[᭒᭑ 21B]
᭒᭑
ᬧᬲᬫᬾᬓᬸ᭞ᬗ᭄ᬓᬦᬾᬂᬭᬵᬢ᭄ᬬᬧᬶᬦᬹᬚ᭞ᬓᬚ᭄ᬭᬶᬳᬶᬂᬯᭀᬂᬲᬪᬹᬫᬶ᭞ᬢᬸᬃᬲᬶᬦᬸᬗ᭄ᬲᬸᬂ᭞ᬓᬲᬸᬩ᭄ᬭᬶᬂᬫᬦᬹᬱᬧᬥᬵ᭟ᬓ᭄ᬱᬫᬾᬓᬵᬬᬓᬶᬦᬸᬘᬧ᭄᭞ᬫᬵᬲ᭄ᬫᬡᬶᬓ᭄ᬓᬲᬸᬕ᭄ᬬᬦᬼ
ᬯᬶᬄ᭞ᬩᬶᬱᬗᬲᭀᬭᬂᬳᬶᬦ᭄ᬤ᭄ᬭᬶᬬᬵ᭞ᬩ᭄ᬘᬶᬓ᭄ᬢᬦᬵᬦᬗ᭄ᬮᬗ᭄ᬓᬸᬗᬶᬦ᭄᭞ᬥᬦᬵᬧ᭄ᬝᬗᬭᬦᬶᬂ᭞ᬢᬦ᭄ᬲᬶᬫ᭄ᬧᬂᬭᬶᬂᬫᬃᬕ᭄ᬕᬳᬬᬸ᭞ᬲᬧᬭᬦ᭄ᬫᬲᬤᬦᬵ᭞ᬦᭀᬭᬫᬶᬮᬶᬄᬤᬶᬦᬩ᭄ᬘᬶᬓ᭄᭞ᬲᬸ
ᬩᬮᬸᬯᬸᬂ᭞ᬧᬢᬶᬳᬸᬭᬶᬧ᭄ᬫᬗ᭄ᬕᬶᬄᬲᬥ᭄ᬬ᭟ᬬᬦ᭄ᬢᬦᬵᬦᬓ᭄ᬱᬫᬵᬯᬦ᭄᭞ᬲᬓ᭄ᬱᬢ᭄ᬲᬗ᭄ᬳ᭄ᬬᬂᬧ᭄ᬭᬢᬶᬯᬶ᭞ᬦᭀᬭᬦᬫᬗ᭄ᬕᭂᬳᬂᬫᬶᬢ᭄ᬭᬵ᭞ᬓ᭄ᬮᬯᬦ᭄ᬰᬢ᭄ᬭᬸᬦ᭄ᬬᬫᬮᬶᬄ᭞ᬲᬂᬲᬶᬤ᭄ᬥᬵ
ᬦᬶᬗ᭄ᬕᬮᬂᬧ᭄ᬤᬶᬄ᭞ᬫᬲᬤᬦᬓ᭄ᬱᬫᬾᬓᬸ᭞ᬓᬤᬶᬓ᭄ᬭᬫᬦᬶᬂᬳ᭄ᬬᬂᬯᬸᬮᬦ᭄᭞ᬫᬦᬶᬗ᭄ᬕᬮᬂᬳᬮᬶᬂᬳᬮᬶᬂ᭞ᬩᬸᬤ᭄ᬥᬶᬮᬸᬳᬸᬃ᭞ᬫᬗ᭄ᬕᭂᬄᬳᬸᬢ᭄ᬢᬫᬦᬶᬂᬚᬦ᭄ᬫᬵ᭟ᬓᬧᬶᬢ᭄ᬯᬶᬦᬶᬓᬂ
[᭒᭒ 22A]
ᬫᬦᬹᬱᬵ᭞ᬲᬫᬸᬧᬸᬄᬦ᭄ᬬᬓᬲᭀᬃᬲᬫᬶ᭞ᬬᬦᬶᬂᬓ᭄ᬭᭀᬥᬫᬗᬢ᭄ᬬᬂ᭞ᬳᬲᬶᬂᬩᬦᬶᬗᬫᬸᬲᬸᬳᬶᬦ᭄᭞ᬲᬥᬦᬦᬶᬓᬂᬉᬭᬶᬧ᭄᭞ᬦᭀᬭᬧ᭄ᬕᬢ᭄ᬗᭂᬮᬄᬰᬢ᭄ᬭᬸ᭞ᬬᬦᭂ
ᬦᬸᬦᬸᬯᬸᬓᬂᬓ᭄ᬭᭀᬥᬵ᭞ᬲᬦᬾᬢᬦ᭄ᬧᬰᬢ᭄ᬭᬸᬚᬢᬶ᭞ᬢᬸᬭᬶᬗᬬᬸ᭞ᬯᬦ᭄ᬢᬄᬲᬂᬦᬶᬗ᭄ᬕᬮᬂᬓ᭄ᬭᭀᬥ᭟ᬳᬦᬓᬾᬦᬸᬫ᭄ᬤᬾᬦ᭄ᬢᬲᬶᬭ᭞ᬧᬡ᭄ᬥᬶᬢᬧᬸᬭᬸᬱᭀᬢ᭄ᬢᬫᬶ᭞ᬢᬂ
ᬓ᭄ᬭᭀᬥᬲᬶᬤ᭄ᬥᬵᬦᬾᬦᬶᬭᬵ᭞ᬚᬧᬶᬧᬦᬲ᭄ᬫᬗ᭄ᬲᬸᬮ᭄ᬤᬤᬶ᭞ᬢᬦ᭄ᬮᬭᬧᬵᬧᬫᬮᬶᬄ᭞ᬢᬦ᭄ᬦᬶᬃᬬᬱᬲᬂᬫᬗᬶᬦᬸᬫ᭄᭞ᬢᬦ᭄ᬲᬩᬭᬂᬯ᭄ᬯᬂᬜᬶᬤ᭄ᬥᬬᬂ᭞ᬲᬗ᭄ᬓᬦ᭄ᬳᬶᬤᬰ
ᬓ᭄ᬢᬶᬍᬯᬶᬄ᭞ᬢᬸᬃᬓᬯᬸᬯᬸᬲ᭄᭞ᬲᬶᬤ᭄ᬥᬵᬫᬗ᭄ᬕᬸᬄᬓᭀᬧᬲᬫᬦ᭄᭟ᬢᬶᬗ᭄ᬓᬳᬶᬂᬲᬂᬓᭀᬧᬲᬫᬦ᭄᭞ᬳᬲᬶᬄᬫᬭᬶᬂᬲᬃᬯ᭄ᬯᬫᬸᬭᬶᬧ᭄᭞ᬲᬫᬲᬫᬾᬂᬳᬯᬓ᭄ᬦᬶᬭᬵ᭞ᬲ
Page:Bali-lontar-gaguritan-dharmmawisesa-02-350ppi.pdf/22
This page has been proofread.
