[᭑ 1B]
᭑
᭚᭐᭚ᬒᬁᬅᬯᬶᬖ᭄ᬦᬵᬫᬲ᭄ᬢᬸ᭞ᬦᬵᬫᬲᬶᬤ᭄ᬥᬀ᭟ᬤᬹᬃᬦ᭄ᬦᬶᬫᬶᬢ᭄ᬢᬵᬧᬗᬢᬮᬶᬂᬓᬮᬶᬬᬸᬕᬵ᭞ᬢᬦ᭄ᬫᬭᬶᬧᬸᬦᬂᬯ᭄ᬬᬤᬶ᭞ᬢ᭄ᬓᬂᬧ᭄ᬭᬂᬗᬦ᭄ᬪᬹᬢᬵ᭞ᬳᭀᬋᬕ᭄ᬧ᭄ᬭᬚᬫᬡ᭄ᬥ
ᬮ᭞ᬢᬃᬯᬶᬦᬶᬮᬂᬓᬂᬯᬶᬤᭀᬕᬶ᭞ᬩᬖ᭄ᬦᬫᬧᬤᬄ᭞ᬤᬹᬃᬕ᭄ᬕᬫᬵᬳᬶᬓᬂᬪᬹᬫᬶ᭟ᬯᬋᬕᬗ᭄ᬳᬾᬮ᭄ᬳᬶᬤᬲᬗ᭄ᬳ᭄ᬬᬂᬓᬵᬮᬦ᭄ᬢᬓᬵ᭞ᬦᬶᬯᬓᬂᬥᬡ᭄ᬥᬧᬢᬶ᭞ᬫ᭄ᬯᬂᬮ
ᬭᬯᬶᬬᭀᬕᬵ᭞ᬭᬶᬲᬂᬫᬲᬥᬦᬵ᭞ᬫᭀᬳᬫᬹᬃᬓ᭄ᬓᬤᬸᬱ᭄ᬓᬺᬢᬶ᭞ᬓᬂᬓᬶᬦᬮᬫ᭄ᬧᬳᬦ᭄᭞ᬨᬮᬦ᭄ᬬᬫᬗ᭄ᬓᬾᬧᬶᬦᬗ᭄ᬕᬶᬄ᭟ᬮ᭄ᬯᬶᬃᬪᬱ᭄ᬓᬭᬲᬶᬦᬧᬸᬢᬦ᭄ᬳᬡ᭄ᬥᬓ
ᬭ᭞ᬫᭀᬖᬧᭂᬧᭂᬢ᭄ᬭᬶᬂᬗᬯ᭄ᬬᬢᬶ᭞ᬢᬃᬧᬦᭀᬦ᭄ᬢᬶᬓᬂᬭᬵᬢ᭄᭞ᬫᬗ᭄ᬓᬦᬩᬸᬤ᭄ᬥᬶᬦᬶᬗ᭄ᬯᬂ᭞ᬯᬸᬢᬵᬢ᭄ᬓᬧᬶᬂᬓᬧ᭄ᬭᬶᬳᬢᬶᬦ᭄᭞ᬫ᭄ᬯᬂᬓᬥᬹᬃᬦᬬᬦ᭄᭞ᬧᬸᬢᬸᬲᬾᬦᭀ
[᭒ 2A]
ᬭᬓᬳᬓ᭄ᬱᬶ᭟ᬢᬫ᭄ᬩᭂᬓᬶᬂᬯ᭄ᬯᬂᬢᬸᬫᬸᬯᬸᬄᬭᬶᬂᬓᬮᬶᬬᬸᬕᬵ᭞ᬢ᭄ᬭᬶᬢᬸᬡᬦᬾᬫᬦ᭄ᬤᬤᬶ᭞ᬢᬬᬤᬤᬶᬢ᭄ᬭᬶᬫᬮ᭞ᬢ᭄ᬭᬶᬫᬮᬗᬯᭂᬢ᭄ᬯᬂ᭞ᬯ᭄ᬢᬸᬢ᭄ᬭᬶᬫᬾᬤᬦᬶᬂᬳᬢᬶ᭞ᬳᬢᬶ
ᬳᬧᬦᬲ᭄᭞ᬫᬦᬲᬾᬗ᭄ᬭᬸᬩᬂᬪᬹᬫᬶ᭟ᬲ᭄ᬯᬱ᭄ᬝᬶᬳᬲ᭄ᬢᬸᬓᬦᬸᬕ᭄ᬭᬳᬵᬧᬭᬶᬧᬹᬃᬡ᭄ᬦ᭞ᬲᬗᬫᬘᬢᬢ᭄ᬯᬳᬶᬓᬶ᭞ᬩᬶᬮᬶᬄᬬᬓᬳᬶᬥᭂᬧ᭞ᬢ᭄ᬭᬸᬲ᭄ᬢᭂᬓᬦᬶᬂᬮᬓ᭄ᬱ
ᬡ᭞ᬲᬧᬢᬸᬥᬸᬄᬦᬶᬓᬶᬂᬳᬚᬶ᭞ᬦᭀᬭᬬᬲᬶᬫ᭄ᬧᬂ᭞ᬤᬶᬃᬕ᭄ᬖᬬᬸᬱᬵᬲᬸᬓᬍᬯᬶᬄ᭟ᬬᬾᬓᬶᬕᬕ᭄ᬮᬭᬦ᭄ᬲᬶᬭᬲᬗᬫᬾᬗᭂᬢ᭄᭞ᬫᬾᬗᭂᬢ᭄ᬭᬶᬂᬭᬕᬚᬢᬶ᭞ᬚ
ᬢᬶᬦᬶᬓᬂᬥᬃᬫ᭄ᬫᬵ᭞ᬥᬃᬫ᭄ᬫᬵᬦᬾᬫᬯᬓ᭄ᬰᬸᬦ᭄ᬬ᭞ᬜᬸᬦ᭄ᬬᬭᬶᬢᬼᬗᬶᬂᬳᬢᬶ᭞ᬳᬢᬶᬲᬸᬓ᭄ᬱ᭄ᬭᬄ᭞ᬧᬲ᭄ᬭᬳᬾᬧᬸᬧᬸᬢ᭄ᬦᬫ᭄ᬧᬶ᭟ᬦᬫ᭄ᬧᬶᬲᬲ᭄ᬫᬶᬢᬦ᭄ᬳᬶᬤᬲᬗ᭄ᬳ᭄ᬬᬂᬲᬸ
Page:Bali-lontar-gaguritan-dharmmawisesa-02-350ppi.pdf/2
This page has been proofread.
