This page has been proofread.
[᭘᭓83B]
᭘᭓
ᬯᬶ᭞ᬲᬫ᭄ᬧᬶᬮᬦ᭄ᬫᬥᬦ᭄᭞ᬲᬮ᭄ᬯᬶᬃᬫᬕᬳᬗᬾᬫᬮᬶᬄ᭟ᬮᬗ᭄ᬓᬸᬂᬲᬗ᭄ᬰᬭᬤᬾᬦ᭄ᬬᬳᬫᬄᬢᬶᬫ᭄ᬧᬮ᭄᭞ᬭᬶᬂᬧᬶᬢ᭄ᬭᬮᭀᬓᬳᬸᬗ᭄ᬲᬶ᭞ᬲᭂᬩᭂᬢ᭄ᬜ
ᬦᬾᬩ᭄ᬥᬓ᭄ᬮᬬᬄ᭞ᬦᬸᬫᬤᬶᬚᬦ᭄ᬫᬦᬶᬱ᭄ᬝ᭞ᬲ᭄ᬩᭂᬢᬾᬫᬕᬦ᭄ᬢᬶᬕᬦ᭄ᬢᬶ᭞ᬓᬾᬢᭀᬳᬶᬲᬶᬜ᭞ᬋᬲᭂᬧ᭄ᬋᬲᭂᬧᬂᬤᬶᬳᬢᬶ᭟ᬢᬶᬗ᭄ᬓᬳᬶᬂᬤᬤᬶᬯ᭄ᬯᬂᬧᬗ᭄ᬮᬭᬦᬶᬂ
ᬤᬸᬳ᭄ᬓᬵ᭞ᬲ᭄ᬥᭂᬫ᭄ᬦᭂᬗᬄᬲᬗ᭄ᬳ᭄ᬬᬂᬳᬭᬶ᭞ᬫᬯ᭄ᬢᬸᬩ᭄ᬥᬓ᭄ᬮᬬᬄ᭞ᬲᬲᬫ᭄ᬧᬸᬦᬾᬳᬫᬗᬦ᭄᭞ᬲ᭄ᬫᬭᬦᬾᬫᬜᬓᬶᬢᬶᬦ᭄᭞ᬲᬸᬭᬸᬧ᭄ᬳ᭄ᬬᬂᬅᬃᬓ᭄ᬓᬵ᭞ᬫᬢᬦᬾ
ᬫᬯ᭄ᬢᬸᬳᬭᬶᬧ᭄᭟ᬫᬗ᭄ᬓᬦᬧ᭄ᬯᬓ᭄ᬭᬫᬦᬶᬓᬦᬂᬲᬗ᭄ᬰᬭ᭞ᬢᬶᬫ᭄ᬩᬂᬳᬦᬾᬚᬮᬦᬶᬦ᭄᭞ᬳ᭄ᬤᬵᬜᬗ᭄ᬰᬭᬾᬦ᭄ᬳᬯᬓ᭄᭞ᬳᬧᬦ᭄ᬳᬯᬓᬾᬯᬦ᭄ᬢᬄ
[᭘᭔84A]
᭞ᬓᬥᬂᬳᬯᬓᬾᬚᬸᬕ᭞ᬤᬤᬶᬫᬸᬲᬸᬄᬳᬯᬓᬾᬢ᭄ᬯᬶ᭟ᬬᬦᬶᬂᬢᬺᬱ᭄ᬡᬵ᭞ᬳᬲᬶᬄᬳᬯᬓᬾᬬᬫᬵᬯᬓ᭄᭞ᬓᬫᭀᬓ᭄ᬱᬦᬾᬬᬳᬸᬗ᭄ᬲᬶ᭞
ᬳᬯᬓᬾᬤᬤ᭄ᬬᬵᬓᬥᬂ᭞ᬬᬦᬶᬂᬦᭀᬭᬵᬲᬶᬄᬢᬺᬱ᭄ᬡᬵ᭞ᬳᬯᬓᬾᬫᬳᬯᬓ᭄ᬲᭂᬗᬶᬢ᭄᭞ᬢᬦ᭄ᬚᬗ᭄ᬓᬗᬮᬸᬫ᭄ᬩᬃ᭞ᬳᭂᬦ᭄ᬢᭀᬫᬸᬲᬸᬄᬳᬯᬓᬾ
ᬚᬢᬶ᭟ᬳᬧᬦᬶᬓᬂᬫᬦᬄᬫᬗ᭄ᬕᬯᬾᬲᬗ᭄ᬰᬭ᭞ᬬᬦ᭄ᬫᬮᬦᬾᬗ᭄ᬭᬓᭂᬢᬶᬦ᭄᭞ᬧ᭄ᬭᬥᬾᬬᬦᬶᬂᬦᬶᬃᬫ᭄ᬫᬮ᭞ᬢᬦ᭄ᬓᬢᬫᬦ᭄ᬲᬗ᭄ᬰᬭ᭞ᬲ᭄ᬫᬭᬓ᭄ᬮᬾᬱᬦᬾᬢ
ᬦ᭄ᬓᬭᬶ᭞ᬲᬶᬤ᭄ᬥᬦᬶᬂᬫᭀᬓ᭄ᬱᬄ᭞ᬪᬯᬵᬃᬡ᭄ᬦᬯᬵᬯᬸᬲ᭄ᬓᬯᬶᬗ᭄ᬓᬶᬂ᭟ᬢᬸᬗ᭄ᬕᬮᬶᬓᬵᬢᬾᬓᬦᬂᬰᬢ᭄ᬭᬸᬗᬭᬦ᭄ᬬ᭞ᬲᬶᬬᭀᬯᭂᬗ᭄ᬓᬸᬂᬫᬓᬚᬢᬶ᭞ᬢᬦᬦᬲᬲ
