[᭑᭓ 13B]
᭑᭓
ᬚ᭄ᬬᬫᬬᬚ᭄ᬜᬵᬥᬦᬧᬸᬡ᭄ᬬᬵᬤᬶ᭞ᬫᬢᬶᬃᬢ᭄ᬣᬵᬮᬦ᭄ᬫᬧᬶᬢᬸᬢᬸᬃ᭞ᬫ᭄ᬯᬂᬯᬶᬓ᭄ᬯᬦᬶᬗᬬᬚ᭄ᬜᬵ᭞ᬮᬯᬦ᭄ᬫᬦᬗ᭄ᬕᬧᬵᬥᬦᬭᬶᬂᬳᬬᬸ᭞ᬧᬸᬧᬸᬢᬶᬂᬲᬧ᭄ᬢᬥᬃᬫ᭄ᬫᬵ᭞ᬩ᭄ᬭᬢᬦᬶᬭᬭᭀᬭᬲ᭄ᬲᬶ
ᬓᬶ᭟ᬧ᭄ᬭᬢᬾᬓᬦᬶᬓᬂᬩ᭄ᬭᬢ᭞ᬥᬃᬫ᭄ᬫᬵᬲᬢ᭄ᬬᬢᬧᬵᬥᬦᬬᬚ᭄ᬜᬵᬳ᭄ᬭᬶᬄ᭞ᬯᬶᬫᬢ᭄ᬲᬭᬶᬢ᭄ᬯᬵᬧᬸᬦᬶᬓᬸ᭞ᬢᬶᬢᬶᬓ᭄ᬱ᭄ᬡᬵᬳᬦᬲᬸᬬᬵ᭞ᬥᬦᬤᬺᬢ᭄ᬢᬶᬓ᭄ᬱᬫᬵᬲᬫᬶᬦᬶᬧᬸᬦ᭄᭞
ᬧᬸᬦᬶᬓᬵᬤᬳᬢ᭄ᬧᬯᬶᬢ᭄ᬭᬵ᭞ᬧᬲᬸᬘ᭄ᬬᬦ᭄ᬩ᭄ᬭᬳ᭄ᬫᬵᬡᬚᬢᬶ᭟ᬥᬃᬫ᭄ᬫᬲᬢ᭄ᬬᬢ᭄ᬕᭂᬲᬾᬧᬕ᭄ᬯᬦ᭄᭞ᬢᬧᬵᬳᬭᬦ᭄ᬰᬭᬶᬭᬵᬲᬂᬰᬾᬱᬦᬶ᭞ᬫᬦᭂᬲᬶᬦ᭄ᬰᬭᬶᬭᬦᬶᬧᬸᬦ᭄᭞
ᬫᬶᬬᭂᬭᬶᬦ᭄ᬓᬯᬶᬱᬬᬦ᭄᭞ᬫ᭄ᬯᬂᬥᬫᬵᬳᬸᬧᬲᬫᬵᬤᬾᬦᬶᬂᬢᬸᬢᬸᬃ᭞ᬬᬚ᭄ᬜᬵᬳᬶᬓᬵᬤ᭄ᬫᭂᬦ᭄ᬫᬫᬹᬚᬵ᭞ᬫᬥᭂᬫᬂᬳᬾᬭᬂᬦᬭᬦ᭄ᬳ᭄ᬭᬶᬄ᭟ᬯᬶᬫᬢ᭄ᬱᬭᬶᬢ᭄ᬯᬵᬯᬵᬱ᭄ᬝᬦ᭄ᬜᬵ᭞
[᭑᭔ 14A]
ᬦᭀᬭᬵᬳᬶᬭᬶᬮᬦᬵᬢᬶᬢᬶᬓ᭄ᬱ᭄ᬡᬵᬢ᭄ᬯᬭᬧ᭄ᬤᬶᬄ᭞ᬳᬦᬰᬸᬬᬦᬾᬧᬸᬦᬶᬓᬸ᭞ᬢᬦ᭄ᬜᬓᬶᬢᬶᬦ᭄ᬮᬦ᭄ᬫᬶᬥᬡ᭄ᬥᬵ᭞ᬥᬦᬩᬭᬾᬲ᭄ᬫᬶᬯᬄᬤᬺᬢ᭄ᬢᬶᬧᬸᬦᬶᬓᬸ᭞ᬳ᭄ᬬᬗᬭᬦ᭄ᬫᬧ᭄ᬦᬶᬗᬦ᭄᭞
ᬓ᭄ᬱᬫᬵᬲᬫᬶᬧᬦᬲ᭄ᬢᬶᬲ᭄᭟ᬓ᭄ᬱᬢ᭄ᬭᬶᬬᬵᬳᬸᬮᬄᬦᬶᬭᬵ᭞ᬳᬸᬫᬚ᭄ᬬᬵᬲᬗ᭄ᬳ᭄ᬬᬂᬯᬾᬥᬮᬦ᭄ᬫᬫᬮᬶᬄ᭞ᬦᬶᬢ᭄ᬬᬵᬕ᭄ᬦᬶᬳᭀᬢ᭄ᬭᬵᬧᬸᬦᬶᬓᬸ᭞ᬫᬶᬯᬄᬫᬕᬯᬾᬬᬚ᭄ᬜᬵ᭞ᬗ᭄ᬭᬓ᭄ᬱ
ᬚᬕᬢ᭄᭞ᬭᬶᬂᬧᬜ᭄ᬚᬓ᭄ᬧᬭᬶᬓ᭄ᬱᬗ᭄ᬭᬸᬗᬸ᭞ᬭᬶᬂᬓᬥᬂᬯᬃᬕ᭄ᬕᬬᬥᬦ᭞ᬬᬦ᭄ᬓᬾᬢᭀᬰ᭄ᬯᬃᬕ᭄ᬕᬓᬧᬗ᭄ᬕᬶᬄ᭟ᬳᬸᬮᬄᬦᬶᬭᬲᬂᬯᬾᬱ᭄ᬬᬵ᭞ᬫᬗᬚ᭄ᬬᬫᬭᬶᬂᬲᬂᬩ᭄ᬭᬳ᭄ᬫᬡᬚᬢᬶ᭞ᬭᬶᬂ
ᬓ᭄ᬱᬢ᭄ᬭᬶᬬᬵᬢᬸᬫᬸᬗ᭄ᬓᬸᬮ᭄᭞ᬭᬶᬂᬓᬵᬮᬤᬶᬦᬫᬥᬦᬵ᭞ᬮᬦ᭄ᬤᬶᬦᬫ᭄ᬮᬄᬫᬶᬯᬄᬤ᭄ᬫᭂᬦ᭄ᬫᬢᬸᬢᬸᬮᬸᬂ᭞ᬲᬸᬓᬵᬮᬶᬮᬵᬫᬗᬱ᭄ᬝᬯᬵ᭞ᬭᬶᬂᬳᬶᬤᬲᬗ᭄ᬳ᭄ᬬᬂᬢ᭄ᬭᬶᬕᬢᬶ᭟ᬲᬗ᭄ᬳ᭄ᬬᬂᬢ᭄ᬭᬶ
Page:Bali-lontar-gaguritan-dharmmawisesa-02-350ppi.pdf/14
This page has been proofread.
