[᭕᭓ 53B]
᭕᭓
ᬓᬶᬂᬲᭂᬮᬾᬭᬶᬂᬓᬶᬢ᭞ᬧᬭᬵᬲᬸᬦᬦ᭄ᬧ᭄ᬭᬪᬸᬧᬢᬶᬋᬩᬢ᭄ᬗᬬᬸᬦ᭄᭞ᬲᬸᬭᬓᬾᬗᬫ᭄ᬩᬮᬫ᭄ᬩᬮᬦ᭄᭞ᬢᬺᬩᬂᬓᭂᬡ᭄ᬥᬗᬾᬢᬶᬦᬶᬢᬶᬃ᭟ᬢ᭄ᬭᬶᬮᬓ᭄ᬱᬯᬤ᭄ᬬᬳᬶᬂᬥᭂᬫᬓ᭄᭞ᬢᬶᬕᬂᬳᬾᬯᬸᬯᬤ᭄ᬬᬳᬶᬂᬫᬚᬧᬳᬶᬢ᭄᭞ᬲᬋᬂᬘᬫ᭄ᬧᬸᬄ
ᬳᬧ᭄ᬭᬂᬧᬸᬧᬸᬄ᭞ᬩᭂᬤᬶᬮ᭄ᬫᬸᬦᬶᬲᬧᬶᬲᬦ᭄᭞ᬘᬭᬸᬓ᭄ᬭᬸᬓᭂᬢ᭄ᬢᬸᬫ᭄ᬩᬓ᭄ᬩᭂᬤᬶᬮ᭄ᬮᬯᬵᬦ᭄ᬲᬗ᭄ᬓᬸᬄ᭞ᬧᭂᬤᬂᬮᬫᬾᬂᬮᬦ᭄ᬓᬸᬮᬾᬯᬂ᭞ᬯᬸᬲ᭄ᬭᬗ᭄ᬲᬂᬭᬶᬦᬗ᭄ᬲᬂᬓᭂᬭᬶᬲ᭄᭟ᬯᭀᬂᬫᬚᬍᬗ᭄ᬓᬮᬶᬃᬓᬭᬂ᭞ᬓᬤ᭄ᬬᬳᬮᬸᬦ᭄ᬯᬤ᭄ᬬᬥᭂᬫᬓ᭄ᬦᬵᬕᬭᬶ᭞ᬓᬂ᭠
ᬢᬶᬦᭂᬫ᭄ᬧᬸᬄᬩᬓᬸᬄᬓᬸᬓᬸᬄ᭞ᬯᬤ᭄ᬬᬥᭂᬫᬓᬦᬸᬜ᭄ᬚᬂ᭞ᬢᬸᬫ᭄ᬧᭂᬲ᭄ᬗᬃᬱᬳᬶᬂᬯᬸᬭᬶᬧ᭄ᬭᬧ᭄ᬢᬓᬤ᭄ᬬᬵ᭞ᬧᬭᬲᬸᬦᬦ᭄ᬮᬦ᭄ᬧ᭄ᬭᬪᬸᬧᬢ᭄ᬬ᭞ᬧᬗᬸᬮᬸᬓᭂᬢᬶᬩ᭄ᬮᬦ᭄ᬫᭀᬤᬶᬦ᭄᭟ᬕᬸᬭᬸᬫᬦ᭄ᬢ᭄ᬭᬶᬓᬳᬸᬫ᭄ᬤᬾᬰ᭞ᬲᬦ᭄ᬢ᭄ᬭᬶᬫᭂᬭᬶᬢ
ᬦ᭄ᬧᭂᬕᬢ᭄ᬫᬸᬚᬶᬤᬶᬓᬶᬃ᭞ᬮᬳᬶᬮᬳᬳᬶᬮᬮ᭄ᬮᬳᬸ᭞ᬫᬸᬳᬵᬫᬤ᭄ᬭᬲᬸᬮᬸᬮ᭄ᬮᬄ᭞ᬮᬓ᭄ᬯᭀᬮᬓᬸᬯᬢᬲᬓᬶᬂᬳᬶᬂᬳ᭄ᬬᬂᬳᬕᬸᬂ᭞ᬚᬬᬵᬳᬯᬤ᭄ᬬᬳᬶᬂᬥᭂᬫᬓ᭄᭞ᬳᬧᭂᬲᬯᭀᬂᬫᬚᬧᬳᬶᬢ᭄᭟ᬲᬋᬂᬫᬗ᭄ᬲᬄᬦᭂᬫ᭄ᬧᬸᬄ
[᭕᭔ 54A]
ᬭᬫ᭄ᬧᬓ᭄᭞ᬧᬗᬸᬘᬧᬾᬧ᭄ᬭᬂᬲᬩᬶᬮ᭄ᬫᬸᬗ᭄ᬲᬸᬄᬓᬧᬶᬃ᭞ᬢᬺᬩᬂᬓᭂᬦ᭄ᬤᬗᬾᬢᬶᬦᬩᬸᬄ᭞ᬲ᭄ᬯᬭᬮᬶᬃᬮᬗᬶᬢ᭄ᬩᭂᬥᬄ᭞ᬲᬦ᭄ᬢ᭄ᬭᬶᬲᬸᬦ᭄ᬤᬲᬋᬂᬫᭂᬜ᭄ᬘᬓ᭄ᬋᬩᬸᬢ᭄ᬗᬬᬸᬦ᭄᭞ᬧᭂᬤᬗᬾᬲᬸᬓᬯᬶᬬᬦ᭞ᬓᬶᬦᬵᬃᬬ᭄ᬬᬳᬕᭂᬫᬶᬂᬚᬸᬭᬶᬢ᭄᭟ᬦᬾᬂᬗᬃ
ᬱᬓᬤᬶᬮᭀᬢᬶᬭᬦ᭄᭞ᬢᬶᬦᬥᬳᬦ᭄ᬳᬶᬂᬯᬤ᭄ᬬᬚᬕᬧᬢᬶ᭞ᬯᭀᬂᬩᬸᬕᬶᬲ᭄ᬓ᭄ᬮᬾᬯᬂᬕᭂᬫ᭄ᬧᬸᬦ᭄᭞ᬭᬫᬾᬧᭂᬜ᭄ᬘᬓ᭄ᬧᬶᬦᭂᬜ᭄ᬘᬓ᭄᭞ᬓᬂᬓᬢ᭄ᬭᬚᬂᬍᬗᭃᬦ᭄ᬧᬸᬢᬸᬂᬭᬕᬭᬵᬫ᭄ᬧᬸᬂ᭞ᬯᬸᬲ᭄ᬲᬳᬫ᭄ᬬᬢᬸᬫ᭄ᬧᭂᬲᬶᬂᬳᬧ᭄ᬭᬂ᭞ᬯᭀᬂᬲᬸᬦ᭄ᬤᬮᬯ
ᬦ᭄ᬯᭀᬂᬩᬸᬕᬶᬲ᭄᭟ᬅᬱ᭄ᬝᬪᬸᬧᬢᬶᬦᬵᬬᬓ᭞ᬗᬫᬸᬓ᭄ᬮᬶᬯᬸᬂᬮᬶᬃᬩᬡ᭄ᬝᬾᬢᬵᬯᬦ᭄ᬓᬦᬶᬦ᭄᭞ᬯᬤ᭄ᬬᬳᬶᬂᬥᭂ᭠ᬫᬓ᭄ᬕᬸᬫᬸᬮᬸᬂ᭞ᬲᬋᬂᬫᬗ᭄ᬲᬄᬳᬦᬸᬜ᭄ᬚᬂ᭞ᬢᬸᬫ᭄ᬧᭂᬲ᭄ᬗᬃᬱᬯᬸᬭᬶᬧ᭄ᬭᬧ᭄ᬢᬓᬤ᭄ᬬᬳᬮᬸᬦ᭄᭞ᬯᬦ᭄ᬢᬸᬦᬾᬓᬭᭀᬩᬦ᭄ᬮᬯᬵ
ᬦ᭄᭞ᬳᬱ᭄ᬝᬪᬸᬧᬢᬶᬗᭂᬫᬲᬶ᭟ᬭᬳᬤᬾᬦᬼᬫ᭄ᬩᬸᬧᬗᬃᬱ᭞ᬧᬸᬢ᭄ᬭᬦᬵᬣᬫᬗ᭄ᬲᬄᬧ᭄ᬭᬂᬫᭀᬩᬢ᭄ᬫᬩᬶᬢ᭄᭞ᬢᬶᬦᬥᬳᬦ᭄ᬲᬸᬦᬦ᭄ᬓᬸᬤᬸᬲ᭄᭞ᬭᬫᬾᬮᬦ᭄ᬢᬭᬦ᭄ᬯᬢᬂ᭞ᬓ᭄ᬬᬦᬵᬧᬢᬶᬄᬫᬵᬗ᭄ᬓᬸᬭᬵᬢ᭄ᬗ᭄ᬮᬫ᭄ᬩᬸᬂᬧᬶᬂᬧᬸᬗ᭄ᬓᬸᬃ᭞ᬢᬶᬦᬸ
Page:Bali-lontar-gaguritan-dharmma-gandul-300ppi.pdf/54
This page has been proofread.
