[᭓᭘ 38B]
᭓᭘
ᬫᭂᬮ᭄ᬋᬱᬳᬶᬂᬓᬢᬄ᭞ᬳᬦᬭᬶᬓ᭄ᬮᬭᬂᬩᭂᬭᬲ᭄᭞ᬢᬫ᭄ᬩᬄᬧᬦᬲ᭄ᬜᬸᬤᬓᭂᬯ᭄ᬭᬸᬄ᭞ᬲᬸᬦᬦ᭄ᬩᬾᬦᬂᬲᬶᬖᬺᬫᬗ᭄ᬓᬢ᭄᭟ᬓᬶᬪᬸᬣᬮᭀᬘᬬᬫᬸᬮᬶᬄ᭞ᬲᬯᬤ᭄ᬬᬲᬫᬶᬩᬸᬩᬭᬦ᭄᭞ᬬᬢᬕᭂᬦ᭄ᬢᬶᬘᬭᬶᬢ᭄ᬣᬦᬾ᭞ᬦᬵᬕᬭᬶ
ᬳᬶᬂᬫᬚᬍᬗ᭄ᬓᬵ᭞ᬲᬂᬧ᭄ᬭᬪᬸᬪ᭄ᬭᬯᬶᬚᬬ᭞ᬏᬜ᭄ᬚᬶᬂᬲᬶᬦᬶᬯᬶᬯᬤ᭄ᬬᬵᬕᬸᬂ᭞ᬧᭂᬧᬓ᭄ᬯᬤ᭄ᬬᬕᬸᬮᬤ᭄ᬭᬯ᭄ᬯ᭟᭐᭚ᬥᬡ᭄ᬥᬂᬕᬸᬮ᭚ᬧᬢᬶᬄᬕᬚᬄᬫᬥᬢᬹᬃᬳᬸᬧᬾᬓ᭄ᬱᬶ᭞ᬤᬸᬄᬧᬸᬓᬸᬮᬦ᭄ᬤᬶᬥᬍᬫ᭄ᬢᬹᬃᬯᬶᬓᬦ᭄᭞ᬤᬶ
ᬤᬍᬫ᭄ᬢᬫ᭄ᬧᬶᬲᬸᬭᬵᬢᬾ᭞ᬳᬩ᭄ᬤᬶᬥᬍᬫ᭄ᬢᬸᬫᭂᬗ᭄ᬕᬸᬂ᭞ᬓᬵᬃᬣᬲᬦᬵᬳᬸᬜ᭄ᬚᬸᬓ᭄ᬳᬸᬧᭂᬓ᭄ᬱᬶ᭞ᬦᬵᬕᬭᬶᬓᬵᬃᬣᬲᬦᬵ᭞ᬳᬲᬢ᭄ᬮᬾᬧᬾᬦᬶᬧᬸᬦ᭄᭞ᬓᬂᬲᬓᬶᬂᬓᬥᬶᬭᬧᭂᬚᬄ᭞ᬜᬶᬫ᭄ᬧᬂᬗᬾᬢᬦ᭄ᬯᭀᬦ᭄ᬢᭂᬦ᭄ᬮᬾᬃᬓᬶᬢ
ᬓᬥᬶᬭᬶ᭞ᬓᬾᬗᬶᬂᬳᬶᬂᬰᬩ᭄ᬥᬦᬶᬭ᭟ᬲᬸᬦᬦ᭄ᬩᬾᬦᬂᬳᬸᬮᬫᬶᬳᬶᬂᬢᬸᬩᬶᬦ᭄᭞ᬧᭂᬦ᭄ᬢᭂᬦ᭄ᬧᬶᬦ᭄ᬢᭂᬦ᭄ᬤᬸᬲᬸᬦ᭄ᬓᬭᬶᬲᬓᬦ᭄᭞ᬲᬵᬫ᭄ᬧᬸᬦ᭄ᬓᬵᬢᬹᬃᬲᬤᬬᬦᬾ᭞ᬓᬤᬶᬓᬲᭂᬩᬸᬢ᭄ᬗᬬᬸᬦ᭄᭞ᬮᬗ᭄ᬓᬸᬂᬤᬸᬓᬰ᭄ᬭᬷᬦᬭᬧᬢᬶ᭞
[᭓᭙ 39A]
ᬓᬶᬧᬢᬶᬄᬕᬚᬄᬫᬥ᭞ᬓᬶᬦᬾᬦ᭄ᬮᬸᬫᭂᬲ᭄ᬢᬦ᭄ᬢᬸᬦ᭄᭞ᬓᬸᬫᬶᬲᬶᬳᬶᬂᬓᬵᬃᬣᬲᬦᬵ᭞ᬦᬶᬣᬶᬧ᭄ᬭᬶᬓ᭄ᬱᬯᬤ᭄ᬬᬮᬶᬢ᭄ᬳᬲᬶᬮᬾᬩᬸᬫᬶ᭞ᬓᬂᬭᬶᬲᬓ᭄ᬲᬓᬶᬂᬢᭀᬬ᭟ᬲᬸᬦᬦ᭄ᬩᬾᬦᬂᬓᬶᬦᬾᬦ᭄ᬳᬦᬶᬫ᭄ᬩᬮᬶ᭞ᬢᬦᬮᬫᬶᬧ᭄ᬭ
ᬧ᭄ᬢᬦᬾᬘᬭᬓ᭞ᬓᬶᬕᬚᬄᬫᬥᬳᬢᬹᬭᬾ᭞ᬳᬾᬲ᭄ᬢᬸᬍᬋᬲ᭄ᬧᬸᬓᬸᬮᬸᬦ᭄᭞ᬓᬵᬃᬣᬲᬦᬵᬓᬮᬾᬩᬦ᭄ᬯᬭᬶᬄ᭞ᬤᬸᬢᬲᬓᬶᬂᬳᬶᬂᬢᬸᬩᬦ᭄᭞ᬳᬦᭂᬫ᭄ᬩᬄᬳᬸᬫᬵᬢᬹᬃ᭞ᬧᬸᬓᬸᬮᬸᬦ᭄ᬳᬸᬮᬫᬶᬩᬾᬦᬂ᭞ᬢᬦ᭄ᬧᬶᬦᬗ᭄ᬕᬶᬄᬳᬶᬂᬕ᭄ᬭᬶᬬ
ᬓᬾᬲᬄᬲᬂᬬᭀᬕᬶ᭞ᬢᬦ᭄ᬯᬶᬓᬦ᭄ᬧᬸᬭᬸᬕᬶᬭ᭟ᬰ᭄ᬭᬷᬦᬭᬾᬦ᭄ᬤ᭄ᬭᬗᬩ᭄ᬤᬶᬓᬵᬲ᭄ᬫᬸᬭᬸᬡ᭄ᬝᬶᬓ᭄᭞ᬇᬓᬸᬧᬢᬶᬄᬧ᭄ᬭᬳᬸᬮᬫᬳᬭᬩ᭄᭞ᬳᭀᬭᬮᬫ᭄ᬩᬳᬶᬂᬓᬵᬋᬧᬾ᭞ᬯᬶᬓᬸᬦ᭄ᬤᭀᬕ᭄ᬳᬭᬦᬶᬧᬸᬦ᭄᭞ᬧᬸᬢᬶᬄᬜ᭄ᬚᬩᬳᬶᬂ
ᬜ᭄ᬢ᭄ᬭᬵᬦᬾᬓᬸᬦᬶᬂ᭞ᬳᭀᬭᬫᬋᬫ᭄ᬤᭂᬤᭂᬓᬄ᭞ᬦᭂᬋᬲ᭄ᬭᬶᬗᬶᬦ᭄ᬓᬸᬭᬸᬂ᭞ᬳᬾᬄᬧᬢᬶᬄᬲᬶᬭᬢᬸᬦ᭄ᬤᬸᬗ᭞ᬩᬗ᭄ᬰᬳᬭᬩ᭄ᬓᬂᬳᬦᬳᬶᬂᬢᬦᬄᬚᬯᬶ᭞ᬫᬸᬦ᭄ᬤᬓ᭄ᬗ᭄ᬭᬸᬩᭂᬤᬶᬧ᭄ᬭᬚ᭟ᬫᬸᬂᬳᬥᭂᬫᬓ᭄ᬮᬦ᭄ᬳᬶᬂᬗᬫ᭄ᬧᬾᬮ᭄ᬕᬥᬶᬂ᭞ᬲᬸᬦ᭄ᬮᬶᬮᬦᬶ
Page:Bali-lontar-gaguritan-dharmma-gandul-300ppi.pdf/39
This page has been proofread.
