[᭑᭘ 18B]
᭑᭘᭞
ᬬᬦ᭄ᬳᬫ᭄ᬧᬄᬘ᭄ᬦᬶᬂᬲᬢᬸᬯᬸᬓ᭄᭞ᬢᬦ᭄ᬫᬫ᭄ᬧᬸᬄᬨᬮᬦ᭄ᬜ᭞ᬳᬲᬶᬂᬩᬯᭀᬲᬂᬢᬦ᭄ᬫᬶᬲᬶ᭞ᬗᬯᬾᬳᬶᬫ᭄ᬧᬸᬢ᭄᭞ᬭᬾᬄᬧ᭄ᬭᬾᬦ᭄ᬢᬳᬾᬓᬢᭂᬫ᭄ᬧᬮᬶᬦ᭄᭟ᬲᬗ᭄ᬓᬦ᭄ᬩᬕᬸᬲ᭄᭞ᬅᬧᬺᬫᬤᬦᬾᬲᬢᬸᬯᬸ
ᬓ᭄᭞ᬳᬗ᭄ᬕᭀᬦ᭄ᬬᬵᬰᬭᬦᬵ᭞ᬫᬶᬦᭂᬓᬤᬶᬗᬶᬲᬶᬕᬸᬫᬶ᭞ᬳ᭄ᬤᬵᬳᬗ᭄ᬓᬸᬄ᭞ᬗᬮᬧ᭄ᬓᬲᭀᬭᬾᬫᬃᬕ᭄ᬬᬂ᭟ᬲᬶᬕᬸᬕ᭄ᬳᬶᬓᬸ᭞ᬓᬸᬢᬂᬅᬜ᭄ᬘᭀᬢᬂᬤᬶᬧᬂᬓᬸᬂ᭞ᬧᬗ᭄ᬤᬵᬗ᭄ᬭᬸᬩᬾᬤ᭞ᬗᬯᬾᬕ᭄ᬭᬶᬂᬓᬸ
ᬮᬯᬃᬕ᭄ᬕᬶ᭞ᬗᬃᬤᬶᬩᬸᬯᬸᬢ᭄᭞ᬭᬲᬦ᭄ᬧᬢᬸᬳᬾᬬᬵᬳᬶᬮᬂ᭟ᬬᬦ᭄ᬢᬦ᭄ᬧᬢᬸᬄ᭞ᬰᬢ᭄ᬭᬸᬦᬾᬓᬢᬶᬕᬜᬸᬲᬸᬧ᭄᭞ᬜᬶᬮᬶᬩ᭄ᬘᬭᬩᬓ᭞ᬫᬸᬜᬶᬫᬦᬶᬲ᭄ᬗᬮᬶᬄᬧᬢᬶ᭞ᬓᬤᭀᬂ
ᬦᬯᬸ᭞ᬗᬦ᭄ᬤᭀᬓ᭄ᬓᬭᬶᬭᬶᬳᬦ᭄ᬘᭀᬭᬄ᭟ᬲᬗ᭄ᬓᬦ᭄ᬩᬕᬸᬲ᭄᭞ᬬᬦ᭄ᬢᬦ᭄ᬲᬾᬗᭂᬄᬢᭂᬓᬾᬦ᭄ᬰᬢ᭄ᬭᬸ᭞ᬩᬶᬱᬓᬧᬘᬸᬦ᭄ᬤᬂ᭞ᬩᭀᬬᬵᬓ᭄ᬢᬶᬓ᭄ᬦᬬᬵᬲᬶᬮᬶᬩ᭄᭞ᬦᬾᬧᭂᬫᬸᬧᬸᬢ᭄᭞ᬳ᭄ᬤᬵ᭠
[᭑᭙ 19A]
ᬳᬫ᭄ᬧᬄᬫᬓ᭄ᬢᬭᬕ᭄ᬕᬵ᭟ᬬᬦᬶᬂᬲᬵᬫ᭄ᬧᬸᬦ᭄᭞ᬕᬮᬂᬤᬶᬓᬬᬸᬦᬾᬧᬗ᭄ᬕᬸᬄ᭞ᬢᭂᬓᭂᬓ᭄ᬗᬫᭀᬂᬰᬶᬮᬵ᭞ᬫᬸᬯᬸᬄᬧ᭄ᬭᬚ᭄ᬜᬦ᭄ᬮ᭄ᬯᬶᬳᬶᬂᬩᬸᬤ᭄ᬥᬶ᭞ᬲᬶᬦᬄᬳᬮᬸᬄ᭞ᬗᬫᭀᬂᬯᬃᬕᬶᬫᬶᬯᬄᬧᬜ᭄ᬚᬓ᭄᭟
ᬫᬸᬮᬵᬳᬮᬸᬄ᭞ᬲᬂᬚᬶᬢᬾᬦ᭄ᬤ᭄ᬭᬶᬬᬵᬫᬦᬸᬤᬸᬄ᭞ᬫᬦᬄᬮᬦ᭄ᬳᬶᬦ᭄ᬤ᭄ᬭᬶᬬᬵ᭞ᬫᬗ᭄ᬕᬾᬦ᭄ᬢᬦ᭄ᬦᭂᬕᬸᬮ᭄ᬗᭂᬮᬶᬮᬶᬢ᭄᭞ᬲᬗ᭄ᬓᬦ᭄ᬩᬕᬸᬲ᭄᭞ᬩ᭄ᬯᬢᬂᬫᬗᬫᭀᬂᬫᬦᬄ᭟ᬫᬸᬮᬵᬢᬸᬬᬸᬄ᭞ᬗᬫᭀᬂᬫᬦᬄ
ᬬᬦ᭄ᬢᬦ᭄ᬓᬸᬓᬸᬄ᭞ᬗᭂᬢᬧ᭄ᬦᬾᬢᬢᬶᬕ᭞ᬥᬭᬡᬵᬥ᭄ᬬᬦᬵᬲᬫᬵᬤ᭄ᬥᬶ᭞ᬫᬃᬕ᭄ᬕᬮᬦ᭄ᬢᬸᬃ᭞ᬧᭂᬫᬃᬕᬦ᭄ᬲᬂᬬᭀᬕᬶᬰ᭄ᬯᬭᬵ᭟ᬲᬗ᭄ᬓᬦ᭄ᬮᬶᬬᬸ᭞ᬳᬚᬓ᭄ᬮᬘᬸᬃᬚ᭄ᬭᭀᬦᬶᬂᬳᬶᬤᬸᬧ᭄᭞ᬳᬧᬦ᭄ᬢ᭄ᬯᬭᬓᬸᬯᬢ᭄᭞᭠
ᬗᬢᭂᬤ᭄ᬫᬦᬄᬮᬦ᭄ᬳᬶᬦ᭄ᬤ᭄ᬭᬶᬬᬦᬶ᭞ᬦᬾᬧᭂᬫᬸᬧᬸᬢ᭄᭞ᬮᬩᬸᬄᬓᬚᬸᬭᬂᬲᭂᬗ᭄ᬲᬵᬭ᭟ᬫᬗ᭄ᬤᬾᬦ᭄ᬮᬦ᭄ᬢᬸᬃ᭞ᬢᬸᬢᬸᬭᬾᬗᬂᬲᬦ᭄ᬬᬳᬤᬸᬂ᭞ᬓᭂᬤᭂᬄᬫᬦᬄᬩᬧ᭞ᬗᬯᬸᬯᬸᬳᬶᬦ᭄ᬲᬢ᭄ᬯᬫᬮᬶᬄ᭞ᬢᬸᬢᬸᬃ
Page:Bali-lontar-gaguritan-dharmma-prawreti-350ppi.pdf/19
This page has been proofread.
