[ ᭔᭔ 44B]
᭔᭔᭞
ᬲᬳᬶᬗᬫ᭄ᬧ᭄ᬭᬕ᭄ᬫᬦᭀᬕ᭄ᬤᭀᬕ᭄᭞ᬫᬫᬸᬭᬸᬂᬲᬤ᭄ᬬᬳᬸᬢ᭄ᬢᬫ᭞ᬦᬾᬦᬸᬤᬸᬄᬓᬲᬗ᭄ᬲᬭᬦ᭄᭞ᬲᬦᬾ ᬫᬯᬲ᭄ᬢᬲᬤ᭄ᬭᬶᬧᬸ᭞ᬧᬸᬦᬶᬓᬫᬸᬲᬸᬄᬲᬜᬢ
᭟ᬳᬮᬲ᭄ᬬᬯᬳᬸᬲᬲᬶᬓᬶ᭞ᬓᬮᬶᬄᬦᬶᬤ᭄ᬭᬢᬶᬕᬪᬬ᭞ᬭᬶᬂᬓᬧᬶᬂᬳᭂᬫ᭄ᬧᬢ᭄ᬢᬺᬱ᭄ᬡᬦᬾ᭞ᬧᬶᬮᬶᬮᬶᬸᬫᬧᬸᬦᬶᬓᬭᬕ᭞ᬧᬸᬧᬸᬢᬾᬫᬯᬲ᭄ᬢᬲᬤ᭄᭞ᬤ᭄ᬯᬾ
ᬲᬦᬾᬓᬧᬶᬂᬦᭂᬫ᭄ᬳᬶᬧᬸᬦ᭄᭞ᬦᬗ᭄ᬳᬶᬂᬓᬭᬶᬩᬲᬮᬯ᭄ᬲ᭄᭟ᬬᬦ᭄ᬭᬶᬂᬩᬲᬢᬸᬭᬄᬫᬗ᭄ᬓᬶᬦ᭄᭞ᬮᬲ᭄ᬬᬫᬬᬸᬲ᭄ᬢᬸᬦ᭄ᬫᬦᬄ᭞ᬦᬶᬤ᭄ᬭᬦᬾᬩ᭄ᬯᬢ᭄ᬓᬮᬮᬾᬦ᭄᭞ᬪᬬ
ᬦᬾᬢᬓᬸᬢ᭄ᬕ᭄ᬭᬶᬂᬕᬶᬗᬦ᭄᭞ᬢᬺᬱ᭄ᬡᬩ᭄ᬯᬢ᭄ᬓᬭᬓᭂᬢᬦ᭄᭞ᬭᬕᬦᬾᬤ᭄ᬫᭂᬦ᭄ᬳᬸᬮᬗᬸᬦ᭄᭞ᬤ᭄ᬯᬾᬲᬦᬾᬩ᭄ᬯᬢ᭄ᬳᬾᬮᬶᬓᬦ᭄᭟ᬬᬦ᭄ᬧᬸᬦᬶᬓᬤᬸᬭᬸᬂᬩ᭄ᬘᬶ
[ ᭔᭕ 45A]
ᬓ᭄ᬳᬸᬗ᭄ᬕᬸᬳᬸᬗ᭄ᬕ᭄ᬯᬦᬾᬭᬶᬂᬫᬦᬄ᭞ᬬᬾᬦ᭄ᬢᭂᬳᭂᬃᬳᬶᬯᬂᬢᬢᬫ᭄ᬧᬾᬦ᭄᭞ᬧᬓᬤᬶᬳᬶᬯᬂᬢᬺᬩᬓᬦ᭄᭞ᬕ᭄ᬮᬶᬲ᭄ᬬᬫᬢᬸᬧ᭄ᬢᬸᬧᬦ᭄᭞ᬧᬩᬮᬶᬓᬾᬤᬤᬶᬫᬸᬲᬸᬄ᭞ᬧᬗ᭄ᬮ
ᬭᬕᬾᬲᬫᬶᬓ᭄ᬭᬲ᭄᭟ᬫᬗ᭄ᬤᬧᬢᭂᬄᬫᬓᬲᬫᬶ᭞ᬭᬶᬂᬳᬲᬶᬓᬶᬦᬾᬫᬢᬸᬗ᭄ᬓᬲ᭄᭞ᬬᬓ᭄ᬢᬶᬓᬾᬯᭂᬄᬗᬫᭂᬮ᭄ᬩᬾᬦ᭄ᬢᬾᬂ᭞ᬫ᭄ᬭᬗᬶᬦ᭄ᬬᬦ᭄ᬓᬭᬶᬢᬳ᭞ᬢᬢᬲ᭄ᬩᬾ
ᬦ᭄ᬢᬾᬗᬾᬩ᭄ᬤᬄ᭞ᬬᬾᬦ᭄ᬲᬚᬢᬶᬚᬢᬶᬧᬸᬭᬸᬦ᭄᭞ᬫ᭄ᬦᬂᬭᬾᬄᬫᬸᬮᬦᭂᬫ᭄ᬧᬸᬭᬂ᭟ᬧᬸᬦᬶᬓᬧᬶᬦᭂᬳᬶᬦ᭄ᬲᬳᬶ᭞ᬲᬫ᭄ᬧᬸᬦ᭄ᬲᬮᬄᬋᬋᬲᭂᬧᬦ᭄᭞ᬲᬫᬶᬓᬸᬢᬂᬲᬫᬶ
ᬳᬗ᭄ᬕᬾ᭞ᬢᬶᬗ᭄ᬓᬳᬾᬭᬶᬂᬫᬤ᭄ᬬᬧᬤ᭞ᬲᬫ᭄ᬧᬸᬦ᭄ᬓᬸᬭᬂᬢᬭᬕ᭄ᬬ᭞ᬫᬫᬶᬮᬶᬳᬾᬫᬗ᭄ᬤᬾᬦ᭄ᬢ᭄ᬭᬂ᭟ᬧᬦᬸᬚᬸᬦᬾᬫᬗ᭄ᬤᬾᬦ᭄ᬩ᭄ᬘᬶᬓ᭄᭞ᬧᬫᬸᬓᬸᬮᬾᬲᬫ᭄ᬧᬸᬦ᭄ᬕ
Page:Bali-lontar-gaguritan-dharmma-sasana-350ppi.pdf/45
This page has been proofread.
