This page has been proofread.
[᭑᭘ 18B]
᭑᭘
ᬢᬶ᭞ᬤᬤᬶᬚᬮᬭᬦ᭄ᬲᬢᬸᬳᬸ᭞ᬫᬚᬮᬭᬦᬶᬓᬂᬳᬸᬚᬃ᭞ᬮᬸᬫ᭄ᬓᬲᬶᬓᬂᬧ᭄ᬭᬯᬺᬢᬶᬦᬶᬧᬸᬦ᭄᭞ᬳᬯᬶᬦᬦ᭄ᬢᬶᬓᬦᬂᬫᬦᬄ᭞ᬳᬭᬦᬶᬂᬧ᭄ᬭᬥᬦᬚᬢᬶ᭟ᬳᬧᬦ᭄ᬲᬗ᭄ᬓ
ᬦᬶᬓᬂᬫᬦᬄ᭞ᬤᬤᬶᬓᬯᬶᬢ᭄ᬳᬶᬦ᭄ᬤ᭄ᬭᬶᬬᬦᬾᬲᬫᬶ᭞ᬫᬧ᭄ᬭᬯᬺᬢ᭄ᬬᬧᬸᬦᬶᬓᬸ᭞ᬭᬶᬂᬲᬸᬩᬳᬲᬸᬩᬓᬃᬫ᭄ᬫᬵ᭞ᬲᬗ᭄ᬓᬦ᭄ᬚᬦᬶᬫᬦᬳᬾᬳᬺᬢ᭄ᬢᭀᬫᬮᬸ᭞ᬧᬶᬦᭂᬄ
ᬢᬶᬫ᭄ᬩᬂᬫᬜᬮᬦᬂ᭞ᬳᬧᬂᬬᬫᬨᬮᬩ᭄ᬘᬶᬓ᭄᭟ᬦᬶᬳᬦ᭄ᬓ᭄ᬭᬫᬦᬶᬓᬂᬫᬦᬄ᭞ᬲ᭄ᬯᬪᬵᬯᬦ᭄ᬬᬲᬾᬩᭂᬢᬾᬢ᭄ᬓᬫᬸᬮᬶᬄ᭞ᬓᬢᬄᬳᬗᭂᬦᬗᭂᬦᬶᬧᬸᬦ᭄᭞
ᬯ᭄ᬢᬸᬲᬲᬗᬶᬲᬗ᭄ᬰᬬᬵ᭞ᬫᬓᬯᬓ᭄ᬦ᭄ᬬᬲᬂᬲᬶᬤ᭄ᬥᬵᬫᬗᬺᬢ᭄ᬓᬬᬸᬦ᭄᭞ᬲᬶᬭᬢᬫᬫᬗ᭄ᬕᬶᬄᬲᬸᬓᬵ᭞ᬫᬗ᭄ᬓᬾᬭᬶᬂᬧᬭᬮᭀᬓᬵᬍᬯᬶᬄ᭟ᬫ᭄ᬯᬂᬓᬢᬸᬢᬸᬭᬦᬶᬂ
[᭑᭙ 19A]
ᬫᬦᬄ᭞ᬢᬶᬓᬸᬂᬫᬢᬧᬸᬦᬶᬓᬵᬓᬯᬗ᭄ᬲᬶᬢᬶᬦ᭄᭞ᬳᬫᬸᬮᬢ᭄ᬭᬶᬂᬲᬃᬯ᭄ᬯᬯᬲ᭄ᬢᬸ᭞ᬫᬦᬄᬓᬦ᭄ᬢᬶᬦᬶᬓᬂᬫᬢ᭞ᬬᬦ᭄ᬓᬍᬲᬵᬦᭀᬭᬫᬓᬦ᭄ᬢᬶᬧᬦ᭄ᬤᬸᬮᬸ᭞ᬳᬶᬬᬫᬸᬮ
ᬢ᭄ᬦᭀᬭᬫᬸᬮᬢ᭄᭞ᬧᬦ᭄ᬫᬦᬄᬳ᭄ᬦᬾᬲᬾᬗᭂᬄᬚᬢᬶ᭟ᬦᬶᬳᬦ᭄ᬫᬭᬓᬾᬗᭂᬢᬦ᭄ᬢᬵ᭞ᬧᬓᬢᭀᬦᬦᬶᬂᬲ᭄ᬢ᭄ᬭᬷᬤᬾᬰᬧᬶᬦᬶᬗᬶᬢ᭄᭞ᬳᬶᬓᬵᬢᬬᭀᬕ᭄ᬬᬯᬶᬦᬸᬯᬸ
ᬲ᭄᭞ᬫ᭄ᬯᬂᬳᬦᬮᬓᬶᬳᬢᬼᬲ᭄᭞ᬮᬦᬗ᭄ᬭᬸᬯᭂᬓ᭄ᬭᬳᬱ᭄ᬬᬦᬶᬂᬳᬶᬲ᭄ᬢ᭄ᬭᬷᬳᬶᬓᬸ᭞ᬢᬶᬗ᭄ᬓᬄᬳᬶᬓᬂᬮᬓᬶᬳᬶᬓᬵ᭞ᬳᬧᬵᬩᬾᬤ᭄ᬥᬦᬶᬓᬓᬮᬶᬄ᭟ᬓᬩᬜ᭄ᬘ
ᬯ᭄ᬯᬂᬤᬾᬦᬶᬓᬵ᭞ᬤᬤᬶᬲᬶᬦᬗ᭄ᬕᬄᬤᬸᬤᬸᬧᬸᬦᬶᬓᬶ᭞ᬫᬓᬚᬢᬶᬓ᭄ᬭᬡᬦᬶᬧᬸᬦ᭄᭞ᬲᬓᬾᬂᬓᬢᬸᬦᬦ᭄ᬫᬦᬄ᭞ᬓᬯᬶᬢ᭄ᬯᬦ᭄ᬢᬄ᭞ᬲᬓᬾᬂᬫᬦᬄᬧᬸᬦᬶᬓᬸ᭞ᬳᬶ
