[᭔᭘ 48B]
᭔᭘
ᬤᬾᬦᬾᬫᬗ᭄ᬓᬾᬓᬵᬃᬬ᭄ᬬᬪᬸᬯᬡᬩᬮᬶᬓ᭄᭞ᬤᬾᬦ᭄ᬮᬸᬭᬸᬄᬤᬢᬦ᭄ᬧᬶᬦᬗ᭄ᬕᬸᬄ᭞ᬤᬾᬦ᭄ᬦᬓᬶᬸᬮᬃᬓᬮᬃᬯᬸᬤᬃ᭞ᬮᬳᬶᬃᬩᬢᬶᬦ᭄ᬢᬦ᭄ᬳᬦᬳᬶᬗ᭄ᬓᬂᬢᬶᬦᭂᬫᬸ᭞ᬳᬶᬗ᭄ᬓᬂᬤᬤ᭄ᬬᬲᬩᬩᬶᬭ᭞ᬓᬂᬧᬸᬢ᭄ᬭᬮᬦ᭄ᬧ᭄ᬭᬪᬸᬧᬢᬶ᭟ᬓᭀᬮᬸ᭠
ᬗ᭄ᬭᬸᬲᬓ᭄ᬫᬚᬵᬍᬗ᭄ᬓᬵ᭞ᬲᬸᬗ᭄ᬓᬯᬦᬾᬭᬢᬸᬕᬸᬂᬓᬂᬮᬶᬦᭂᬯᬶᬄ᭞ᬲᬶᬦᭂᬫᭀᬦᬦ᭄ᬳᬶᬂᬤᬾᬯᬵᬕᬸᬂ᭞ᬢ᭄ᬬᬲᬾᬓᭀᬫ᭄ᬩᬂᬫᬳᬾᬲ᭞ᬢ᭄ᬮᬲ᭄ᬤᬾᬦ᭄ᬫᬗ᭄ᬰᬢᬸᬫᬦᬾᬓᬶᬜ᭄ᬚᬶᬃᬲᬤᬵᬭᬸᬫ᭄᭞ᬯᬸᬲᬦᬳᬮᭀᬦ᭄ᬗᬦ᭄ᬤᬶᬓ᭞ᬫᬳᬵᬧ᭄ᬭᬪᬸ
ᬫᬚᬧᬳᬶᬢ᭄᭟ᬧᬢᬶᬄᬳᬧᬲᬩᬩᬶᬭ᭞ᬬᬲᬶᬧᬢᬄᬮᬦ᭄ᬪᬸᬧᬢᬶᬧᬲᬶᬲᬶᬃ᭞ᬓᭀᬮᬸᬗ᭄ᬭᬸᬲᬓ᭄ᬫᬚᬮᬗᬸ᭞ᬢᬦ᭄ᬯᭀᬂᬮᬶᬄᬓᬩᭂᬘᬶᬓᬦ᭄᭞ᬧᬢᬶᬄᬕᬚᬄᬫᬥᬳᬦᭂᬫ᭄ᬩᬄᬳᬸᬫᬵᬢᬹᬭᬵ᭞ᬘᬸᬧᭂᬢ᭄ᬘᭂᬧᭂᬢ᭄ᬢ᭄ᬬᬲ᭄ᬓᬯᬸᬮ
᭞ᬢᬦ᭄ᬲᬕᭂᬤ᭄ᬫᬸᬜ᭄ᬚᬸᬓᬶᬂᬕᬸᬲ᭄ᬢᬶ᭟ᬤᬾᬦᬾᬢᭂᬗᬄᬲᬓᬶᬂᬦᬮᬃ᭞ᬤᬾᬦ᭄ᬲᬳᬾᬦᬶᬯᬍᬲᬾᬳᬗᬯᭀᬦᬶ᭞ᬘᬶᬤ᭄ᬭᬮᬦ᭄ᬲᭂᬩᬸᬢᬦ᭄ᬩᬸᬓᬸ᭞ᬯᬶᬓᬸᬓᬸᬳᬾᬢ᭄ᬬᬂᬚᬯ᭄ᬯ᭞ᬚᬯᬚᬯᬶᬫᬗᬺᬢᬶᬳᬕᬮ᭄ᬮᬦ᭄ᬳᬮᬸᬲ᭄᭞ᬯ
[᭔᭙ 49A]
ᬚᬶᬩᬾᬬᬾᬦ᭄ᬩᬶᬦᭂᬘᬶᬓᬦ᭄᭞ᬲᬥᭂᬓ᭄ᬢᬶᬬᬾᬦ᭄ᬫᬍᬲ᭄ᬩᭂᬘᬶᬓ᭄᭟ᬳᬕᬸᬂᬫᬕ᭄ᬬᬩᬗ᭄ᬰᬳᬶᬲ᭄ᬮᬫ᭄᭞ᬤᬾᬦ᭄ᬩᭂᬘᬶᬓᬶᬯᬍᬲᬶᬳᬗᬮᬦᬶ᭞ᬢᭂᬢᭂᬧ᭄ᬮᬯᭀᬦ᭄ᬲᭂᬩᬸᬢᬶᬧᬸᬦ᭄᭞ᬳᬜᭂᬩᬸᬢ᭄ᬳᬱ᭄ᬫᬳᬮ᭄ᬮᬄ᭞ᬫᬶᬮᬳᬮᬢᬶᬬᬂᬳᬶᬲ᭄ᬮᬫ᭄ᬩ
ᬢᭀᬲᬶᬧᬸᬦ᭄᭞ᬳᬮᬸᬲᬾᬫᬸᬂᬓᬮᬳᬶᬭᬦ᭄᭞ᬩᬢᭀᬲᬶᬧᬸᬦ᭄ᬚᬸᬚᬸᬃᬫᬲᬶᬄ᭟ᬪᬾᬤᬲᭂᬩᬸᬢᬾᬢ᭄ᬬᬂᬩᬸᬤ᭄ᬥ᭞ᬜᭂᬩᬸᬢ᭄ᬚᬕᬤ᭄ᬤᬾᬯᬵᬕᬸᬂᬓᬂᬮᬶᬦᬸᬯᭂᬄ᭞ᬚᬕᬤ᭄ᬦᬶᬓᬸᬭᬕᬦᬶᬧᬸᬦ᭄᭞ᬗ᭄ᬮᬸᬳᬸᬭᬓᬾᬳᬰ᭄ᬫᬦᬶᬂᬏᬥᬢ᭄
᭞ᬦᬶᬓᬸᬧᬸᬚᬶᬓᬂᬳᬸᬢᬫᬶ᭟ᬬᬾᬦ᭄ᬜᭂᬩᬸᬢ᭄ᬦᬪᬶᬦᬸᬳᬵᬫᬤ᭄᭞ᬭᬲᬸᬮ᭄ᬮᬸᬮ᭄ᬮᬄᬧᬦᬸᬗ᭄ᬕᬸᬮ᭄ᬧᬭᬦᬵᬪᬶ᭞ᬫᬸᬳᬫᬤ᭄ᬫᬓᬫᬦ᭄ᬓᬸᬓᬸᬃ᭞ᬓᬸᬩᬹᬃᬭᬱᬓᬂᬲᬮᬄ᭞ᬫᬶᬮᬳᬾᬯᬄᬩᭂᬗᬓ᭄ᬩᭂᬗᭀᬓ᭄ᬏᬜ᭄ᬚᬶᬂᬲᬸᬭᬸᬧ᭄᭞ᬦᭂᬓᭂᬫ᭄ᬥᬥ
ᬘᭂᬮᬸᬫᬶᬓᬦ᭄᭞ᬚᬸᬗ᭄ᬓᬃᬚᬸᬗ᭄ᬓᬶᬃᬗᬭᬲ᭄ᬲᬶᬣᬶ᭟ᬲᬤ᭄ᬥᬬᬢᭂᬤᬯᬶᬦᬬ᭞ᬢ᭄ᬭᬜ᭄ᬘᬫ᭄ᬘᬘᬶᬂᬤᬾᬦ᭄ᬤᬾᬂᬓᬸᬘᬶᬂᬲᬶᬦᬶᬭᬶᬓ᭄᭞ᬧᬶᬦ᭄ᬤᬂᬓᭂᬢᬾᬓ᭄ᬳᭀᬧᭀᬃᬮᬸᬢᬸᬂ᭞ᬩᭀᬢᭀᬓᬾᬲᬯᭂᬃᬲᬯ᭞ᬲᬢᬾᬭᬲᬾᬍᬫᭂᬂᬓᬶ
Page:Bali-lontar-gaguritan-dharmma-gandul-300ppi.pdf/49
This page has been proofread.
