[᭙ 9B]
᭙
ᬦᬶᬂᬧᬯᬭᬄᬧᬯᬭᬄᬳᬶᬤᬳ᭄ᬬᬂᬩᬸᬤ᭄ᬥ᭞ᬓᬧ᭄ᬭᬓ᭄ᬱᬭᬶᬂᬩᬧᬗᬹᬦᬶ᭞ᬫᬗ᭄ᬤᬓᬧᬲ᭄ᬭᬄᬭᬶᬂᬘ᭄ᬦᬶᬗ᭄᭞ᬲᬲᬸᬩᬦ᭄ᬘ᭄ᬦᬶᬂᬗᬾᬤᬸᬯᬸᬃ᭞ᬘ᭄ᬦᬶᬂᬚᬦᬶᬲᬸᬩᬯᬬᬄ᭞ᬜᬦ᭄ᬤᬂᬦᬾᬚᬵ
ᬦᬳᬶᬢᬸᬗᬶᬦ᭄᭞ᬢᬸᬢᬹᬃᬳᬬᬸ᭞ᬬᬦ᭄ᬓᬾᬩᬶᬱᬫᬜᬸᬲᬸᬧᬂ᭟᭒᭟ᬦᬾᬫᬤᬦ᭄ᬥᬃᬫ᭄ᬫᬧᬥ᭞ᬫᬃᬕ᭄ᬕᬶᬚᬵᬢᬶᬢ᭄ᬯᬄᬳᬩᭂᬲᬶᬓ᭄ᬦᬾᬜᬦ᭄ᬤᬂᬢᬸᬯᬸᬢ᭄ᬢᬢᬲᬂ
᭞ᬢᬼᬩᬂᬓ᭄ᬦᭂᬳᬂᬲᬳᬶ᭞ᬕᬸᬮᬶᬕᬸᬮᬶᬬᬕᬮᬶᬳᬶᬦ᭄᭞ᬗᬦ᭄ᬢᬶᬬᬫᬓ᭄ᬩᬶᬢ᭄ᬢᭂᬧᬸᬓ᭄᭞ᬫᬃᬕ᭄ᬕᬩᭂᬦᭂᬂᬕᬮᬂᬳᬧᬤᬂ᭞ᬬᬾᬦᬵᬓᬾᬲᬸᬩᬳᭂᬦ᭄ᬢᬲᬶᬦ᭄᭞ᬳᬧᬦ᭄ᬲᬸᬯᬸᬂ᭞
ᬯᬶᬭᬾᬄᬳᬭᬂᬳᬦᬓ᭄ᬦᬯᬂ᭟᭓᭟ᬫᬃᬕ᭄ᬕᬦᬸᬚᬸᬓᬍᬧᬲᬦ᭄᭞ᬧᬗᬯᬶᬢᬾᬲᬸᬓᬶᬮ᭄ᬧᬗ᭄ᬕᬶᬄ᭞ᬓᬓᬸᬓᬸᬩ᭄ᬩᬵᬦ᭄ᬮᬶᬫᬸᬢ᭄ᬩᬶᬂᬩᬂ᭞ᬲᬬᬂᬗᬸᬢᬂᬦᬾᬢᬶᬦ᭄ᬤᬶ
[᭑᭐ 10A]
ᬳᬶᬦ᭄᭞ᬦᬾᬓᭂᬝᬵᬄᬳᬭᬦᬶᬦ᭄ᬩᭂᬘᬶᬓ᭄᭞ᬳᭂᬦ᭄ᬢᭀᬓ᭄ᬭᬦᬢ᭄ᬯᬭᬧᬬᬸᬦᬸᬭᬸᬢ᭄ᬮᬶᬫᬸᬢᬾᬳᬓᬩᬂ᭞ᬧᬫᭂᬮᬢ᭄ᬫᬃᬕ᭄ᬕᬲᭂᬧᬶ᭞ᬲᬚᬲᬸᬯᬸᬂ᭞ᬳᬧᬦ᭄ᬮᬗᬄᬳ
ᬦᬓ᭄ᬫᭂᬦ᭄ᬢᬲ᭄᭟᭔᭟ᬦᬾᬚᬦᬶᬫ᭄ᬮᬳᬂᬋᬱᭂᬧᬂ᭞ᬧᬶᬤᬃᬣᬦ᭄ᬲᬩ᭄ᬤᬦᬾᬍᬯᬶᬄ᭞ᬬᬾᬦ᭄ᬢᬸᬯᬭᬩᬓᬢ᭄ᬓ᭄ᬘᬧᬂ᭞ᬚᬦ᭄ᬢᭂᬦ᭄ᬢᬦ᭄ᬓᬋᬲᭂᬧ᭄ᬩᬵᬦ᭄ᬘᭂᬦᬶᬂ᭞ᬳᬧᬦ᭄ᬢᬦ᭄ᬳᬤᬯᭀᬂ
ᬰᬓ᭄ᬢᬶ᭞ᬯᬶᬓᬦ᭄ᬫᬗᬩᬭᬂᬇᬓᬸ᭞ᬬᬤ᭄ᬬᬧᬶᬦ᭄ᬫᬦᬸᬢᬸᬭᬂ᭞ᬓᬤᬶᬭᬱᬦ᭄ᬕᬸᬮᬫᬦᬶᬲ᭄᭞ᬜᬾᬦ᭄ᬢᭀᬢᬳᬸ᭞ᬬᬾᬦ᭄ᬢᬦ᭄ᬲᬶᬮᬧᬶᬦ᭄ᬓᭂᬘᬧᬂ᭟᭕᭟ᬦᬾᬤᬤᬶᬤᬲᬭᬶᬂᬫᬃᬕ᭄ᬕ᭞ᬳᭂ
ᬦ᭄ᬢᭀᬫᬮᬸᬲᬫᬵᬥᬶᬦᬶᬦ᭄᭞ᬲᬸᬲᬸᬧ᭄ᬳᬮᬶᬄᬳᬧᬂᬢᬯᬂ᭞ᬫᬗ᭄ᬤᬾᬦ᭄ᬜᬲᬶᬦᬄᬭᬶᬂᬘ᭄ᬦᬶᬂ᭞ᬳᭂᬜᬾᬦ᭄ᬢᭀᬚᬢᬶᬦ᭄ᬦᬾᬘ᭄ᬦᬶᬂ᭞ᬦᬾᬓᬳᬓ᭄ᬯᬶᬦ᭄ᬳᬭᬦ᭄ᬳᬶᬓᬸ᭞ᬫᬓ᭄ᬚᬂᬢᬕᬶᬄ
Page:Bali-lontar-gaguritan-dharmmapada-350ppi.pdf/10
This page has been proofread.
