[᭑᭙ 19 B]
᭑᭙
ᬧᬂᬓᬾᬢᭀᬢᬶᬗ᭄ᬓᬳᬾᬘ᭄ᬦᬶᬂ᭞ᬳᬋᬧᬾᬓᬾᬦ᭄ᬲᬃᬯ᭄ᬯᬳᬶᬤᬸᬧ᭄᭞ᬳᭂᬤᬵᬘ᭄ᬦᬶᬂᬓᬸᬫᬘᬘᬤ᭄᭞ᬳᬚᬸᬫᬾᬜᬓᬶᬢᬶᬦ᭄ᬳᬢᬶ᭞ᬢᭀᬢ᭄ᬯᬶᬩᬶᬗᬸᬂ᭞ᬲᬜ᭄ᬚᬦᬾᬓᬤᬾ
ᬦ᭄ᬲᭂᬫᭂᬗᬦ᭄᭟᭔᭓᭟ᬲᬗ᭄ᬓᬦ᭄ᬘᭂᬦᬶᬂᬭᬶᬓᬸᬄᬧᭂᬲᬦ᭄᭞ᬚ᭄ᬮᬧ᭄ᬤᬾᬯᬾᬓᬾᬳᬗᬲᬦᬶᬦ᭄᭞ᬢᬮᬶᬦᬶᬦ᭄ᬓᬺᬢᬂᬧᭂᬲᬦ᭄᭞ᬓᬦ᭄ᬢᬶᬘ᭄ᬦᬶᬂᬓᬲᬓᬶᬢ᭄ᬲᬓᬶᬢ᭄᭞ᬗᬸ
ᬤ᭄ᬬᬂᬢᭀᬢᬓᬸᬗᭂᬫ᭄ᬩᬸᬲᬶᬦ᭄᭞ᬧᬦ᭄ᬕᬸᬮᬦ᭄ᬤᬾᬯᬾᬓᬾᬮ᭄ᬬᬸ᭞ᬓᬤᬾᬦ᭄ᬘᭂᬦᬶᬂᬳᭂᬦ᭄ᬢᭀᬜᬳᭂᬢᬂ᭞ᬲᬗ᭄ᬓᬦ᭄ᬭᬶᬓᬸᬄᬩᬸᬓᬚᬦᬶ᭞ᬗᬸᬤ᭄ᬬᬂᬜᬸᬦᬹᬢ᭄᭞ᬬᬾᬦᬶᬂᬳᬤᬫᬃᬕ᭄ᬕ
ᬚᬶᬫ᭄ᬩᬃ᭟᭔᭔᭟ᬬᬾᬦ᭄ᬘ᭄ᬦᬶᬂᬧᬗ᭄ᬕᬶᬄᬤᬶᬚᬮᬦ᭄᭞ᬭᬶᬬᬦᬓᬾᬲᬵᬫ᭄ᬧᬸᬦ᭄ᬳᬾᬮᬶᬂ᭞ᬢᭀᬤᭂᬲᭂᬓ᭄ᬩᬋᬂᬫᬚᬮᬦ᭄᭞ᬳᬕᭂᬢ᭄ᬬᬧᬚᬮᬦ᭄ᬘ᭄ᬦᬶᬂ᭞ᬬᬾᬦᬾ
[᭒᭐ 20 A]
ᬫᭀᬫᭀᬧᬗ᭄ᬕᬶᬳᬶᬦ᭄᭞ᬕᬼᬗᬂᬫᬚᬮᬦ᭄ᬢ᭄ᬭᬸᬲ᭄᭞ᬤᬵᬬᬦᭂᬫᬶᬦᬫᬓᬡ᭄ᬥᬵ᭞ᬯᬦ᭄ᬢᬄᬧᬢᬶᬗᭂᬢ᭄ᬓᬧᬢᬶᬦ᭄᭞ᬬᬾᬦ᭄ᬕᬸᬫᬸᬬᬸ᭞ᬓ᭄ᬮ᭄ᬬᭂᬗᬶᬦ᭄ᬕ᭄ᬤᬶᬦᬶᬦ᭄ᬳᬾ
ᬗ᭄ᬕᬮ᭄᭟᭔᭕᭟ᬳᬦᬓ᭄ᬮ᭄ᬬᬸᬳᬤᬕᭀᬮᭀᬗᬦ᭄᭞ᬧᬥᬗᬓᬸᬗᬫᭀᬂᬚᬵᬢᬶ᭞ᬗᬓᬸᬧᬤᬶᬤ᭄ᬬᬦᬫ᭄ᬮᬄ᭞ᬕ᭄ᬮᬄᬳᬦᬓᬾᬪᭀᬬᬦᬶᬦ᭄᭞ᬳᭂᬦ᭄ᬢᭀᬦᬗᬸ
ᬦ᭄ᬭᬸᬦ᭄ᬢᬶᬓ᭄ᬲᬳᬶ᭞ᬩᬳᬦ᭄ᬲᬸᬚᬢᬶᬦᬾᬩᬶᬗᬸᬂ᭞ᬬᬾᬦᬶᬂᬘ᭄ᬦᬶᬂᬢ᭄ᬯᬭᬦᬯᬂ᭞ᬦᬾᬚᬵᬢᬶᬲᬸᬚᬵᬢᬶ᭞ᬢ᭄ᬯᬄᬳᬳᬸᬓᬸᬤ᭄᭞ᬢᬦ᭄ᬲᬸᬚᬵᬢᬶᬬᬗᭀᬮᭀᬗᬦ᭄
᭟᭔᭖᭟ᬳᭂᬦ᭄ᬢᭀᬓᬾᬫ᭄ᬮᬳᬂᬗᬯᬲᬂ᭞ᬧᬂᬘ᭄ᬦᬶᬂᬤᬵᬫᬶᬮᬸᬧᬮᬶᬂ᭞ᬬᬾᬦ᭄ᬘ᭄ᬦᬶᬂᬦᬗᬸᬦ᭄ᬕᭀᬮᭀᬗᬦ᭄᭞ᬳᬗ᭄ᬕᬾᬦ᭄ᬫᬗᭂᬓᭂᬃᬦᬾᬚᬵᬢᬶ᭞ᬲᬚ᭄ᬭᭀᬦᬶᬂᬕᭀᬮᭀ
Page:Bali-lontar-gaguritan-dharmmapada-350ppi.pdf/20
This page has been proofread.
