[᭒᭙ 29B]
᭒᭙᭞
ᬇᬱᬤ᭄ᬭᬶᬧᬸᬢᭀᬓᬤᬦᬶᬦ᭄᭞ᬫᬸᬰᬸᬄᬦᭂᬫ᭄ᬦᭂᬫ᭄ᬤᬳᬢ᭄ᬰᬓ᭄ᬢᬶ᭞ᬤᬸᬯᭂᬕ᭄ᬫᬗ᭄ᬮᬶᬮᬶᬢ᭄ᬫ᭠ᬦᭂᬕᬸᬮ᭄᭞ᬦᬗᬶᬂᬲᬤᬸᬭᬸᬂᬜᬢ᭄ᬯᬬᬂ᭞ᬩᭂᬘᬶᬓ᭄ᬓᬕᬸᬦᬸᬂᬫᭂᬮᬮᬶ᭞ᬲᬫ᭄ᬩᬶᬮ᭄ᬦᬸᬯᬸᬃ᭞ᬥ᭄ᬬᬄᬅᬤ᭄ᬭᬶ
ᬚᭂᬕᬾᬕ᭄ᬜᬮᬂ᭟᭚᭜᭚ᬧᬸᬧᬸᬄᬅᬤ᭄ᬭᬶ᭚ᬤᬸᬄᬇᬦᬦᬓ᭄ᬅᬤ᭄ᬭᬶᬘ᭄ᬦᬶᬂᬳᬬᬸ᭞᭠ᬲᬗ᭄ᬓᬦ᭄ᬩᬧᬧ᭄ᬭᬧ᭄ᬢᬵ᭞ᬩᭂᬮᬶᬦ᭄ᬘ᭄ᬦᬶᬂᬫᬶᬮᬸᬗᬶᬭᬶᬂ᭞ᬫᬶᬲᬤ᭄ᬬᬫᬓᬵᬃᬱᬢᬸᬮᬸᬂ᭞ᬧᬂᬗᬶᬭᬶᬂᬇᬦ᭠
ᬦᬓ᭄ᬫᬸᬧᬸᬄ᭞ᬩᭂᬮᬶᬦ᭄ᬘᭂᬦᬶᬂᬲᬂᬲᬶᬱ᭄ᬬᬯᬦ᭄᭞ᬤᭀᬢ᭄ᬫᬶᬋᬂᬢᬢ᭄ᬯᬲᬤ᭄ᬭᬶᬧᬸ᭞ᬳᬧᬂᬬᬲᭂᬮᭂᬕ᭄ᬦᬶᬗᭂᬳᬂ᭞ᬫᬸᬕᬶᬘ᭄ᬦᬶᬂᬫᭀᬮᬶᬄᬲᭂᬮᬵ᭟ᬦᬸᬦᬲ᭄ᬮᬸᬕ᭄ᬭᬢᬶᬢ᭄ᬬᬂᬰ᭄ᬭᬶᬫᬳᬵᬫ᭄ᬧᬸ᭞ᬩᭂᬲ᭄᭠
ᬩᬗᭂᬢ᭄ᬧᬲ᭄ᬯᬾᬘᬵ᭞ᬚᬦ᭄ᬢᭀᬲ᭄ᬧ᭄ᬭᬤᬶᬸᬦ᭄ᬤᬵᬗᭂᬭᬯᬸᬳᬶᬦ᭄᭞ᬭᬶᬂᬧᭀᬦ᭄ᬤᭀᬓ᭄ᬢᬶᬢ᭄ᬬᬂᬇᬚᬸᬕᬸᬮ᭄᭞ᬲᬢ᭄ᬫᬓᬳᬫᭂᬃᬢ᭄ᬣᬭᬸᬦ᭄ᬢᬸᬄ᭞ᬤᬕᬶᬂᬯᬘᬦᬦ᭄ᬲᬂᬢᬧ᭞ᬧᬸᬧᬸᬢ᭄ᬢᬶᬢ᭄ᬬᬂᬫᬗᭂ
[᭓᭐ 30A]
ᬮᬸᬗ᭄ᬲᬸᬃ᭞ᬤᬸᬭᬸᬲᬂᬯᬘᬦᭂᬦ᭄ᬢᬶᬢ᭄ᬬᬂ᭞ᬲᬋᬂᬇᬩᭂᬮᬶᬲᬶᬱ᭄ᬬᬯᬵᬦ᭄᭟ᬤᬸᬄᬲᬶᬱ᭄ᬬᬯᬵᬦ᭄ᬘ᭄ᬦᬶᬂᬦᬦᬓ᭄ᬩᬕᬸᬲ᭄᭞ᬚᬮᬦ᭄ᬳ᭄ᬬᬓᬯᬶᬢᬂ᭞ᬩᬧᬚᬦᬶᬫᬦᬸᬢᬸᬭᬶᬦ᭄᭞ᬤᬕᬶᬂᬦᬾᬫᬤ
ᬦ᭄ᬲᬤ᭄ᬭᬶᬧᬸ᭞ᬫᬸᬲᬸᬄᬦᭂᬫ᭄ᬦᭂᬫ᭄ᬢᭂᬕᭂᬲᬶᬧᬸᬦ᭄᭞ᬫᭂᬮᬄᬚᬦᬶᬩᬧᬜᬃᬘᬵ᭞ᬫᬗ᭄ᬤᬵᬲᬵᬫ᭄ᬧᬸᬦ᭄ᬘᭂᬦᬶᬂᬩᬶᬗᬸᬂ᭞ᬲᬗ᭄ᬓᬦ᭄ᬳᬧᬶᬓᬶᬦ᭄ᬫᬶᬋᬗᬂ᭞ᬳᬧᬂᬲᬓᬶᬂᬲᭂᬓᭂᬦ᭄ᬩᬦ᭄ᬩᬦ᭄᭟ᬫᬦᬸᬢ᭄
ᬅᬗ᭄ᬕᬲ᭄ᬢ᭄ᬬᬵᬧᬃᬯ᭄ᬯᬧᬸᬦᬶᬓᬸ᭞ᬤᬶᬢᬸᬓᬧᬶᬤᬃᬢ᭄ᬣ᭞ᬧᬜᬃᬘᬦ᭄ᬲᬤ᭄ᬭᬶᬧᬸᬘᭂᬦᬶᬂ᭞ᬅ᭠ᬮᬲ᭄ᬬᬧᭂᬃᬢ᭄ᬢᬫᬳᬶᬧᬸᬦ᭄᭞ᬦᬶᬤ᭄ᬭᬓᬧᬶᬂᬤ᭄ᬯᬧᬸᬦᬶᬓᬸ᭞ᬪᬬᬵᬳᬦᬾᬓᬧᬶᬂᬢᬶᬕ᭞ᬭᬕ᭄ᬕᬵ
ᬦᬾᬓᬧᬶᬂᬓᭂᬘᬢᬸᬃ᭞ᬓᬧᬶᬂᬮᬶᬫᬦ᭄ᬜᬤ᭄ᬯᬾᬱ᭞ᬦᬾᬓᬧᬶᬂᬦᭂᬫ᭄ᬫᬤᬦ᭄ᬢᬺᬱ᭄ᬡᬵ᭟ᬗᬯᬶᬢ᭄ᬅᬮᬱ᭄ᬬᬢᬸᬢᬸᬭᬂᬫᬮᬸ᭞ᬗᭂᬓᭀᬄᬬᬵᬢᭂᬕᭂᬲ᭄ᬦ᭄ᬬ᭞ᬇᬤᭂᬧᬾᬓ᭄ᬬᬧ᭄ᬢᬦ᭄ᬫᬭᬶ᭞
Page:Bali-lontar-gaguritan-dharmma-prawreti-350ppi.pdf/30
This page has been proofread.
