[᭑᭑᭐ 110B]
᭑᭑᭐
ᬦᬶᬓᬸᬓᬾᬭᬵᬢ᭄ᬓᬂᬳᬯ᭄ᬭᬢ᭄᭟ᬤᬾᬦᬾᬓᬾᬭᬵᬢ᭄ᬧᬗ᭄ᬕᬯᬾᬧᬸᬦᬶᬓᬶ᭞ᬳᬭᬦ᭄ᬯᬸᬚᬸᬤ᭄ᬤᬶᬦᬦ᭄ᬢᬦ᭄ᬧᬳᬾᬢᬂᬲᬓᬶᬂᬓᬾᬄᬳᬭᬦ᭄ᬯᬸᬚᬸᬤᬾ᭞ᬫᬸᬂᬕᬗ᭄ᬲᬮ᭄ᬭᬶᬗ᭄ᬓᭂᬲᬶᬧᬸᬦ᭄᭞ᬓᬾᬭᬵᬢ᭄ᬦᬸᬱᬲᬺᬗ᭄ᬕᬶᬲᬢᬸᬗ᭄ᬕᬶᬮ᭄᭞ᬧᬶᬂᬓᬮᬶᬄ
ᬦᬸᬱᬢᬭ᭞ᬓᬧᬶᬂᬢᬶᬕᬦᬶᬧᬸᬦ᭄᭞ᬧᬦ᭄ᬓᬾᬭᬵᬢ᭄ᬦᬸᬱᬓᬵᬫ᭄ᬩᬗᬦ᭄᭞ᬧᬶᬂᬲᬓᬯᬵᬦ᭄ᬦᬸᬱᬤᬶᬗᬂᬢᬕ᭄ᬬᬦ᭄ᬦᬫᬶ᭞ᬦᬸᬱᬢᭂᬫ᭄ᬩᬶᬦᬶᬕᬗ᭄ᬲᬮ᭄᭟ᬳᬶᬗ᭄ᬓᬂᬗ᭄ᬕᬾᬦ᭄ᬤᭀᬂᬓᬾᬭᬵᬢ᭄ᬦᬸᬱᬲᬺᬗ᭄ᬕᬶ᭞ᬢ᭄ᬬᬂᬓᬂᬢᬫ᭄ᬧᬶᬳᬸᬓᬸᬫᬦᬶᬂᬭᬵᬚ᭞ᬩᭂ
ᬭᬄᬤᭀᬦ᭄ᬤᭀᬫ᭄ᬩᬢᬹᬭᬶᬂᬯᭀᬂ᭞ᬲᬺᬕᭂᬧ᭄ᬧᬕᬯᬬᬦᬶᬧᬸᬦ᭄᭞ᬤᬶᬧᬸᬦ᭄ᬲᬺᬂᬤᬶᬧᬸᬦ᭄ᬕᭂᬩᬕᬶ᭞ᬤᬾᬓᬾᬭᬵᬢ᭄ᬦᬸᬱᬢᬭ᭞ᬓᬩᭂᬓ᭄ᬢᬧᬸᬦᬶᬓᬸ᭞ᬲᬤᬬᬢᬶᬬᬂᬫᬵᬃᬤ᭄ᬥᬶᬓᬵ᭞ᬜᬫ᭄ᬩᬸᬢ᭄ᬤᬫᭂᬮ᭄ᬲᬯᬢᬭᬲᬲᭂᬦᭂᬗᬶᬂ᭞ᬦᬶᬫ᭄ᬩᬂᬓᬸ᭠
ᬯᬢᬾᬩᬤᬦ᭄᭟ᬓᬾᬭᬵᬢ᭄ᬦᬸᬱᬓᬫ᭄ᬩᬗᬦ᭄ᬧᬸᬦᬶᬓᬶ᭞ᬧᬶᬦᬭᬶᬗ᭄ᬓᭂᬦ᭄ᬚᬦ᭄ᬫᬳᬶᬗ᭄ᬓᬂᬫᬸᬮ᭄ᬬ᭞ᬧ᭄ᬭᬶᬬᬬᬶᬲᬸᬤᬕᬃᬕᭂᬥᬾ᭞ᬫᬸᬂᬓᬵᬫ᭄ᬩᬂᬫ᭄ᬮᬭᬢᬶᬧᬸᬦ᭄᭞ᬓᬂᬗ᭄ᬕᬳᭀᬢᬗᬸᬧᬤᭀᬲ᭄ᬢᭂᬤᬶ᭞ᬢᬸᬫᬶᬦ᭄ᬤᬓ᭄ᬮᬾᬲᬦᬱ᭄ᬝ᭞ᬩᬸᬤ᭄ᬥᬶ
[᭑᭑᭑ 111A]
ᬓᬮᬃᬓᬯ᭄ᬭᬸᬄ᭞ᬢᬦ᭄ᬓᬗᬾᬮᬦ᭄ᬲᬸᬓᬸᬧᬸᬦ᭄ᬤᬓ᭄᭞ᬓᬾᬭᬵᬢᬶᬧᬸᬦ᭄ᬦᬸᬱᬓᬫ᭄ᬩᬗᬦ᭄ᬯᬱ᭄ᬝᬦᬶᬂ᭞ᬓᬾᬭᬵᬢᬾᬩᬗ᭄ᬰᬫᬸᬮ᭄ᬬ᭟ᬓᬾᬭᬵᬢ᭄ᬦᬸᬱᬲᬺᬗ᭄ᬕᬶᬦᬾᬢ᭄ᬬᬂᬲᬸᬕᬶᬄ᭞ᬢᬶᬦᬸᬫ᭄ᬧᬂᬓᬾᬲᬗᬶᬂᬕᬶᬮᬶᬂᬳᬵᬃᬕ᭄ᬕ᭞ᬲᬶᬦ᭄ᬢᭂᬦ᭄ᬓᬂᬳᬚᭂᬂᬳᬵᬃᬣᬦᬾ᭞
ᬧᬸᬦᬶᬓᬵᬓᬶᬦᬾᬦ᭄ᬗ᭄ᬕᭂᬩ᭄ᬬᬸᬃ᭞ᬚ᭄ᬭᭀᬦᬶᬂᬓᬾᬭᬵᬢ᭄ᬦᬸᬱᬲᬋᬗ᭄ᬕᬶ᭞ᬦᬸᬱᬲᬺᬗ᭄ᬕᬶᬦᬾᬭᬵᬚᬧᬶᬦᬭᬶᬗ᭄ᬓᭂᬦ᭄ᬲᬕᬸᬂ᭞ᬯᬤ᭄ᬬᬵᬮᬶᬢ᭄ᬲᬤᬬᬦᬶᬭ᭞ᬲᬶᬦ᭄ᬢᭂᬦ᭄ᬫᬗ᭄ᬕᭀᬦ᭄ᬫᬼᬩᭂᬢ᭄ᬓᬾᬭᬵᬢ᭄᭞ᬦᬸᬱᬲᬺᬗ᭄ᬕᬶᬢ᭄ᬧᬶᬦᭂᬓ᭄ᬱᬯᬶᬦᬶᬰᬾᬱ᭟
ᬓᬾᬭᬵᬢ᭄ᬢᬕ᭄ᬬᬦ᭄ᬮᬦ᭄ᬢᬶᬬᬂᬧᬸᬦᬶᬓᬶ᭞ᬳᬶᬂᬩᬢᬶᬦᬾᬦᬶᬓᬸᬓᬾᬭᬵᬢ᭄ᬓᭀᬤ᭄ᬭᬢ᭄᭞ᬮᬳᬶᬭᬾᬓᬾᬭᬵᬢ᭄ᬧᬗ᭄ᬕᬯᬾ᭞ᬬᬾᬦ᭄ᬲᬵᬫ᭄ᬧᬸᬦᬳᬗ᭄ᬮᬸᬕᬸᬄ᭞ᬋᬫᭂᬦ᭄ᬢᬦ᭄ᬤᬓ᭄ᬩᭀᬢᭂᬦ᭄ᬦᬫ᭄ᬧᬾᬦᬶ᭞ᬓᬾᬭᬵᬢᬾᬯᬤᬶᬩᭂᬗᬂ᭞ᬬᬾᬦ᭄ᬲ
ᬫ᭄ᬧᬸᬦᬳᬸᬤᬸᬢ᭄᭞ᬢᬶᬓᬾᬘᬦ᭄ᬤᬸᬩᭀᬢᭂᬦ᭄ᬫ᭄ᬩᬓ᭄ᬢ᭞ᬓᬾᬭᬵᬢ᭄ᬢᬕ᭄ᬬᬦ᭄ᬦᬶᬓᬸᬚᬦ᭄ᬫᬢᬦ᭄ᬧᬩᬸᬤ᭄ᬥᬶ᭞ᬜᭂᬗᬚᬦᭂᬤᬓᬾᬭᬵᬢ᭄᭟ᬓᬾᬭᬵᬢ᭄ᬦᬸᬱᬢᭂᬫ᭄ᬩᬶᬦᬶᬫ᭄ᬧᬸᬦ᭄ᬧᬲ᭄ᬢᬶ᭞ᬧᬶᬦᬭᬶᬗ᭄ᬓᬾᬫ᭄ᬭᬶᬂᬩᬗ᭄ᬰᬯᬦᬶᬢ᭞ᬫᭂᬢᭂᬂᬮᬦ᭄ᬩᬶ᭠
Page:Bali-lontar-gaguritan-dharmma-gandul-300ppi.pdf/111
This page has been proofread.
