This page has been proofread.
[᭒᭕25B]
᭒᭕
ᬫᬮᬶᬄᬚᬦ᭄ᬫᬓᬲ᭄ᬫᬭᬦ᭄᭞ᬫᬦ᭄ᬳᬾᬧᬸᬦᬶᬓᬵᬲᬫᬶ᭞ᬜᬦ᭄ᬤᬂᬢᬸᬦ᭄ᬤᬸᬂ᭞ᬬᬦ᭄ᬬᬲᬶᬗ᭄ᬕᬄᬫᬭᬶᬂᬳᬯᬓ᭄᭟ᬓᬍᬯᬶᬳᬦ᭄ᬬᬬᬦ᭄ᬢᬶᬫ᭄ᬩᬂ᭞ᬲᬗ᭄ᬯᬰᬭᬶᬂᬓ᭄ᬯ
ᬲᬾᬂᬩ᭄ᬭᬦ᭄ᬢᬶ᭞ᬦᬸᬕ᭄ᬭᬳᬮᬦ᭄ᬓᬯᬶᬃᬬ᭄ᬬᬯᬦ᭄᭞ᬲᬫᬵᬭᬶᬂᬲᬂᬓ᭄ᬮᬦ᭄ᬫᬮᬶᬄ᭞ᬫᬭᬾᬂᬢᬦ᭄ᬓᭂᬮᬦ᭄ᬲᬗ᭄ᬲᬶᬄ᭞ᬚᬦ᭄ᬫᬵᬭᬶᬂᬢᬦ᭄ᬚᬦ᭄ᬫᬵᬓᬸ᭞ᬩᬶᬦᬭᬶᬂᬉᬧ
ᬪᭀᬕ᭞ᬍᬯᬶᬳᬶᬂᬥᬦᬥᬦ᭄ᬬᬵᬤᬶ᭞ᬲᬗᬯᬶᬓᬸ᭞ᬮᬯᬦ᭄ᬲᬦᬾᬢᬦ᭄ᬧᬡ᭄ᬥᬶᬢ᭟ᬮ᭄ᬯᬶᬃᬲᬂᬓᬶᬦᬯᬰᬾᬂᬓ᭄ᬭᭀᬥ᭞ᬲᬮ᭄ᬯᬶᬃᬳᬢᬸᬭᬦ᭄ᬬᬵᬲᬫᬶ᭞ᬫ᭄ᬯᬂ᭠
ᬥᬦᬧᬹᬡ᭄ᬬᬋᬓᭀ᭞ᬓᬮᬯᬦ᭄ᬬᬰᬦ᭄ᬬᬫᬮᬶᬄ᭞ᬫᬶᬯᬄᬓᬃᬬ᭄ᬬᬦ᭄ᬬᬲᬫᬶ᭞ᬲᬓᬜ᭄ᬘᬦᬶᬓᬵᬓᬯᬸᬯᬸᬲ᭄᭞ᬨᬮᬦᬾᬓᬫ᭄ᬩᬶᬮ᭄ᬫᬓ᭄ᬚᬂ᭞ᬤᬾ
[᭒᭖26A]
ᬲᬂᬗ᭄ᬳ᭄ᬬᬂᬬ᭞ᬫᬵᬤᬶᬧᬢᬶ᭞ᬢᬸᬬᬸᬄᬗᬧᬸᬂ᭞ᬧᭀᬘᭀᬮ᭄ᬦ᭄ᬤᬢᬦ᭄ᬫᬧᬶᬓᭂᬦᭀᬄ᭟ᬬᬦᬶᬂᬢᬓᬶᬦᬭᬓ᭄ᬱᬦ᭄᭞ᬤᬤᬶᬧᬫᭂᬦ᭄ᬤᭂᬫ᭄ᬢᬂᬩ᭄ᬭᬦ᭄ᬢᬶ᭞ᬓᬸᬦᭂᬂ
ᬳ᭄ᬬᬂᬰ᭄ᬭᬶᬓᬶᬦᬭᬓ᭄ᬱᬦ᭄᭞ᬫᬓᬵᬧᬫᬥᭂᬫᬶᬂᬳᬶᬭᬶ᭞ᬫᬮᬶᬄᬬᬦ᭄ᬲᬗ᭄ᬳ᭄ᬬᬂᬅᬚᬶ᭞ᬅᬗ᭄ᬓᬭᬳᬚᬸᬫᬾᬍᬩᬸᬃ᭞ᬲᬂᬫᬗ᭄ᬭᬓ᭄ᬱᬵᬧᬸᬦᬶᬓᬵ᭞ᬬᬦ᭄ᬫᬗ
ᬫᭀᬂᬳᬯᬓ᭄ᬫᬮᬶᬄ᭞ᬢ᭄ᬯᬶᬓᬧᬗ᭄ᬕᬸᬄ᭞ᬢᬬᬦᬶᬂᬧ᭄ᬭᬫᬥᬳᬶᬓᬵ᭟ᬓ᭄ᬭᭀᬥᬵᬗᬭᬦ᭄ᬓᬮᬵᬦ᭄ᬢᬓ᭞ᬢᬺᬱ᭄ᬡᬬᬯ᭄ᬯᬾᬢᬭᬶᬡᬶ᭞ᬮ᭄ᬯᬄᬤᬳᬢᬶᬂᬤᬸᬃᬕ᭄ᬕ
ᬫ᭞ᬫᬢᭀᬬᬧᬦᬲ᭄ᬮᬦᭂᬢᬶᬲ᭄᭞ᬓᬸᬦᭂᬂᬬᬲᬗ᭄ᬳ᭄ᬬᬂᬅᬚᬶ᭞ᬲᬗ᭄ᬳ᭄ᬬᬂᬵᬭᬳᬱ᭄ᬬᬚ᭄ᬜᬦᬾᬓᬸ᭞ᬍᬫ᭄ᬩᬸᬫᭂᬢ᭄ᬯᬂᬲᬓᬋᬧ᭄᭞ᬳᬶᬓᬂᬓᬲᬦ᭄ᬢᭀᬱ
