This page has been proofread.
[᭔᭙49B]
᭔᭙
ᬫ᭄ᬬᬸᬦᬾ᭞ᬲᬳᬥᬭᬤᬶᬦᬸᬮᬸᬃ᭞ᬬᬦᬶᬂᬲᬂᬧ᭄ᬭᬚ᭄ᬜᬵᬦ᭄ᬧ᭄ᬭᬥᬂᬲᬫᬶ᭞ᬲᬫ᭄ᬧᬸᬦ᭄ᬮᬦ᭄ᬧᬗᬶᬦᬗᬦ᭄᭞ᬫᬶᬯᬄᬢᭀᬬᬫᬶᬦᬸᬫ᭄᭞ᬫᬦᬶᬲᬮᬸᬲᬶ
ᬓᬂᬰᬩ᭄ᬥ᭞ᬲᬢ᭄ᬬᬧᬕᭂᬄᬥᬃᬫ᭄ᬫᬦᬶᬂᬧ᭄ᬭᬯᬺᬢ᭄ᬢᬶᬚᬢᬶ᭞ᬢᬦ᭄ᬫᬭᬶᬂᬭᬶᬲᬂᬲᬚᬦ᭟ᬬᬦᬦᬯ᭄ᬯᬂᬢᬦ᭄ᬫᬸᬘᬸᬓᬂᬭᬶᬳᬶᬦ᭄᭞ᬤᬾᬯᬯᭀᬗᬢ᭄ᬢ᭄ᬯᬵ᭞ᬢᬫ᭄ᬬᬸ
ᬳᬦᬓ᭄᭞ᬳᬢᬸᬭᬶᬦ᭄ᬫᬮᬸᬫᬗᬦᬾ᭞ᬓᬂᬳᬦᬾᬂᬳᬸᬫᬄᬳᬶᬧᬸᬦ᭄᭞ᬢᬶᬓᬤᬸᬮᬸᬳᬸᬮᬳᬶᬂᬚᬦ᭄ᬫᬶ᭞ᬭᬓ᭄ᬱᬲᬧᬥᬦᬶᬭ᭞ᬳᬧᬦ᭄ᬬᬢᬢᬦ᭄ᬯ᭄ᬭᬸᬄ
᭞ᬭᬶᬂᬳ᭄ᬬᬂᬯᬲ᭄ᬢ᭄ᬬᬓᬭᬫᬦ᭄ᬢ᭄ᬭ᭞ᬦᭀᬭᬫᬦᬸᬢ᭄ᬓ᭄ᬭᬫᬦᬶᬂᬤᬾᬯᬮᬶᬦᭂᬯᬶᬄ᭞ᬳᬶᬓᬳᬬ᭄ᬯᬵᬫᬦᬸᬮᬤ᭄᭟ᬢᬦ᭄ᬯᭂᬦᬂᬦᬸᬗ᭄ᬕᬮᬂᬍᬕᬦᬵᬢᬶ᭞ᬭᬶᬂᬲ
[᭕᭐50A]
ᬭᬶᬦ᭄ᬭᬱᬦ᭄ᬳᬚᭂᬂᬳᬚᭂᬗᬦ᭄᭞ᬢᬦ᭄ᬯᭂᬦᬂᬦᬸᬗ᭄ᬕᬮᬂᬕᬯᬾ᭞ᬥᬬᬦ᭄ᬓᬥᬗᬾᬳᬶᬢᬸ᭞ᬢᬦ᭄ᬯᭂᬦᬂᬦᬸᬗ᭄ᬕᬮᬂᬭᬶᬂᬫᬃᬕ᭄ᬕᬶ᭞ᬮᬯᬦ᭄ᬫᬮᬶᬄᬢᬦ᭄ᬯᭂᬦᬂ᭞ᬫᬜᭂ
ᬮᬕ᭄ᬬᬩᬗᬸᬦ᭄᭞ᬭᬶᬓᬵᬮᬦᬶᬂᬳᬦᬓ᭄ᬦᬶᬤ᭄ᬭ᭞ᬢᬦ᭄ᬓᬲᬶᬤ᭄ᬥᬦᬶᬂᬢ᭄ᬭᬸᬲ᭄ᬫᬗ᭄ᬕᬶᬄᬬᬩ᭄ᬘᬶᬓ᭄᭞ᬲᬂᬧᬗ᭄ᬕᬸᬳᬶᬭ᭟ᬳᬦᬳ᭄ᬬᬓ᭄ᬭᬫᬦ᭄ᬬᬫᬗ᭄ᬓᬶᬦ᭄
᭞ᬢᬦ᭄ᬲᬧᬓᭀᬦ᭄ᬭᬫᬫ᭄ᬯᬂᬭᬾᬡ᭞ᬲᬧᬶᬦᬗᬦᬶᬭᬋᬓᬾ᭞ᬢᬦᬶᬬᬧ᭄ᬧᬸᬦᬶᬓᬸ᭞ᬤᬾᬦᬶᬂᬲᬂᬭᬫᬭᬾᬡᬲᬫᬶ᭞ᬳᬶᬓᬂᬢᬶᬦᬥᬳᬶᬭ᭞
ᬰᬾᬱᬦᬶᬂᬢᭂᬥᬦᬶᬧᬸᬦ᭄᭞ᬬᬬᬄᬳᬶᬩᬸᬫᬮᬸᬫᬗᬦ᭄᭞ᬫᬭᬬᬢᭂᬢᭂᬧ᭄ᬧᬕᭂᬄᬲᬳᬶᬲᬳᬶ᭞ᬧ᭄ᬭᬫᬲᬸᬓᬓᬢ᭄ᬫᬸᬦᬶᬭ᭟ᬳᬶᬓᬂᬲᬶᬦ
