This page has been proofread.
[ ᭑᭐ 10B]
᭑᭐᭞
ᬲᬶᬄᬳᬓᬮᬶᬲ᭄᭞ᬲᬦ᭄ᬢᬦᬦᬾᬓᬂᬤᬭᬶᬤ᭄ᬭ᭞ᬳᬗ᭄ᬭᬸᬲᬓ᭄ᬢᬢᬓᬂᬩ᭄ᬘᬶᬓ᭄᭞ᬫᬦᬲᬶᬓᬬᬾᬦ᭄ᬲᬂᬭᬢᬸ᭞ᬢᬦ᭄ᬳᬳ᭄ᬬᬦ᭄ᬭᬶᬂᬳᬸᬮᬄᬩ᭄ᬘᬶᬓ᭄
᭞ᬗ᭄ᬭᬸᬲᬓ᭄ᬧᬓ᭄ᬭᬢᬶᬦᬶᬂᬚᬦ᭄ᬫ᭞ᬭᬳᬶᬦᬯ᭄ᬗᬶᬗᬾᬢᬸᬂᬲᬸᬕᬶᬄ᭞ᬤᭂᬦ᭄ᬤᬦᬾᬢᬦ᭄ᬧᬢᬸᬢ᭄ᬥᬃᬫ᭄ᬫ᭞ᬤᬺᬯᬾᬲᬶᬂᬩ᭄ᬘᬶᬓ᭄ᬤᬾᬦ᭄ᬳᬫ᭄ᬩᬶᬮ᭄᭟ᬗᬕᬸᬲᬧᬓᬬ
ᬳᬶᬗ᭄ᬲᬸᬦ᭄᭞ᬢᬦ᭄ᬳᬾᬮᬶᬂᬭᬶᬂᬧ᭄ᬭᬬᬫᬢᬶ᭞ᬳᬤᭀᬄᬭᬶᬂᬳᬸᬮᬄᬲᬫ᭄ᬧᬸᬃᬡ᭄ᬦ᭞ᬳᭀᬮᬶᬳᬾᬳᬃᬣᬓᬂᬧᬶᬦ᭄ᬭᬶᬄ᭞ᬢᬦ᭄ᬳᬾᬢᬸᬂᬭᬸᬓᬶᬂᬯᬤ᭄ᬯ᭞ᬧᬸᬦᬶᬓᬲᬢ᭄ᬭᬸ
ᬦᬶᬂᬯᬶᬤ᭄ᬥᬶ᭟ᬯᬾᬦ᭄ᬢᭂᬦ᭄ᬫᬮᬶᬄᬳᬸᬮᬄᬢ᭄ᬮᬸ᭞ᬦᬾᬧᬢᬸᬢ᭄ᬭᬗ᭄ᬲᬸᬓ᭄ᬭᬶᬂᬩᬸᬤᬶ᭞ᬓᬧᬶᬲᬦᬾᬯᬶᬚᬬᬲ᭄ᬢ᭄ᬭ᭞ᬲᭀᬧᬤᬶᬦᬓᬧᬶᬂᬓᬮᬶᬄ᭞ᬧ᭄ᬭᬶᬂᬢ᭄ᬭᬶᬦᬕᬭ
[ ᭑᭑ 11A]
ᬚ᭄ᬜᬦ᭞ᬧᬧᬲ᭄ᬢᬾᬦ᭄ᬧ᭄ᬭᬢᬶᬗ᭄ᬓᬄᬩ᭄ᬘᬶᬓ᭄᭟ᬯᬶᬚᬬᬲ᭄ᬢ᭄ᬭᬯᬲ᭄ᬢᬦᬶᬧᬸᬦ᭄᭞ᬭᬢᬸᬓᬸᬓᬸᬄᬗ᭄ᬕᬯᬾᬩ᭄ᬘᬶᬓ᭄᭞ᬫᬗᬸᬮᬳᬂᬲᬫᬤᬦ᭞ᬳᬸᬦᬶᬂᬬᬦ᭄ᬲᬫᬶ
ᬗᬚ᭄ᬭᬶᬳᬶᬦ᭄᭞ᬗᬶᬘᬮᬂᬫᬦᬄᬓᬫᬸᬓ᭄ᬓᬦ᭄᭞ᬯᬶᬚᬶᬮᬾᬳᬭᬸᬫ᭄ᬫᬦᬶᬲ᭄᭞ᬲᬫ᭄ᬧᬸᬦ᭄ᬭᬫᬸᬤᬤᬸᬲᬸᬦ᭄᭞ᬮᬸᬮᬸᬢᬶᬂᬧᬡ᭄ᬤᬶᬢᬍᬯᬶᬄ᭞ᬳᬲᬶᬄᬭᬶᬂᬚᬦ᭄ᬫ
ᬫᬦ᭄ᬢᭂᬧ᭄ᬩᬸᬤᬶᬲᬘᬶ᭞ᬢᬦ᭄ᬳᬕᭂᬂᬯᭀᬓᬶᬂᬫᬲ᭄ᬳᬃᬣ᭞ᬯ᭄ᬭᬸᬄᬬᬾᬦ᭄ᬢᬦ᭄ᬩᬶᬦᬓ᭄ᬢᬫᬢᬶ᭞ᬫᬯᬾᬯᬾᬄᬢᬦ᭄ᬚᬶᬦᬮᬸᬓᬦ᭄᭞ᬗᬸᬦᬶᬗᬶᬯᭀᬂᬲᬦᬕᬭᬶ᭟ᬦᬕ
