[᭕᭒ 52 B]
᭕᭓
ᬳᬸ᭞ᬤ᭄ᬬᬧᬶᬦᬼᬢᬸᬄᬓᬍᬘ᭄ᬙᬾᬦ᭄᭞ᬓᬃᬘᬶᬲ᭄ᬧ᭄ᬭᬳᬶ᭞ᬳᬗ᭄ᬕᭂᬦ᭄ᬫᬲᬸᬓ᭄ᬭᬶᬂᬰ᭄ᬯᬃᬕ᭄ᬕᬦ᭄᭟᭑᭐᭑᭟ᬫ᭄ᬮᬳᬂᬜᬼᬄᬗᬯᬲᬂ᭞ᬦᬾ ᬧᬸᬬᬸᬂᬓᬮᬯᬦ᭄ᬫᬶᬲᬶ᭞ᬦᬾ
ᬧᬸᬬᬸᬂᬲ᭄ᬭᬶᬂᬳ᭄ᬗ᭄ᬓᭂᬩᬦ᭄᭞ᬦᬾᬳᭂᬩᭂᬓ᭄ᬲ᭄ᬭᬶᬗᬦ᭄ᬳᭂᬫ᭄ᬩᬸᬄ᭞ᬫᬗ᭄ᬤᭂᬦ᭄ᬘ᭄ᬦᬶᬂᬚ᭄ᬯᬳᬯᬲ᭄᭞ᬤᬵᬜᭂᬦ᭄ᬧᬮᬶᬂ᭞ᬗᬤᬾᬦ᭄ᬦᬾᬧᬸᬬᬸᬂᬫᬢᬮᬂ᭟᭑᭐᭒᭟ᬳᭂᬦ᭄ᬢᭀᬳ
ᬤᬳᬦᬓ᭄ᬢᬶᬯᬲ᭄᭞ᬢ᭄ᬯᬭᬧᬢᬶᬗᭂᬮᬄᬧᬶᬧᬶᬲ᭄᭞ᬦᬵᬗᬶᬂᬩᬶᬲᬗᬮᬶᬬᬗᬂ᭞ᬫᬓᬶᬤ᭄ᬬᬂᬓᬾᬦ᭄ᬳᬦᬓ᭄ᬮᬘᬸᬃ᭞ᬳᭂᬦ᭄ᬢᭀᬢ᭄ᬯᬶᬳᬭᬦ᭄ᬳᭂᬩᭂᬓᬦ᭄᭞ᬚᬵᬢᬶᬫᬶᬲᬶ᭞ᬢ
ᬦ᭄ᬲᬗᭂᬢ᭄ᬫᬺᬱᬄᬳᭂᬫ᭄ᬩᬸᬳᬦ᭄᭟᭑᭐᭓᭟ᬳᭂᬦ᭄ᬢᭀᬦᬾᬲᬸᬕᬶᬄᬧᬗᭂᬦᬄ᭞ᬗ᭄ᬭᬓ᭄ᬱᬩ᭄ᬭᬦᬳᬩ᭄ᬬᬦ᭄ᬘᬭᬶᬓ᭄᭞ᬢᬦ᭄ᬲᬄᬫᬺᬱᬄᬩᬵᬦ᭄ᬳᭂᬫ᭄ᬩᬸᬳ
[᭕᭓ 53 A]
ᬦ᭄᭞ᬲᬳᬶᬗ᭄ᬭᬲᬥᬾᬯᬾᬓᬾᬧᬸᬬᬸᬂ᭞ᬓᬮᬶᬗ᭄ᬓᬾ ᬩᬓᬮ᭄ᬗᬮ᭄ᬬᬂ᭞ᬫᬳᬂᬗᬶᬤᬶᬄ᭞ᬥᬾᬯᬾᬓ᭄ᬦᬾ ᬲᬳᬶᬓ᭄ᬯᬗᬦ᭄᭟᭑᭐᭔᭟ᬢᬦ᭄ᬭᬾᬭᬾᬦᬦ᭄ᬫᬳᬸᬭᬸᬲᬦ᭄᭞ᬗ
ᬗᬮᬶᬫ᭄ᬩᬓᬂᬗᬭᬸᬭᬸᬄᬧᬗᬶᬲᬶ᭞ᬯᬤᬄᬳᬗᭀᬤᬕ᭄ᬗᭀᬤᬕᬦ᭄᭞ᬢᬦ᭄ᬲᬶᬥᬩᭂᬓ᭄ᬩᬵᬦ᭄ᬗᬸᬭᬸᬕ᭄᭞ᬕ᭄ᬮᬳᬾᬩᬭᬂᬧᬓᬶᬗ᭄ᬲᬦ᭄᭞ᬢ᭄ᬯᬄᬳᬓ᭄ᬯᬶᬦ᭄᭞ᬳᬸᬧᬳᬾᬢ᭄ᬯᬄᬳ
ᬲᬦ᭄ᬤᬗᬦ᭄᭟᭑᭐᭕᭟ᬮᬫ᭄ᬧᬳᬶᬦ᭄ᬳᭂᬗ᭄ᬲᬧ᭄ᬫᬤᬳᬃ᭞ᬧᭂᬢᭂᬂᬍᬫᬄᬫᭂᬢᬾᬓ᭄ᬧᬶᬧᬶᬲ᭄᭞ᬘᬭᬢ᭄ᬘᬸᬭᬸᬢ᭄ᬚ᭄ᬯᬫᬦᭀᬤ᭄ᬬ᭞ᬤ᭄ᬬᬲ᭄ᬤᬶᬬᬶᬲ᭄ᬦᭂᬩᬸᬓ᭄ᬗᬍᬲᬸᬂ᭞ᬧ᭄ᬢᭂᬗᬾ
ᬩ᭄ᬭᬡᬘᬾᬕᭂᬩᬕ᭄᭞ᬫᬗ᭄ᬤᬾᬦ᭄ᬧᭀᬮᬶᬄ᭞ᬳᬸᬧᬄᬳᬭᬸᬧ᭄ᬬᬄᬗᬩᬸᬮᬦ᭄᭟᭑᭐᭖᭟ᬓᬮᬶᬗ᭄ᬓᬾ ᬗᬶᬢᬸᬗᬶᬦ᭄ᬢᬶᬫ᭄ᬧᬮ᭄᭞ᬤᬾᬯᬾᬓᬾᬓ᭄ᬯᬗᬦ᭄ᬧᬤᬶ
Page:Bali-lontar-gaguritan-dharmmapada-350ppi.pdf/53
This page has been proofread.
