[᭓᭕ 35 B]
᭓᭕
ᬲᬗ᭄ᬓᬦ᭄ᬳᬶᬢᬸᬂ᭞ᬢᬸᬬᬸᬳᬾᬫᬨᬮᬧᬸᬬᬸᬂ᭞ᬫᬺᬱᬄᬧᭂᬢᭂᬂᬍᬫᬄ᭞ᬦᬸᬢᬸᬕ᭄ᬓᬲᬸᬓᬦ᭄ᬫᬮᬳᬶᬩ᭄᭞ᬢᬸᬗ᭄ᬕᬮ᭄ᬢᭂᬧᬸᬓ᭄᭞ᬩᭀᬬᬦᬶᬦ᭄ᬤᭀᬂᬢᭀᬦᬾᬳᬸᬮᬄ᭟᭐᭟
ᬧᬸᬧᬸᬄᬕᬶᬦᬤ᭟᭑᭟ᬬᬾᬦ᭄ᬘᭂᬦᬶᬂᬫᬼᬤ᭄ᬧᬂᬦᬯᬂ᭞ᬦᬾᬚᬵᬢᬶᬳᬭᬦ᭄ᬲᬸᬚᬵᬢᬶ᭞ᬧᬸᬭᬸᬦ᭄ᬓᬾᬘ᭄ᬦᬶᬂᬦᬼᬩᬂ᭞ᬜᬚᬄᬫᬜᬸᬲᬸᬧ᭄ᬭᬶᬂᬓᬳ᭄ᬬᬸᬦ᭄᭞ᬗ᭄ᬭᬲ
ᬬᬂᬦᬾᬧᬧᭀᬮᭀᬲᬦ᭄᭞ᬫᬜᬶᬘᬶᬧᬶᬦ᭄᭞ᬗ᭄ᬘᬧᬂᬦᬾᬢᬦ᭄ᬧᬭᬱᬵ᭟᭒᭟ᬢ᭄ᬯᬶᬬᬸᬓ᭄ᬢᬶᬳᬩᭀᬢ᭄ᬧᬶᬲᬦ᭄᭞ᬗ᭄ᬘᬧᬂᬦᬾᬢᬸᬳᬸᬬᬸᬓ᭄ᬢᬶ᭞ᬚᬵᬢᬶᬫᬩᬦᬶᬩᬦᬶᬬᬦ᭄
ᬗᬶᬗᭂᬢᬶᬦ᭄ᬦᬾᬚᬵᬢᬶᬢᬸᬳᬸ᭞ᬩᬵᬦ᭄ᬓᭂᬢᬄᬫᬧᬸᬲ᭄ᬳᬧᬸᬲᬦ᭄᭞ᬲᬮᬶᬂᬓ᭄ᬮᬶᬤᬶᬦ᭄᭞ᬦᬾᬬᬸᬓ᭄ᬢᬶᬢᭀᬂᬧᬸᬭᬸᬦ᭄ᬦᬶᬗ᭄ᬕᬮ᭄᭟᭓᭟ᬓᬤᬸᬗ᭄ᬓᬾᬳᬶᬧ᭄ᬬᬦᬾᬫ᭄ᬮᬄ᭞ᬫᬵᬤᭂᬕ᭄ᬳ
[᭓᭖ 36 A]
ᬕᬸᬂᬜᬓᬺᬯᬺᬢ᭄ᬢᬶ᭞ᬳᬾᬫᬦ᭄ᬲᬚᬬᬦ᭄ᬢᬗ᭄ᬳ᭄ᬬᬂ᭞ᬳᬤᬬᬦ᭄ᬲᬶᬄᬧᬸᬍᬲ᭄ᬢᭂᬭᬸᬲ᭄᭞ᬳᬧᬦ᭄ᬬᬾᬦ᭄ᬩᬗᬸᬦ᭄ᬓᬢᬶᬗ᭄ᬳᬮ᭄᭞ᬦᬾᬲᬸᬚᬵᬢᬶ᭞ᬦᬶᬱ᭄ᬝᬢᬶᬯᬲ᭄ᬩᬵᬦ᭄ᬓᬮᬭ
ᬦ᭄᭟᭔᭟ᬗ᭄ᬳᬶᬂᬬᬦ᭄ᬫᭂᬍᬤ᭄ᬚᬵᬢᬶᬧᬂᬦᬯᬂ᭞ᬳ᭄ᬤᬘ᭄ᬦᬶᬂᬗᬧᬸᬲ᭄ᬤᬶᬭᬶ᭞ᬫᬗ᭄ᬤᬾᬦ᭄ᬢᬦ᭄ᬢᬶᬦ᭄ᬥᬶᬄᬭᬶᬂᬫᬬᬵ᭞ᬢᭀᬫᬗ᭄ᬮᬶᬧᬸᬢ᭄ᬗᬯᬾᬩᬶᬗᬸᬂ᭞ᬗᬯᬾᬳᬲ᭄ᬭᬶᬧᬧᬸᬮᬲᬦ᭄᭞
ᬬᬾᬦ᭄ᬳᬸᬗ᭄ᬓᬩᬶᬦ᭄᭞ᬦᬾᬚᬵᬢᬶᬧᭀᬮᭀᬲ᭄ᬓᬢᬶᬗ᭄ᬕᬮ᭄᭟᭕᭟ᬚᬮᬦ᭄ᬓᬾᬚᬦᬶᬤᬩ᭄ᬤᬩᬂ᭞ᬭ᭄ᬕᭂᬧᬂᬘ᭄ᬦᬶᬂᬫᬮᬶᬗ᭄ᬕᬶᬄ᭞ᬭᬾᬭᬾᬦᬂᬫᬮᬸᬫᬜᬶᬧ᭄ᬢ᭞ᬫᬗ᭄ᬤᬾᬦ᭄ᬳᭂᬦᭂᬂ
ᬚ᭄ᬭᭀᬦᬶᬂᬓᬬᬸᬦ᭄᭞ᬢ᭄ᬯᬄᬮᭀᬓᬶᬓᬧᬭᬶᬫᬡᬵ᭞ᬗ᭄ᬕᬾᬦ᭄ᬗ᭄ᬮᬭᬶᬦ᭄᭞ᬚᬦ᭄ᬢᭂᬦ᭄ᬲᬶᬦᬄᬦᬾᬧᬲᬚ᭟᭖ᬧᬧ᭄ᬮᬚᬳᬦᬾᬳᭂᬗ᭄ᬲᬧᬂ᭞ᬅᬕᬫᬢ᭄ᬯᬶ
Page:Bali-lontar-gaguritan-dharmmapada-350ppi.pdf/36
This page has been proofread.
