᬶᬧᬸᬦ᭄᭞ᬯᭀᬦ᭄ᬢᭂᬦᬾᬓᬾᬭᬵᬢ᭄ᬮᬦ᭄ᬫ᭄ᬮᬭᬢ᭄᭞ᬫᬶᬚᬶᬮ᭄ᬲᬓᬶᬂᬢᬾᬓᬤᬾᬳᬶᬗ᭄ᬓᬂᬗ᭄ᬮᬫ᭄ᬧᬳᬶ᭞ᬦᭂᬭᬓ᭄ᬧᬦ᭄ᬤᬫᭂᬮᬼᬧᬢ᭄᭟ᬦ᭄ᬭᬓᬵᬓᭂᬭᬵᬢ᭄ᬲᬸᬯᬃᬕ᭄ᬕᬓᬂᬧᬸᬦ᭄ᬤᬶ᭞ᬳᬶᬗᬸᬮ
ᬢᬦ᭄ᬲᬤᬬᬩᬶᬦᭂᬓ᭄ᬢ᭞ᬓᬕᬯᬲᬶᬭᬾᬘᬶᬧ᭄ᬢᬦᬾ᭞ᬕᬶᬦᬾᬦ᭄ᬤᭀᬂᬭᬶᬦ᭄ᬢᭂᬦ᭄ᬤᬮᬸ᭞ᬲᬧᬭᬦᬾᬢᬦ᭄ᬓᭂᬗᬶᬂᬓᬾᬭᬶ᭞ᬓᬕᬯᬲᬶᬭᬶᬂᬘᬶᬧ᭄ᬢ᭞ᬕᬸᬲᬶᬭᬶᬂᬓᬬᬸᬦ᭄᭞ᬢᬦ᭄ᬤᬦᬾᬫ᭄ᬩᭂᬓ᭄ᬢᬦᬵᬭᬓᬵ᭞ᬭᬕᬦᬶᬂᬯᭀᬂᬫ᭄ᬩᭂᬓ᭄ᬢᬫᬵᬃ
Page:Bali-lontar-gaguritan-dharmma-gandul-300ppi.pdf/105
This page has been proofread.
