[᭑᭐ 10B]
᭑᭐᭞
ᬧᬯᬦᬦ᭄᭟ᬲᬂᬜᬶᬤᬬᬂᬗᬺᬢ᭄ᬳᬶᬦ᭄ᬤ᭄ᬭᬶᬬᬵ᭞ᬩ᭄ᬭᬂᬢᬶᬳᭂᬦ᭄ᬢᭀᬫᬶᬦᭂᬓᬤᬶ᭞ᬓᭀᬘᬧ᭄ᬗᬃᬤᬶᬧᬜ᭄ᬚᬂᬬᬸᬱ᭞ᬢᬸᬃᬗᭂᬦ᭄ᬢᬶᬓᬂᬩᬸᬤ᭄ᬥᬶᬳ᭄ᬦᬶᬂ᭞ᬤᬾᬯᬪᬸᬢ᭄ᬣᬲᬫᬶᬳᬲᬶᬄ᭞ᬜᬫᬵᬩ᭄ᬭᬬᬧ
ᬤᬮᬸᬮᬸᬢ᭄᭞ᬦᬾᬓ᭄ᬢᬶᬮ᭄ᬫᬦᬤᬶᬏᬮᬄ᭞ᬳᬮᬸᬄᬢ᭄ᬓᬳᬲᬶᬂᬳᬮᬶᬄ᭞ᬓᬾᬢᭀᬢᬸᬳᬸ᭞ᬲᬂᬜᬶᬤᬬᬂᬗᬺᬢ᭄ᬳᬶᬦ᭄ᬤ᭄ᬭᬶᬬᬵ᭟ᬦᬵᬗ᭄ᬳᬶᬂᬲᬂᬓᭀᬗ᭄ᬕ᭄ᬯᬦ᭄ᬓ᭄ᬭᭀᬤ᭞ᬩᬗᭂᬢ᭄ᬧᭂᬲᬦ᭄ᬬᬢᬸᬗ᭄ᬓᬮᬶ
ᬓ᭄᭞ᬫᬦᬄᬜᬇᬫ᭄ᬧᬸᬢ᭄ᬲᬢᬢ᭞ᬦᬾᬧᬢᬸᬢ᭄ᬓᬲᭂᬗ᭄ᬕᬸᬄᬧ᭄ᬮᬶᬄ᭞ᬦᬾᬓᬯᭀᬦ᭄ᬓᬤᬮᬶᬄᬩᭂᬘᬶᬓ᭄᭞ᬧ᭄ᬢᭂᬂᬳᬢᬶᬢᭀᬓᬯᬸᬯᬸᬲ᭄᭞ᬳᬤᭀᬄᬲᬓᬶᬂᬳᬢᬶᬫ᭄ᬩᬗᬦ᭄᭞ᬩ᭄ᬦᭂᬄᬧᬤᬶ
ᬤᬶᬓᬕᬶᬲᬶ᭞ᬓ᭄ᬦᭂᬄᬳᬸᬗ᭄ᬕᬸᬮ᭄᭞ᬦᬾᬚᬢᬶᬦ᭄ᬜᬤᬳᬢ᭄ᬳᬦ᭄ᬤᬧ᭄᭟ᬬᬦ᭄ᬩ᭄ᬭᬂᬢᬶᬦᬾᬯᬸᬲ᭄ᬗᬯᬱ᭞ᬜᬧᬳᬓᬸᬦᬾᬬᬫᭂᬦ᭄ᬢᬶᬓ᭄᭞ᬳᬦᬓᬾᬲᬫᬶᬓᬦ᭄ᬤᬧᬂ᭞ᬩᬦ᭄ᬤᬾᬯᬾᬓ᭄ᬜᬫ
[᭑᭑ 11A]
ᬲᬭᬶᬭᬶᬄ᭞ᬲᬸᬕᬶᬄᬢᬸᬃᬗᬯᬱᬕᬸᬫᬶ᭞ᬳᬲᬶᬂᬧ᭄ᬭᬾᬦ᭄ᬢᬄᬫᬗ᭄ᬤᬾᬦ᭄ᬢᬶᬦᬸᬢ᭄᭞ᬬᬦ᭄ᬳᬤᬧᬤᬾᬦᬾᬧᬶᬯᬮ᭄᭞ᬫᬸᬲᬸᬄᬧᬶᬢ᭄ᬯᬶᬬᬓᬤᬦᬶᬦ᭄᭞ᬢᬸᬃᬓᬲᭂᬗ᭄ᬕᬸᬄ᭞ᬧᬘᬂᬜᭂᬗ᭄ᬓᬮᬤᬾᬯᬾᬓ᭄ᬦ᭄ᬬ᭟
ᬓᬾᬢᭀᬲᬂᬓᭀᬗ᭄ᬕᬸᬳᬦ᭄ᬓ᭄ᬭᭀᬤ᭄ᬥ᭞ᬩᬗᭂᬢ᭄ᬫᬗᬺᬱ᭄ᬋᬲᬶᬦ᭄ᬳᬢᬶ᭞ᬦᬾᬲᬶᬦᬄᬗᬯᬾᬲᭂᬗ᭄ᬓᬮᬵ᭞ᬜᬫᬩ᭄ᬭᬬᬵᬧᬤᬲᭂᬗᬶᬢ᭄᭞ᬦᬾᬢᬓᬸᬢ᭄ᬤᬤᬶᬬᬩᬦᬶ᭞ᬗᭂᬮᬯᬦ᭄ᬧᬤᬵᬬᬗ
ᬋᬩᬸᬢ᭄᭞ᬬᬦ᭄ᬓᬾᬢᭀᬳᬧᬨᬳᬮᬦ᭄ᬜ᭞ᬲᬶᬦᬄᬗᬃᬤᬶᬢ᭄ᬯᬭᬩ᭄ᬘᬶᬓ᭄᭞ᬜᬶᬮᬶᬄᬧᬢᬸᬢ᭄᭞ᬳᬤᬸᬗᬾᬫᬃᬕᬶᬲᬭᬢᬂ᭟ᬩᭂᬘᬶᬓ᭄ᬯᬮᬶᬦᬶᬦ᭄ᬳᬾᬮᬶᬗᬂ᭞ᬲᬂᬜᬶᬤᬬᬂᬢ᭄ᬯᬭᬩ᭄ᬭᬂ
ᬢᬶ᭞ᬲᬮᬯᬲ᭄ᬜᬫᬗ᭄ᬕᬸᬄᬲᬸᬓᬵ᭞ᬲᬦ᭄ᬢᭀᬱᬵᬚ᭄ᬭᭀᬦᬶᬂᬉᬭᬶᬧ᭄᭞ᬇᬱᬤ᭄ᬭᬶᬧᬸᬓᬲᭀᬃᬲᬫᬶ᭞ᬢ᭄ᬯᬭᬩ᭄ᬯᬶᬦ᭄ᬬᬵᬫᬗᬤᬸᬓ᭄᭞ᬚᭂᬕ᭄ᬚᭂᬫᭂᬢ᭄ᬬᬵᬤᬤᬶᬯᬃᬕ᭄ᬕ᭞ᬇᬲᬤ᭄ᬕᬸᬡᬵ
Page:Bali-lontar-gaguritan-dharmma-prawreti-350ppi.pdf/11
This page has been proofread.
