[᭒᭗ 27 B]
᭒᭗
ᬦᬸᬱᬳᬶᬓᬸ᭞ᬢᬦ᭄ᬳᬦᬪᬾᬤᬦᬶᬂᬭᬹᬧ᭞ᬓᬸᬮᬶᬢ᭄ᬥᬕᬶᬂ᭞ᬢᬸᬮᬂᬲᬸᬫ᭄ᬲᬸᬫ᭄ᬲᬫᬶᬧᬢᬸᬄ᭞ᬬᬤ᭄ᬬᬧᬶᬦ᭄ᬭᬫ᭄ᬩᬸᬢ᭄ᬮᬦ᭄ᬦᬓᬲᬫ᭄ᬬᬦ᭄ᬫᬮᬓᬃᬢᬸᬗ᭄ᬕᬮ᭄᭟᭓᭑᭟ᬲᬗ᭄ᬓᬦ᭄ᬗ
ᬓᬸᬭᬕᬮ᭄ᬬᬦ᭄᭞ᬚᬦ᭄ᬢᭂᬦ᭄ᬯᬾᬦ᭄ᬢᭂᬦ᭄᭞ᬧ᭄ᬭᬘᬶᬭᬶᬧᬘᬂᬢᬶᬦ᭄ᬤᬶᬳᬶᬦ᭄᭞ᬳᬧᬦ᭄ᬭᬶᬂᬭᬹᬧᬚ᭄ᬯᬧᬢᬸᬄ᭞ᬰᬯᬦᬾᬫᬮᬓᬃᬢᬸᬗ᭄ᬕᬮ᭄᭞ᬚᬦ᭄ᬢᭂᬦ᭄ᬩᬸᬥᬶ᭞ᬮᬓ᭄ᬱᬡᬵᬗ᭄ᬕᬾᬦ᭄ᬫ
ᬗᬸᬓᬸᬃ᭞ᬜ᭄ᬮᬶᬓ᭄ᬦᬾᬮ᭄ᬯᬶᬄᬮᬦ᭄ᬦᬶᬱ᭄ᬝᬵ᭞ᬳᭂᬜ᭄ᬘᬾᬦ᭄ᬩ᭄ᬭᬳ᭄ᬫᬵᬡᬳᭂᬜ᭄ᬘᬾᬦ᭄ᬢᬸᬲᬶᬂ᭟᭓᭒᭟ᬢ᭄ᬯᬶᬩ᭄ᬭᬳ᭄ᬫᬵᬡᬮ᭄ᬯᬶᬃᬦ᭄ᬬᬲᬹᬃᬬ᭄ᬬ,ᬫᬦ᭄ᬭᬗᬶᬦ᭄᭞ᬫᬢᬸᬚᬸᬳᬶᬦ᭄᭞ᬦᬾᬲᬸᬚᬵᬢᬶ
᭞ᬩ᭄ᬭᬳ᭄ᬫᬵᬡᬳᬶᬓᬯᭀᬂᬧᬸᬢᬸᬲ᭄᭞ᬮᬗ᭄ᬕᭂᬂᬲᬫᬺᬢ᭄ᬢᬶᬢᬧᬩ᭄ᬭᬢ᭞ᬫᬗᭂᬢᬶᬲᬶᬦ᭄᭞ᬲᬢᬢᬫᬗᬯᬾᬳᬬᬸ᭞ᬢᬢᬲ᭄ᬭᬶᬂᬤᬕᬶᬂᬢ᭄ᬭᬶᬯᬾᬤ᭄ᬥ᭞ᬦᬶᬗ᭄ᬕᬮ᭄ᬲᬸᬓᬳ᭄ᬦᬶᬂ
[᭒᭘ 28 A]
ᬳ᭄ᬦᬶᬂ᭟᭓᭓᭟ᬢᬢᬲ᭄ᬭᬶᬂᬫᬃᬕ᭄ᬕᬦᬾᬢᬸᬗ᭄ᬕᬮ᭄᭞ᬮᬸᬧᬸᬢ᭄ᬫᬭᬶᬂᬫᭀᬫᭀᬫᬹᬃᬓ᭄ᬓᬳᬶᬭᬶᬳᬢᬶ᭞ᬢᬦ᭄ᬲᬄᬗᬾᬃᬢᬶᬦᬶᬦ᭄ᬭᬳᬬᬸ᭞ᬢ᭄ᬯᬭᬗᬶᬢᬸᬂᬧᬤᬾᬯᬾᬓᬦ᭄᭞ᬫᬜᬸ
ᬮᬸᬳᬶᬦ᭄᭞ᬢ᭄ᬯᬭᬗᬾᬢᬂᬳᬡ᭄ᬥᬧ᭄ᬮᬸᬳᬸᬃ᭞ᬚ᭄ᬮᬾᬫ᭄ᬮᬄᬲᬫ᭄ᬧᬸᬦ᭄ᬢᬸᬗ᭄ᬕᬮ᭄ᬯᬦ᭄ᬢᬄᬦᬾᬚᬵᬢᬶᬢᬶᬦ᭄ᬤᬶᬳᬶᬦ᭄᭟᭓᭔᭟ᬬᬾᬓᬵᬢ᭄ᬯᬶᬳᬭᬦ᭄ᬩ᭄ᬭᬳ᭄ᬫᬵᬡ᭞ᬦᭀᬭᬮ᭄ᬬᬦ᭄
᭞ᬲᬗ᭄ᬓᬦ᭄ᬚ᭄ᬯᬓᬵᬭᬦᬶᬦ᭄ᬍᬯᬶᬄ᭞ᬳᬦ᭄ᬢᬸᬓ᭄ᬮᬓ᭄ᬱᬡᬦᬾᬮᬸᬯᬸᬃ᭞ᬳᬶᬓᬢ᭄ᬯᬶᬗᬯᬶᬦᬂᬪᬾᬤ᭞ᬳᬶᬓᬘᬶᬭᬶ᭞ᬗ᭄ᬕᬾᬦ᭄ᬗᬶᬗᭂᬢᬶᬦ᭄ᬲᬫᬳᬶᬤᬸᬧ᭄᭞ᬢᬦ᭄ᬬᬸᬓ᭄ᬢᬶᬲᬓᬶᬂᬢᬸᬭᬸ
ᬦᬦ᭄᭞ᬯᬯᬸᬍᬓᬤ᭄ᬲᬫ᭄ᬧᬸᬦ᭄ᬍᬯᬶᬄ᭟᭓᭕᭟ᬢᬍᬃᬢᬦ᭄ᬲᬓᬶᬂᬧᬍᬓᬤᬦ᭄᭞ᬚᬤ᭄ᬫᬵᬳᬶᬓ᭞ᬧᬵᬢᬹᬢ᭄ᬦᬶᬱ᭄ᬝᬵᬓᬵᬤᬦᬶᬦ᭄᭞ᬩ᭄ᬯᬶᬦ᭄ᬳᬤᬚ᭄ᬯᬵᬗ᭄ᬕᬾᬦ᭄ᬗᬸᬓᬸᬭ᭄᭞
Page:Bali-lontar-gaguritan-dharmmapada-350ppi.pdf/28
This page has been proofread.
