[᭓᭘ 38B]
᭓᭘᭞
ᬭᬸᬯᬶᬰᬾᬱᬉᬢ᭄ᬢᬫᬶ᭟ᬅᬦᬾᬧᬶᬂᬘᬢᬸᬃᬩᬯᭀᬲᬂ᭞ᬦᬾᬓᬲᭂᬗ᭄ᬕᬸᬄ᭞ᬕᬸᬭᬸᬰ᭄ᬯᬥ᭄ᬬᬬᬵᬲᬸᬚᬢᬶ᭞ᬢᬦ᭄ᬲᬾᬯᭀᬲ᭄ᬳᬶᬤᬵᬲᬂᬳ᭄ᬬᬂᬢᬸᬤᬸᬄ᭞ᬦᬾᬫᬓᬕᬸᬭᬸᬦᬶᬂᬚᬕᬢ᭄᭞ᬮᬶᬦ᭄ᬢᬂᬧ᭄ᬭ
ᬤ᭄ᬜᬦ᭄᭞ᬲᬵᬃᬯ᭄ᬯᬦ᭄ᬜᬇᬤᬵᬓᬲᭂᬗ᭄ᬕᬸᬄ᭞ᬧᬢᬸᬢ᭄ᬪᬓ᭄ᬢᬶᬦᬶᬦ᭄ᬱᭂᬓᭂᬦᬂ᭞ᬦᬾᬫᬸᬮᬵᬓᬯᬶᬢᬦ᭄ᬚᬢᬶ᭟ᬦᬾᬫᬗ᭄ᬓᬶᬦ᭄ᬳᬕᬸᬲ᭄ᬲᬶᬲ᭄ᬬᬯᬦ᭄᭞ᬭᬭᬶᬲ᭄ᬫᬢᬸᬃ᭞ᬩᬦ᭄ᬩᬦ᭄ᬳᬮᬸᬲ᭄ᬰ᭄ᬭᬤ᭄ᬥᬪᬓ᭄ᬢᬶ᭞ᬤᬸᬄ
ᬲᬂᬭᬢᬸᬫᬳᬵᬫ᭄ᬧᬸ᭞ᬢᬶᬢ᭄ᬬᬂᬩᬗᭂᬢ᭄ᬜᬸᬓ᭄ᬱ᭄ᬫᬬᬂ᭞ᬭᬶᬂᬧᬲ᭄ᬯᬾᬘᬦ᭄᭞ᬇᬭᬢᬸᬦᬾᬩᬗᭂᬢ᭄ᬮᬸᬳᬸᬃ᭞ᬇᬦ᭄ᬤᬶᬓ᭄ᬘᬢᬸᬃᬕᬸᬭᬸᬢᬫ᭞ᬦᬾᬧᬢᬸᬢ᭄ᬩᬓ᭄ᬢᬶᬦᬶᬦ᭄ᬫᬫᬶ᭟ᬢᬶᬢ᭄ᬬᬂᬩᬗᭂᬢ᭄
ᬗᭂᬭᬱᬬᬂ᭞ᬤᬸᬄᬰ᭄ᬭᬶᬫ᭄ᬧᬸ᭞ᬭᬶᬂᬧᬲ᭄ᬯᬾᬘ᭄ᬙᬦ᭄ᬳᬶᬤᬵᬲᬫᬶ᭞ᬧᭂᬃᬢᬫᬭᬶᬂᬬᬬᬄᬳᬶᬩᬸ᭞ᬢᬦ᭄ᬮᬶᬬᬦ᭄ᬕᬸᬭᬸᬭᬸᬧᬓᬵ᭞ᬗᬸᬧᬤᬶᬢ᭄ᬣ᭞ᬲᬓᬶᬂᬳᬮᬶᬢ᭄ᬚᬦ᭄ᬢᭀᬲ᭄ᬮᬸᬳᬸᬃ᭞ᬧᬲ᭄ᬯᬾᬘᬦᬾᬢ
[᭓᭙ 39A]
ᬦ᭄ᬚᬗ᭄ᬓᬬᬦ᭄᭞ᬫᬶᬦᬵᬩ᭄ᬢᬦ᭄ᬲᬤᬵᬢᬯᬸᬭᬶᬦ᭄᭟ᬢᬍᬃᬫᬋᬧᬾᬭᬶᬂᬳᬶᬤᬵ᭞ᬦᬾᬓᬯᬸᬯᬸᬲ᭄᭞ᬕᬸᬭᬸᬧᬗᬚ᭄ᬬᬦ᭄ᬚᬢᬶ᭞ᬮᬾᬤᬂᬫᬶᬘᬬᬂᬓᬯ᭄ᬭᬸᬄ᭞ᬧᬩ᭄ᬬᬸᬯᬢᬦ᭄ᬦᬵᬯ᭄ᬯᬵᬫᬮᬵ᭞
ᬮᬦ᭄ᬅᬯᬶᬤ᭄ᬯᬵ᭞ᬦᬾᬤᬤᭀᬲ᭄ᬤᬲᬃᬧᬓᬾᬯᬸᬄ᭞ᬳᬧ᭄ᬢᬶᬦ᭄ᬢᬶᬢ᭄ᬬᬂᬫᬸᬕᬶᬲᬶᬤᬵ᭞ᬫᬗ᭄ᬕᬶᬄᬓᬦᬶᬃᬫᬮᬦ᭄ᬩᬸᬤ᭄ᬥᬶ᭟ᬮᬦ᭄ᬢᬸᬃᬭᬶᬂᬕᬸᬭᬸᬯᬶᬲᬾᬱ᭞ᬢᬮᭂᬃᬧᬢᬸᬢ᭄᭞ᬢᬶᬢ᭄ᬬᬂᬪᬓ᭄ᬢᬶᬮᬦ᭄ᬲᬸ
ᬢᬶᬦ᭄ᬤᬶᬄ᭞ᬭᬾᬄᬳᬶᬤᬫᬶᬸᬗᬩᬶᬄᬫᬗᭂᬫ᭄ᬧᬸ᭞ᬦᬾᬧᬢᬶᬲ᭄ᬯᬶᬱ᭄ᬡᬸᬫᬭᬕ᭞ᬫ᭄ᬭᬱᬢᬶ᭠ᬢ᭄ᬬᬂ᭞ᬢᬦ᭄ᬧᬢᬸᬢ᭄ᬫᬦᬸᬮᬓ᭄ᬢᬸᬤᬸᬄ᭞ᬤ᭄ᬬᬲ᭄ᬢᬸᬫᬗ᭄ᬕᬸᬄᬧᬢᬶᬩᬬᬵ᭞ᬪᬓ᭄ᬢᬶᬦᬾᬧᬘᬂᬫᬃᬕᬶᬦᬶᬦ᭄᭟
ᬧᬫᬸᬧᬸᬢ᭄ᬕᬸᬭᬸᬰ᭄ᬯᬥ᭄ᬬᬬᬵ᭞ᬦᬾᬫᬗᬸᬤᬸᬄ᭞ᬓᬦ᭄ᬘᬦ᭄ᬫᬳᬸᬭᬶᬧᬾᬲᬫᬶ᭞ᬧᬢᬸᬢ᭄ᬢᬶᬢ᭄ᬬᬂᬪᬓ᭄ᬢᬶᬦᬸᬮᬸᬲ᭄᭞ᬳᬸᬢᬂᬳᬶᬢᬸᬂᬩᬗᭂᬢ᭄ᬓᬢᬄ᭞ᬫᬓᬤᬶᬦ᭄ᬜ᭞ᬇᬤᬵᬮᬾᬤᬂᬫᬯᬾᬄᬳᬶ
Page:Bali-lontar-gaguritan-dharmma-prawreti-350ppi.pdf/39
This page has been proofread.
