This page has been proofread.
[᭙᭘98B]
᭙᭘
ᬦ᭄᭞ᬬᬦ᭄ᬫᬓᬃᬬ᭄ᬬᬕᬸᬂᬧ᭄ᬭᬶᬳᬢᬶ᭞ᬤᬶᬧᭀᬮᬶᬳᬾᬫᬦᬶᬫ᭄ᬢᭂᬫᬂ᭞ᬫᬯᭂᬯᭂᬄᬢᬶᬓᬂᬧ᭄ᬭᬶᬳᬢᬶ᭞ᬢᬳᬸᬢ᭄ᬓᬾᬦ᭄ᬗᭂᬮᬄᬧᬶᬧᬶᬲ᭄᭞ᬩ᭄ᬤᭀᬳᭀ
ᬲ᭄ᬳᬶᬭᬶᬯ᭄ᬢᬸᬦᬶᬧᬸᬦ᭄᭞ᬫᬗ᭄ᬕᬯᬾᬥᬬᬳᬸᬧᬬᬵ᭞ᬬᬦᬶᬂᬳᬶᬧᬸᬦ᭄ᬦ᭄ᬮᬲᬂᬧᬶᬧᬶᬲ᭄᭞ᬮᬶᬦ᭄ᬢᬂᬲᬶᬗ᭄ᬲᬸᬢ᭄᭞ᬧᬶᬢᬶᬢ᭄ᬯᬶᬫᬗ᭄ᬕᭀᬉᬧᬵᬓᬭ᭟ᬦ
ᬧᬶᬫᬮᬶᬄᬬᬦᬶᬂᬢ᭄ᬮᬲ᭄᭞ᬲᬗ᭄ᬓᬦᬶᬂᬚᬜ᭄ᬚᬶᬦ᭄ᬬᬫᬶᬲ᭄ᬓᬶᬦ᭄᭞ᬓᬮᬶᬦ᭄ᬢᬂᬩᬦ᭄ᬬᬫᬗᭂᬦᬂ᭞ᬭᬱᬜᬫᬢᬸᬂᬢᬸᬂᬧᬢᬶ᭞ᬤᬕᬶᬂᬚᬶᬦᬄᬧᬸᬦᬶᬓᬶ᭞ᬤᬳ
ᬢᬶᬂᬓᬰ᭄ᬫᬮᬦᬶᬧᬸᬦ᭄᭞ᬳᬧᬦᬶᬂᬳᬸᬧᬓᬬ᭞ᬧᭀᬮᬶᬄᬲᬓᬾᬂᬫᬜᬓᬶᬢᬶᬦ᭄᭞ᬗ᭄ᬕᬯᬾᬲᬸᬗ᭄ᬲᬸᬢ᭄᭞ᬲᬗ᭄ᬓᬦ᭄ᬫᬨᬮᬫᬗ᭄ᬓᬦ᭟
[᭙᭙99A]
ᬯᬦ᭄ᬢᭂᬦᬶᬂᬅᬃᬣᬧᬸᬦᬶᬓᬵ᭞ᬢᬸᬬᬸᬄᬩᬦ᭄ᬜᬫᬗ᭄ᬕᬯᬾᬦᬶᬦ᭄᭞ᬤᬶᬲᬸᬕᬶᬳᬾᬳᬯ᭄ᬢᬸᬩᬾᬤ᭄ᬥ᭞ᬳᬸᬮᬗᬸᬦ᭄ᬬᬳᬫ᭄ᬧᬄᬤᬤᬶ᭞ᬫᬯᬲ᭄ᬢᬸᬢ᭄ᬮᬲ᭄ᬲᬫᬶ᭞ᬫᬵ
ᬲᭂᬮ᭄ᬲᭂᬮᬦ᭄ᬮᬶᬦ᭄ᬢᬂᬲᬸᬗ᭄ᬲᬸᬢ᭄᭞ᬫᬾᬮᬶᬂᬢᬸᬬᬸᬄᬓ᭄ᬜᭂᬮ᭄ᬫᬓᬃᬬ᭄ᬬ᭞ᬢᭀᬂᬳᬤᬫᬺᬢ᭄ᬢᬬᬂᬚᬦᬶ᭞ᬲᬗ᭄ᬓᬦᬶᬧᬸᬦ᭄᭞ᬭᬶᬂᬯᬶᬯᬾᬓᬳᬚᬮᬸᬧ᭟ᬳᬶ
ᬥᭂᬧ᭄ᬲᬂᬲᬸᬕᬶᬄᬧᬸᬦᬶᬓᬵ᭞ᬚᭂᬚᭂᬄᬢᬗᬃᬲᬳᬶᬲᬳᬶ᭞ᬭᬶᬂᬫᬮᬶᬂᬫᬶᬯᬄᬲᬂᬦᬵᬣ᭞ᬭᬶᬂᬩ᭄ᬭᬬᬮᬯᬦᬵᬕ᭄ᬦᬶ᭞ᬓᬤᬶᬲᬮ᭄ᬯᬶᬃᬦᬶᬂᬫᬳᬸᬭᬶᬧ᭄᭞ᬢᬓᬸᬢ᭄ᬫᬭᬶᬂ
ᬲᬗ᭄ᬳ᭄ᬬᬂᬫᬺᬢ᭄ᬬᬸ᭞ᬢᬦ᭄ᬲᬄᬚᭂᬚᭂᬄᬲᬗ᭄ᬰᬬ᭞ᬫᬦᬄᬜᬦᬾᬭᬶᬩᬸᬢ᭄ᬲᬳᬶ᭞ᬬᬦ᭄ᬲᬂᬯ᭄ᬭᬸᬄ᭞ᬮ᭄ᬬᬂᬕᬮᬂᬢᬦ᭄ᬧᬳᬫᭂᬗᬦ᭄᭟ᬲᬂᬲᬸᬕᬶᬄᬧᬸᬦᬶᬓᬵ
