This page has been proofread.
[᭑᭐᭑101B]
ᬥᬂ᭞ᬢᬦ᭄ᬳᬦᬲᬗ᭄ᬰᬬᬫᬭᬾᬂᬳᬢᬶ᭞ᬉᬢ᭄ᬢᬫᬦᬾᬓᬮᬶᬦ᭄ᬢᬂ᭟ᬳᬧᬦ᭄ᬲᬓᬢᬳᬶᬂᬯ᭄ᬯᬂᬗᬲᬸᬲᬸᬶᬕᬶᬄ᭞ᬲᬳᬦᬦᬶᬂᬲᬂᬧ᭄ᬭᬚ᭄ᬜᬦ᭄ᬭᬶᬂᬦᬬ᭞ᬧᬸ
ᬦᬶᬓᬢᬲᬓᬜ᭄ᬘᬦᬾ᭞ᬦᭀᬭᬳᬦᬢᬦ᭄ᬧᬓᬾᬯᭂᬄ᭞ᬫᬗ᭄ᬓᬵᬓ᭄ᬭᬡᬦᬶᬭᬲᬸᬚᬢᬶ᭞ᬲᬗ᭄ᬓᬦᬶᬤᬲᬂᬫᬾᬗᭂᬢ᭄᭞ᬦᬶᬗ᭄ᬕᬮᬂᬧᬸᬦᬶᬓᬸ᭞ᬳᬶ
ᬓᬂᬗᬃᬱᬫᬶᬯᬄᬓ᭄ᬮᬾᬱ᭞ᬓᬂᬢᬶᬦᬸᬚᬸᬲᬸᬓᬦᬾᬦᬸᬗ᭄ᬕᬮᬶᬂᬩᬸᬤ᭄ᬥᬶ᭞ᬲᬦᬾᬢᬦ᭄ᬧᬚᬮᬭᬦ᭄᭟ᬲᬸᬓᬤᬸᬳ᭄ᬓᬦᬾᬲᬗ᭄ᬓᬦᬶᬂᬳᬢᬶ᭞ᬳᬸᬧᬫᬓᬵᬮ
ᬲᬂᬧ᭄ᬭᬪᬸᬮᬸᬗ᭄ᬳᬵ᭞ᬲᬳᬵᬲᬳᬸᬧᬘᬭᬦᬾ᭞ᬯᭀᬂᬚ᭄ᬭᭀᬧᬸᬭᬶᬗᬭᬸᬗᬸ᭞ᬯᬾᬦ᭄ᬢᭂᬦ᭄ᬲᬦᬾᬫᬧᬗᭂᬦᬦ᭄ᬲ᭄ᬤᬶᬄ᭞ᬤᬾᬦᬾᬬᬫᬲᬬᬗᬂ᭞
[᭑᭐᭒102A]
ᬯᬾᬦ᭄ᬢᭂᬦ᭄ᬫᬮᬶᬄᬳᬶᬧᬸᬦ᭄᭞ᬤᬳᬢ᭄ᬲᬸᬓᬫᬦᬄᬜᬦᬾ᭞ᬤᬾᬦᬶᬂᬳᬶᬧᬸᬦ᭄ᬓᬲᬓᬶᬢᬦ᭄ᬓᬧᬦᭂᬲᬦ᭄᭞ᬲᬓᬶᬂᬫᬦᬄᬯ᭄ᬢᬸᬩᬾᬤ᭄ᬥ᭟ᬧᬸᬦᬶᬓᬶᬯᬾᬦ᭄ᬢᭂᬦ᭄
ᬲ᭄ᬬᭀᬲ᭄ᬫᬮᬶᬄ᭞ᬲᬂᬫᬾᬗᭂᬢ᭄ᬭᬶᬂᬩᬘᬓᬦᬾᬢᬶᬕ᭞ᬮ᭄ᬯᬶᬃᬓᬫᬾᬯᭂᬳᬦᬃᬣᬦᬾ᭞ᬓᬤᬗᬦᬦ᭄ᬳᬶᬮᬘᬸᬃ᭞ᬲ᭄ᬩᭂᬢᬾᬗᭂᬫ᭄ᬧᬸᬧᭀᬫᬳᬦ᭄ᬫᬮᬶᬄ᭞ᬧᬶ
ᬦᭂᬄᬢᬶᬫ᭄ᬩᬂᬭᬱᬬᬂ᭞ᬳᭂᬦ᭄ᬢᭀᬫᬓᬢᬢ᭄ᬮᬸ᭞ᬲᬂᬬᬢ᭄ᬦᬫᬗᬸᬦᬓᬭᬵ᭞ᬢᬸᬃᬳᬸᬦᬶᬂᬫᬲᬂᬲᬸᬭᬸᬤᬂ᭞ᬫᬭᬾᬂᬳᬢᬶ᭞ᬯ᭄ᬬᬓ᭄ᬢᬶᬦᭀᬭᬓᬪᬱ᭄ᬝᬵ᭟ᬳ᭄ᬤ
ᬫᬗᬾᬯᭂᬳᬂᬲᬮ᭄ᬯᬶᬭᬶᬂᬳᬶᬗᬧ᭄ᬢᬶ᭞ᬳᬧᬦ᭄ᬓᬾᬯᭂᬳᬾᬳᬕᬸᬂᬳᬮᬦ᭄ᬬ᭞ᬓᬤᬶᬳᬸᬍᬤ᭄ᬢᬶᬗ᭄ᬓᬄᬜᬦᬾ᭞ᬗ᭄ᬕᬯᬾᬳᬸᬫᬄᬳᬸᬭᬸᬂ᭞ᬩᬦ᭄ᬓᬾᬯᭂ
