[᭑᭑ 11B]
᭑᭑
ᬮ᭄ᬘᭂᬦᬶᬂ᭞ᬓᬵᬮᬩᬶᬗᬸᬂ᭞ᬧᭂᬤᬲ᭄ᬧᬘᬂᬫᬮᬶᬧᭂᬢᬦ᭄᭟᭑᭐᭟ᬬᬾᬦ᭄ᬘ᭄ᬦᬶᬂᬗᬗ᭄ᬓ᭄ᬭᬕ᭄ᬤᬶᬚᬮᬦ᭄᭞ᬳ᭄ᬤᬵᬜᭂᬦ᭄ᬫᬦᭀᬮᬶᬄᬓᬸᬭᬶ᭞ᬋᬕᭂᬧᬂᬦᭂᬗᬂᬫ᭄ᬮᬳᬂ᭞ᬤᬵᬦᬶ
ᬗᭂᬄᬗᬤᭂᬓ᭄ᬦᬶᬗᬮᬶᬦ᭄᭞ᬤᬾᬯᬾᬓᬾᬤᬼᬂᬇᬗᭂᬢᬶᬦ᭄᭞ᬰᬸᬦ᭄ᬬ᭄ᬦᬦᬾᬕᬼᬗᬂᬢᬸᬚᬸ᭞ᬬᬾᬦᬶᬂᬘ᭄ᬦᬶᬂᬫᬢᭀᬮᬶᬳᬦ᭄᭞ᬚᬦ᭄ᬢᭂᬦ᭄ᬭᬯᬶᬢ᭄ᬦᬾᬢᬶᬗ᭄ᬳᬮᬶᬦ᭄᭞ᬭᬾ
ᬳ᭄ᬢᬦ᭄ᬯᬸᬭᬸᬂ᭞ᬘ᭄ᬦᬶᬂᬓᬮᬗᭂᬦ᭄ᬫᬮᬶᬧᭂᬢᬦ᭄᭟᭑᭑᭟ᬤᬵᬧᭂᬲᬦ᭄ᬳᭂᬗ᭄ᬲᬧ᭄ᬢᭂᬓᬾᬦ᭄ᬳᬯᬓ᭄᭞ᬳᬶᬗᭂᬢᬂᬳᬯᬓᬾ ᬲᬳᬶ᭞ᬫᬗ᭄ᬤᬾᬦ᭄ᬜᬵᬲᬶᬦᬄᬫᬮᬯᬢ᭄᭞ᬲ
ᬧᬭᬶᬧᭀᬮᬄᬢᬶᬗ᭄ᬳᬮᬶᬦ᭄᭞ᬳᬧᬂᬲᬶᬤ᭄ᬥᬩᬵᬦ᭄ᬗᬶᬗᭂᬢᬶᬦ᭄᭞ᬓᬤᬶᬕᬕᬫ᭄ᬩᬭᬦ᭄ᬳᬶᬤᬸᬧ᭄᭞ᬘᬶᬢ᭄ᬢᬮᬓ᭄ᬱᬡᬵᬢ᭄ᬯᬶᬦ᭄ᬧᭀᬮᬄ᭞ᬚᬼᬫᭂᬮᬄᬢ᭄ᬭᬂᬢᬶ
[᭑᭒ 12A]
ᬗᬮᬶᬦ᭄᭞ᬓᬾᬢᭀᬢᬸᬳᬸ᭞ᬘᬭᬦᬾᬦᬸᬭᬾᬓ᭄ᬱᬳᬯᬓ᭄᭟᭑᭒᭟ᬬᬾᬦ᭄ᬲᬸᬩᬫᬓ᭄ᬚᬂᬲᬶᬦᬳ᭄᭞ᬘᬘᬤ᭄ᬍᬢᭂᬄᬚ᭄ᬮᬾᬦᬾᬲᬫᬶ᭞ᬚᬦᬶᬧᬢᬹᬢ᭄ᬬᬤᬩ᭄ᬤ
ᬩᬂ᭞ᬫᬗ᭄ᬭᬾᬓᬳᬦᬾᬩᭂᬘᬶᬓ᭄᭞ᬳᭂᬜ᭄ᬘᬾᬦ᭄ᬓᬸᬢᬂᬜ᭄ᬘᬾᬦ᭄ᬧᬸᬗ᭄ᬕᭂᬮᬶᬦ᭄᭞ᬜ᭄ᬘᬾᬦ᭄ᬳᬦᬾᬜᬦ᭄ᬤᬂᬧᬸᬧᬸ᭞ᬳᬗ᭄ᬕᬾᬦ᭄ᬧᬬᬲᬦ᭄ᬕᬫ᭄ᬩᬭᬦ᭄᭞ᬫ᭄ᬮᬳᬦᬕ᭄ᬫᬶᬮᬶᬄᬫᬶ
ᬮᬶᬳᬶᬦ᭄᭞ᬧᬂᬤᬵᬓᬵᬧᬸᬲ᭄᭞ᬳᬲᬶᬂᬚᬳᭂᬦ᭄ᬓᬤᬾᬦ᭄ᬫᭂᬮᬄ᭟᭑᭓᭟ᬫᬗ᭄ᬤᬾᬦ᭄ᬳᬯᬲ᭄ᬗᭂᬫ᭄ᬩᬦ᭄ᬳᬯᬓ᭄᭞ᬓᬤᬶᬗᭂᬫ᭄ᬧᬸᬯᬦᬓ᭄ᬳᬮᬶᬢ᭄᭞ᬓᬮᬳᬶᬦ᭄ᬬ
ᬗ᭄ᬳᬶᬂᬲᬬᬗᬂ᭞ᬤᬵᬜᬓ᭄ᬗᬮᬄᬩᬵᬦ᭄ᬳᭂᬮᬶᬂ᭞ᬮᬕᬸᬢ᭄ᬲᬶᬥᬩᬵᬦ᭄ᬗᬸᬮᬸᬭᬶᬦ᭄᭞ᬘ᭄ᬦᬶᬂᬮᬯᬸᬢ᭄ᬗᬮᬶᬄᬳᬮᬸᬄ᭞ᬢᬓᬸᬢ᭄ᬫᬓᬺᬱᬶᬦ᭄ᬳᬯᬓ᭄᭞ᬓᬤᬾᬦ᭄ᬢᭀ
Page:Bali-lontar-gaguritan-dharmmapada-350ppi.pdf/12
This page has been proofread.
