This page has been proofread.
[᭖᭒62B]
᭖᭓
ᬡᬧᬹᬃᬡ᭄ᬦᬦᬶᬂᬳᬬᬸ᭞ᬮ᭄ᬯᬶᬃᬲᬹᬃᬬ᭄ᬬᬜᬶᬦᬭᬶᬦ᭄ᬪᬸᬢ᭟ᬲᬂᬤᬭᬶᬤ᭄ᬭᬲᬫᬫᬭᬶᬂ᭞ᬯᭀᬂᬲᬶᬦᬗ᭄ᬕᬳᬶᬂᬘᬡ᭄ᬥᬮ᭞ᬲᬦᭀᬭᬫᬥᬦᬦᬾ᭞ᬯ᭄ᬯᬂᬡᬡ᭄ᬥᬮ
ᬬᬦ᭄ᬫᬥᬦ᭞ᬢᬦᬦᬓᬂᬫᬦᬗ᭄ᬕᬧ᭄᭞ᬲᬂᬤᬭᬶᬤ᭄ᬭᬮᬶᬦ᭄ᬢᬂᬮᬘᬸᬃ᭞ᬢᬦᬦᬳᬗ᭄ᬕᭀᬦ᭄ᬬᬥᬦ᭟ᬳᬸᬮᬳᬶᬂᬤᬭᬶᬤ᭄ᬭᬚᬢᬶ᭞ᬬᬦ᭄ᬭᬶᬦᬱᬓᬤᬶᬓ
ᬯᬄ᭞ᬭᬹᬧᬢᬦᬦᬳ᭄ᬭᬲ᭄ᬜᬦᬾ᭞ᬲᬫᬸᬦ᭄ᬤᬢᬦ᭄ᬳᬦᬳᬦᬓ᭄᭞ᬓᬮᬯᬦᬶᬂᬓᬦᬂᬪᭀᬕ᭞ᬫᬶᬯᬄᬭᬱᬦᬶᬓᬂᬍᬫ᭄ᬩᬸ᭞ᬭᬱᬦᬵᬭᬩᬶᬓ᭄ᬤᬶᬲᬫ᭟
ᬳᬶᬓᬢᬂᬤᬭᬶᬤ᭄ᬭᬫᬮᬶᬄ᭞ᬲᬶᬦᬗ᭄ᬕᬄᬓᬸᬭᬯᬱ᭄ᬝᬦᬦ᭄ᬬ᭞ᬧ᭄ᬭᬤᬾᬦᬾᬓ᭄ᬯᬢ᭄ᬩᬬᬸᬦᬾ᭞ᬤᭀᬦᬶᬂᬳᬶᬧᬸᬦ᭄ᬢᬦ᭄ᬧᬫᬲ᭄᭞ᬢᬦ᭄ᬫᬫ᭄ᬧᬸᬄᬤᬤᬶᬦ᭄ᬬ᭞
[᭖᭓63A]
ᬬᬦᬶᬂᬢᬦ᭄ᬧᬓᬬᬳᬶᬓᬸ᭞ᬢᬦ᭄ᬲᬶᬤ᭄ᬥᬵᬳᬫ᭄ᬭᬶᬄᬧᬗᬦ᭄᭟ᬯ᭄ᬯᬂᬦ᭄ᬤᬢᬦ᭄ᬧᬢᬫ᭄ᬬᬸᬫᬮᬶᬄ᭞ᬢᬦ᭄ᬫᬤ᭄ᬯᬾᬳᬸᬗ᭄ᬲᭂᬦᬸᬗ᭄ᬲᭂᬦᬦ᭄᭞ᬧᬸᬦᬶᬓᬵᬧᬢᭂᬄ
ᬳᬭᬦᬾ᭞ᬧᬥᬓᬸᬭᬸᬳᬶᬬᬫᬓ᭄ᬚᬂ᭞ᬢᬦ᭄ᬫᬫ᭄ᬧᬸᬄᬲᬫᬦᬄᬦ᭄ᬬ᭞ᬳᬧᬂᬦᭀᬭᬫᬗ᭄ᬕᬶᬄᬓᬸᬭᬸ᭞ᬕᬸᬡᬬᬦᬾᬚᬸᬚᬸᬭᬂ᭟ᬲᬂᬤᬭᬶᬤ᭄ᬭᬗᬮᬶᬄ
ᬪᬸᬓ᭄ᬢᬶ᭞ᬲᬓᬾᬂᬤ᭄ᬭᬯᬾᬦ᭄ᬲᬯᬶᬢ᭄ᬭᬦ᭄ᬜ᭞ᬧᬫᬍᬦ᭄ᬬᬭᬶᬲᬂᬫᬯᬾᬄ᭞ᬳᬦ᭄ᬢᬸᬓᬶᬂᬫᬦᬄᬓᬲ᭄ᬫᬮ᭞ᬮᭀᬪᬘᬸᬧᬃᬗᬮᭀᬬᬂ᭞ᬲᬓᬶᬂᬮᭀᬧᬂᬪᬸᬓ᭄ᬢᬶ
ᬦᬶᬧᬸᬦ᭄᭞ᬲᬸᬓᬵᬫᬢᬶᬬᬦ᭄ᬫᬗ᭄ᬓᬦ᭟ᬮᬭᬦᬶᬂᬯ᭄ᬯᬂᬤᬭᬶᬤ᭄ᬭᬍᬯᬶᬄ᭞ᬲ᭄ᬤᬶᬄᬓᬶᬂᬓᬶᬂᬲᬤᬶᬦᬤᬶᬦ᭞ᬧᬶᬦ᭄ᬤᭀᬋᬓᬾᬲᬓᬶᬢ᭄ᬜᬦᬾ᭞ᬲᬓᬶᬢ᭄ᬮᬭ
