[᭔᭙ 49 B]
᭔᭙
ᬫᬄ᭞ᬗᬫᭂᬓᬳᬶᬦ᭄᭞ᬘᬾᬤᬫᬮᬦᬾᬳᬶᬮᬶᬤᬂ᭟᭘᭓᭟ᬳᬚᬓ᭄ᬫᬓ᭄ᬚᬂᬚ᭄ᬯᬦᬯᬂ᭞ᬗᬸᬧᭂᬢ᭄ᬢᬶᬫ᭄ᬧᬮ᭄ᬢᭀᬢᬦ᭄ᬩᭂᬘᬶᬓ᭄᭞ᬗ᭄ᬳᬶᬂᬬᬾᬦ᭄ᬘ᭄ᬦᬶᬂᬗᭀᬫᭀᬗᬂ᭞ᬜᬾ
ᬤᬦᬾᬫᬗᬸᬧᭂᬢ᭄ᬳᬶᬓᬸ᭞ᬚᬸᬕᬍᬢᬸᬄᬓᬶᬦᬭᬦᬦ᭄᭞ᬳᬧᬦ᭄ᬢᬸᬗ᭄ᬕᬶᬮ᭄᭞ᬘᬘᬤ᭄ᬚ᭄ᬯᬘᬘᬤ᭄ᬦᬾᬜᬘᬤ᭄᭟᭘᭔᭟ᬫᬢ᭄ᬩᬢ᭄ᬳᬦᬓ᭄ᬦᬾᬢ᭄ᬯᬭᬦᬯᬂ᭞ᬲᬵᬢ᭄ᬫᬓ
ᬦ᭄ᬫᬳᬶᬦ᭄ᬯ᭄ᬗᬶ᭞ᬗᬸᬤ᭄ᬬᬂᬧᭂᬢᬂᬢ᭄ᬯᬭᬦᬯᬂ᭞ᬢᭀᬓᬾᬚ᭄ᬯᬩᬢ᭄ᬩᬢ᭄ᬧᬶᬲᬸᬄ᭞ᬢᬦ᭄ᬚᬵᬲᬚᬜᭂᬦ᭄ᬕᬮᬂ᭞ᬬᬦ᭄ᬢᬦ᭄ᬕ᭄ᬮᬶᬢᬶᬓ᭄᭞ᬤᬫᬭᬾᬳᭂᬜ᭄ᬚᬶᬢ᭄ᬳᭂᬦ᭄ᬤᬶᬳᬂ᭟᭘᭕᭟
ᬤᬵᬫᬩᬦ᭄ᬤᬸᬂᬲᬮᬶᬂᬢ᭄ᬫᬄ᭞ᬳᬧᬦ᭄ᬚᬦ᭄ᬢᭂᬦ᭄ᬢᬦ᭄ᬓᬮᬶᬮᬶᬄ᭞ᬫᬧᬤᬸᬫᬍᬢᭂᬄᬍᬢᭂᬄᬳᬦ᭄᭞ᬦᬾᬫᭀᬮᬶᬄᬦᬾᬧᬶᬦᬶᬄᬍᬢᬸᬄ᭞ᬫ᭄ᬦᬗᬾᬤᬤᬶᬳᬸᬘᬧᬦ᭄
[᭕᭐ 50 A]
᭞ᬓᭂᬤᬾᬓ᭄ᬕᬸᬫᬶ᭞ᬢᭀᬫᬭᬬᬩᬸᬗᬸᬢ᭄ᬓᬲᬃ᭟᭘᭖᭟ᬬᬾᬦᬵᬳᬦᬦᬾᬘᬸᬮᬶᬕ᭄ᬜᬩᬢ᭄᭞ᬧᬱ᭄ᬝᬶᬩᬵᬦ᭄ᬩᬢᬸᬦᬾ ᬗ᭄ᬮᬶᬤᬶᬦ᭄᭞ᬗ᭄ᬳᬶᬂᬬᬾᬦᬵᬳᬤᬲᬲ᭄ᬮᬫ᭄ᬧᬭᬦ᭄᭞
ᬲᬲᬶᬫ᭄ᬩᬶᬂᬧᬶᬲᬸᬦᬫᬫᬶᬲᬸᬄ᭞ᬗᬸᬤ᭄ᬬᬂᬢᭀᬘ᭄ᬦᬶᬂᬜᬓ᭄ᬓ᭄ᬦ᭞ᬭᬱᬲᬓᬶᬢ᭄᭞ᬗᬯᬾᬦᬂᬓᭂᬦ᭄ᬥᭂᬮ᭄ᬜᬩᬢ᭄᭟᭘᭗᭟ᬬᬾᬦ᭄ᬫᬩᬾᬦ᭄ᬢᬾᬫᬮᬜ᭄ᬚᬕᬢ᭄᭞ᬜ᭄ᬮᬧ᭄ᬘ᭄ᬦᬶᬂ
ᬗᬮᬶᬄᬲᬓᬶᬢ᭄᭞ᬫᬶᬥᭂᬮ᭄ᬓᭂᬦ᭄ᬥᭂᬮ᭄ᬫᬗ᭄ᬭᬱᬬᬂ᭞ᬲᬓᬶᬢᬾᬦᬾᬚ᭄ᬮᬧ᭄ᬭᬸᬭᬸᬄ᭞ᬗ᭄ᬳᬶᬂᬗᬸᬤ᭄ᬬᬂᬘ᭄ᬦᬶᬂᬲ᭄ᬗᬶᬢᬦ᭄᭞ᬦᬸᬚᬸᬍᬧᬶᬄ᭞ᬚ᭄ᬭᬶᬚᬶᬦᬾᬩᬓᬢ᭄ᬳᭂᬜ᭄ᬚᭂᬓ᭄ᬢᬶᬫ᭄ᬧᬮ᭄᭟᭘᭘᭟
ᬢ᭄ᬯᬶᬘ᭄ᬦᬶᬂᬫᬯᬢᭂᬓ᭄ᬕ᭄ᬭᬧ᭄᭞ᬗᬸᬤ᭄ᬬᬂᬫᬦᬗ᭄ᬓᭂᬦᬂᬩᬦᬶ᭞ᬩᬵᬦ᭄ᬕᭂᬭᬧ᭄ᬓᬭᬦᬶᬦ᭄ᬕᭂᬢᬧ᭄᭞ᬮᬫ᭄ᬧᬳᬶᬦ᭄ᬫᬗᬯᬾᬫᬸᬲᬸᬄ᭞ᬜᬵᬦ᭄ᬢᬓᬸᬢᬾᬢᭂᬓᬾᬦ᭄ᬳᭀᬫᭀᬗᬦ᭄
Page:Bali-lontar-gaguritan-dharmmapada-350ppi.pdf/50
This page has been proofread.
