This page has been proofread.
[᭑᭐10B]
᭑᭐
ᬗᬃᬢ᭄ᬢᬶ᭟ᬦ᭄ᬢᭀᬓ᭄ᬭᬡᬤᬤᬶᬳᬶᬬᬵᬓᬮᭀᬮᬶᬢᬦ᭄᭞ᬢᬦ᭄ᬫᬗ᭄ᬕᭂᬄᬭᬶᬂᬦᬚᬢᬶᬦ᭄᭞ᬦᬸᬚᬸᬳᬸᬗ᭄ᬕ᭄ᬯᬦᬶᬭ᭞ᬳᬦᬭᬶᬂᬕ᭄ᬯᬕᬳ᭄ᬯᬭ᭞ᬳᬶᬤᬵ
ᬲᬂᬳ᭄ᬬᬂᬳᬬᬸᬍᬯᬶᬄ᭞ᬦ᭄ᬢᭀᬧᬕᬸᬭ᭄ᬯᬂ᭞ᬭᬶᬂᬲᬂᬯ᭄ᬭᬸᬳᬾᬂᬓᬚᬢᬦ᭄᭟ᬲᬗ᭄ᬓᬦ᭄ᬳᬶᬤᬩᬜᬢᬸᬮᬓ᭄ᬭᬶᬂᬧᭀᬗᬢ᭄ᬯ᭞ᬫᬶᬗ᭄ᬓᬶᬦ᭄ᬧᬢᬸᬢ᭄ᬢᬓᭀᬦᬶᬦ᭄
ᬭᬾᬄᬢᬶᬓᬦᬂᬥᬃᬫ᭄ᬫ᭞ᬲᬫᬮᬯᬦᬶᬂᬳᬸᬮ᭞ᬧ᭄ᬚᬮᬦᬾᬢᬦ᭄ᬧᬶᬦᬱ᭄ᬝᬶ᭞ᬳᬾᬯᭂᬄᬗ᭄ᬭᬱᬬᬂ᭞ᬳᬦᬾᬗᬭᬦ᭄ᬥᬃᬫ᭄ᬫᬚᬢᬶ᭟ᬰ᭄ᬭᬸᬢᬶᬳᬭᬦᬶᬂ
ᬲᬗ᭄ᬳ᭄ᬬᬂᬘᬢᬸᬃᬯᬾᬤ᭞ᬲᬫᬺᬢᬶᬳ᭄ᬬᬂᬥᬃᬫ᭄ᬫᬅᬚᬶ᭞ᬳᬶᬤᬧ᭄ᬭᬫᬡᬓ᭄ᬦ᭞ᬬᬦ᭄ᬢᬸᬳᬸᬲᬢ᭄ᬬ᭞ᬳᬍᬧ᭄ᬲᬢ᭄ᬬᬾᬂᬲᬧᬯᬭᬄ᭞ᬲᬓᬮ᭄ᬯᬶᬃᬭᬶᬂᬧᬫᬃᬕ᭄ᬕᬶ
[᭑᭑11A]
᭞ᬚᬢᬶᬲᬢ᭄ᬬᬾᬂᬯᬭᬄ᭞ᬳᬍᬧ᭄ᬳ᭄ᬬᬂᬥᬃᬫ᭄ᬫᬯᬺᬢᬶ᭟ᬲᬫ᭄ᬳ᭄ᬬᬂᬯᬾᬤᬗᬤᬓᬂᬘᬢᬸᬃᬯᬃᬡ᭄ᬦ᭞ᬢᬸᬫᬶᬗ᭄ᬓᬳᬶᬂᬉᬢ᭄ᬧᬢᬶ᭞ᬲᬳᬸᬧᬵᬘᬭᬲ᭄ᬯᬂ
᭞ᬲᬫ᭄ᬳᬗ᭄ᬓᬦᬢᬶᬓᬂᬭᬢ᭄᭞ᬫᬶᬯᬄᬲᬂᬘᬢᬸᬃᬳᬰ᭄ᬭᬫᬶ᭞ᬫᬓᬮ᭄ᬯᬶᬃᬳᬶᬭ᭞ᬫᬓᬤᬶᬲᬂᬩ᭄ᬭᬳ᭄ᬫᬵᬘᬭᬶ᭟ᬕ᭄ᬭᬳᬲ᭄ᬢᬵᬯᬦᬧ᭄ᬭᬲ᭄ᬢᬮᬦ᭄ᬪᬶᬓ᭄ᬲᬸᬓᬵ᭞
ᬧᬸᬦᬶᬓᬵᬓᬯᬶᬓᭀᬦ᭄ᬍᬯᬶᬄ᭞ᬢᬢᬕᬶᬂᬢ᭄ᬭᬶᬧᬤ᭞ᬫᬯᬲ᭄ᬢᬸᬯᬸᬲ᭄ᬤᬤ᭄ᬬ᭞ᬯᬲ᭄ᬢᬸᬬᬵᬲ᭄ᬥᭂᬗᬦᬫᬮᬶᬄ᭞ᬯᬲ᭄ᬢᬸᬬᬗ᭄ᬓᭂᬦ᭄ᬤᬤ᭄ᬬ᭞ᬲᬓᬾᬂᬯᬾᬥ
ᬢ᭄ᬓᬦ᭄ᬬᬲᬫᬶ᭟ᬲᬗ᭄ᬳ᭄ᬬᬂᬯᬾᬤᬧᬭᬶᬧᬹᬃᬡ᭄ᬦᬓ᭄ᬦᬲᬶᬭ᭞ᬫᬲᬥᬡᬓᬓᬮᬶᬄ᭞ᬲᬗ᭄ᬳ᭄ᬬᬂᬳᬶᬢᬶᬬᬱᬵ᭞ᬮᬯᬦ᭄ᬲᬗ᭄ᬳ᭄ᬬᬂᬧᬹᬭᬡ᭞ᬢᬓᬸᬢ᭄ᬳᬶᬤᬓᬸᬭᬂᬅᬚᬶ
