This page has been proofread.
[᭘᭑81B]
᭘᭑
᭞ᬫᬜᬸᬚᬸᬃᬯᬶᬪᬯ᭞ᬫ᭄ᬭᬶᬳᬂᬬᬸᬱᬦᬾᬧᬜ᭄ᬚᬂ᭞ᬳᭂᬦ᭄ᬢᭀᬗ᭄ᬕᬯᬾᬚᭂᬚᭂᬄᬳᬢᬶ᭟ᬮ᭄ᬯᬶᬃᬫᬸᬲᬸᬄᬕ᭄ᬦᬶᬳᬸᬧᬲ᭄᭞ᬢᭀᬂᬳᬤᬳᬦᬾᬗ᭄ᬢᬶᬲᬶ
ᬦ᭄᭟ᬳᬶᬤᬲᬂᬧᬡ᭄ᬥᬶᬢᬢᬦ᭄ᬓᬶᬦᬯᬲ᭄ᬓᭂᬦ᭄᭞ᬤᬾᬦᬶᬂᬭᬵᬚᬲᬃᬧ᭄ᬧᬲ᭄ᬢ᭄ᬭᬶ᭞ᬯᬾᬥᬩ᭄ᬕᭀᬕᬬᬸᬱ᭞ᬯ᭄ᬯᬂᬰᬾᬯᬓᬾᬂᬰᬢ᭄ᬭᬸᬫᬸᬯᬄ᭞ᬲᬫᬶ
ᬢᬦᬸᬗ᭄ᬕᬮᬫᬭᬶᬂ᭞ᬳᬶᬤᬲᬂᬧᬡ᭄ᬥᬶᬢ᭞ᬤᬾᬦᬶᬂᬬᬫᬦᭂᬲᬶᬦ᭄ᬲᬫᬶ᭟ᬢᬶᬗ᭄ᬓᬳᬶᬂᬯᭀᬂᬢᬸᬳᬸᬕ᭄ᬮᬭᬲᭂᬩᭂᬢ᭄ᬮᬦ᭄ᬢᬸᬯ᭞ᬭᬕᬮᬯᬦ᭄ᬢᬸᬯᬚᬢᬶ᭞ᬫᬾ
ᬗᭂᬢ᭄ᬭᬶᬂᬧᬸᬦᬶᬓᬵ᭞ᬲᬗ᭄ᬓᬦ᭄ᬬᬲᬂᬧᬡ᭄ᬥᬶᬢ᭞ᬓᬫᭀᬓ᭄ᬱᬦᬾᬓᬫᬃᬕ᭄ᬕᬶᬦᬶᬦ᭄᭞ᬳᬧᬦ᭄ᬢᭀᬤᬤ᭄ᬬ᭞ᬢᬫ᭄ᬩᬦᬶᬓᬂᬤᬸᬳ᭄ᬓᬍᬯᬶᬄ᭟ᬯᬦ᭄ᬢᬄᬤᬸᬫᬸ
[᭘᭒82A]
ᬦᬦ᭄ᬢᬂᬳᬸᬭᬶᬧ᭄ᬮᬯᬦ᭄ᬰᬭᬶᬭ᭞ᬳᬯᬓᬾᬗᬦ᭄ᬤᭂᬮᬂᬳᬸᬭᬶᬧ᭄᭞ᬢᬸᬯᬸᬄ᭠ᬳᬸᬭᬶᬧ᭄ᬲᬗ᭄ᬓᬶᬦ᭄ᬬ᭞ᬓ᭄ᬭᬡᬬᬳᬤᬳᬯᬓ᭄᭞ᬳᬶᬮᬂᬳᬸᬭᬶᬧ᭄ᬳᬯᬓ᭄ᬢᬦ᭄ᬓᬭᬶ᭞
ᬤᬕᬶᬂᬧᬸᬦᬶᬓᬵ᭞ᬩᬋᬂᬫ᭄ᬢᬸᬩᬋᬂᬫᬢᬶ᭟ᬧᬮᬓ᭄ᬱᬡᬳᬮᬸᬦᬾᬗᬯᬾᬦᬂᬳᬯᬓ᭄᭞ᬳᬧᬦ᭄ᬳᬯᬓᬾᬳᬫᬸᬓ᭄ᬢᬶ᭞ᬨᬮᬦ᭄ᬬᬭᬶᬯ᭄ᬓᬲ᭄᭞᭠
ᬳᬯᬓᬾᬢᬮᬶᬦ᭄ᬲᬗ᭄ᬰᬭ᭞ᬯᬶᬱᬬᬦ᭄ᬲᬸᬓᬵᬤᬸᬳ᭄ᬓᬵᬢᬸᬯᬶ᭞ᬓ᭄ᬭᬡᬩᬧ᭞ᬳᬧᬂᬳ᭄ᬤᬩ᭄ᬯᬶᬦ᭄ᬦᬸᬫᬤᬶ᭟ᬢᬸᬯᬄᬫᬸᬮᬓᬾᬢᭀᬢᬶᬗ᭄ᬓᬳᬾ᭠
ᬤᬤᬶᬚᬦ᭄ᬫᬫ᭄ᬓᬮᬦᬾᬗᬯᬰᬯ᭄ᬬᬓ᭄ᬢᬶ᭞ᬫᬲ᭄ᬯᬪᬯᬲᬗ᭄ᬰᬭ᭞ᬳ᭄ᬤᬵᬚᬦᬶᬫᬗᭂᬫ᭄ᬧᬄ᭞ᬫᬳᬵᬳ᭄ᬦᬶᬂᬳᬶᬓᬦᬂᬩᬸᬤ᭄ᬥᬶ᭞ᬭᬸᬫ᭄ᬕᭂᬧ᭄ᬢᬂᬓᬫᭀᬓ᭄ᬱᬫᬃ
