This page has been proofread.
[᭔᭗47B]
᭔᭗
ᬬᬾᬓᬶ᭞ᬫᬓᭀᬦᬕᬯᬾᬥᬦᬧᬸᬦᬶᬓᬵ᭞ᬬᬤ᭄ᬬᬦᬓ᭄ᬥᬶᬓ᭄ᬩᬶᬮᬶᬄᬳᬓᬾᬄ᭞ᬓ᭄ᬭᬫᬦᬶᬂᬯ᭄ᬯᬂᬧᬸᬦᬶᬓᬸ᭞ᬢᬦ᭄ᬲᬶᬤ᭄ᬥᬦᬶᬂᬓᬃᬬ᭄ᬬᬧᬶᬦᬗ᭄ᬕᬶᬄ᭞ᬓᬵ
ᬮᬶᬲ᭄ᬧᬶᬲᬥ᭄ᬬᬦᬶᬓᬵ᭞ᬩ᭄ᬯᬢ᭄ᬢᬶᬗ᭄ᬓᬄᬳᬶᬧᬸᬦ᭄᭞ᬓᬤᬶᬮᬓ᭄ᬱᬡᬦᬶᬂᬓ᭄ᬮᬶᬯ᭞ᬦᭀᬭᬫᬨᬮ᭞ᬳᬦᬢᬸᬢᬸᬃᬓᬸᬭᬂᬪᬸᬓ᭄ᬢᬶ᭞ᬬᬦ᭄ᬢᬦ᭄ᬮᬶᬦᬓ᭄ᬱᬡᬬᬂ
᭟ᬫᬗ᭄ᬓᬶᬦᬵᬗ᭄ᬕᬯᬾᬓᬾᬃᬢ᭄ᬢᬶ᭞ᬲᬮ᭄ᬯᬶᬃᬳᬸᬮᬳᬶᬂᬥᬃᬫ᭄ᬫᬵᬲᬥᬦ᭞ᬮᬶᬗᬶᬭᬍᬯᬶᬄᬳᬬᬸᬦᬾ᭞ᬦᬗ᭄ᬳᬶᬂᬫᬕᬯᬾᬢᬦ᭄ᬳᬸᬳ᭞ᬤᬤᬶᬳᬶᬮᬂᬳᬶᬲ᭄ᬢᬦ᭄ᬬᬳᬶ
ᬓᬶ᭞ᬮᬯᬦᬶᬂᬫᬸᬃᬢᬦ᭄ᬬᬾᬓ᭞ᬳᬶᬲ᭄ᬢᬳᬭᬦᬶᬧᬸᬦ᭄᭞ᬧᬫᬸᬚᬶᬦᬾᬫᬭᬶᬂᬲᬗ᭄ᬳ᭄ᬬᬂ᭞ᬏᬓᬵᬫᬶᬯᬄᬫᬸᬚᬵᬭᬶᬂᬲᬗ᭄ᬳ᭄ᬬᬂᬢ᭄ᬭ᭄ᬬᬵᬕ᭄ᬦᬶ᭞ᬮᬯᬦ᭄ᬥᬦ
[᭔᭘48A]
ᬓᬸᬡ᭄ᬥᬵ᭟ᬳᬶᬓᬂᬗᬭᬦᬶᬂᬫᬸᬃᬢ᭄ᬢᬧᬸᬦᬶᬓᬶ᭞ᬧᬸᬡ᭄ᬬᬲᬸᬫᬸᬃᬮᬦ᭄ᬢᬮᬕᬢᬦᭂᬫ᭄ᬩᬄ᭞ᬧᬸᬡ᭄ᬬᬢᬮᬕᬫᭂᬫ᭄ᬩᬄᬋᬓᬾ᭞ᬧᬸᬡ᭄ᬬᬰ᭄ᬭᭀᬦ᭄ᬤᬾᬯᬳᬶ
ᬓᬸ᭞ᬧᬸᬡ᭄ᬬᬕᬸᬮᬸᬮ᭄ᬮᬯᬦ᭄ᬓᬸᬫᬮᬶᬃ᭞ᬧᬯᬾᬥᬦ᭄ᬲᬺᬕᭂᬧ᭄᭞ᬧᬸᬡ᭄ᬬᬦᬲᬶᬳᬶᬓᬸ᭞ᬫᬮᬶᬄᬧᬸᬡ᭄ᬬᬧᬯᬶᬭᬫᬦ᭄᭞ᬫᬶᬯᬄᬧᬧᭂᬗ᭄ᬕᬓ᭄
ᬲᬧ᭄ᬭᬓᬭᬦ᭄ᬬᬳᬰᬶ᭞ᬨᬮᬦ᭄ᬬᬗᬭᬦ᭄ᬧᬸᬃᬢ᭄ᬢ᭟ᬳᬦᬯ᭄ᬯᬂᬓᬺᬢ᭄ᬢᬵᬭᬶᬂᬓᬾᬃᬢ᭄ᬢᬶ᭞ᬦ᭄ᬤᬢᬦ᭄ᬓᬲᬶᬤ᭄ᬥᬦ᭄ᬭᬶᬂᬘᬢᬸᬃᬯᬃᬕ᭄ᬕ᭞ᬢᬓᬸᬢ᭄ᬳᬭᬶᬢ᭄ᬓᬦ᭄ᬧᬢᬶ
ᬦᬾ᭞ᬦᬗ᭄ᬳᬶᬂᬲᬂᬲᬫ᭄ᬧᬸᬦ᭄ᬧᬸᬢᬸᬲ᭄᭞ᬫᬕᬯᬾᬬᬥᬃᬫ᭄ᬫᬮᬦ᭄ᬓᬾᬃᬢ᭄ᬢᬶ᭞ᬲᬸᬓᬲᬸᬭᬫᬗᬦ᭄ᬢ᭄ᬬ᭞ᬢᬶᬓᬦᬂᬫᬺᬢ᭄ᬬᬸ᭞ᬓᬤᬶᬍᬕᬦᬾᬫᬗᬦ᭄ᬢ᭄ᬬ᭞ᬨᬮ
