[᭒᭕ 25B]
᭒᭕
ᬬᬦ᭄ᬢᬦ᭄ᬡᬸᬕᬸᬂ᭞ᬓᬍᬪᬹᬭᬶᬂᬬᬫᬡᬶᬮᭀᬓᬵ᭟ᬲᬗ᭄ᬓᬦᬵᬦ᭄ᬥᭂᬮ᭄ᬲᬂᬧᬡ᭄ᬥᬶᬢ᭞ᬲᬶᬭᬯ᭄ᬭᬸᬄᬭᬶᬂᬓᬚᬢᬶᬦ᭄᭞ᬳᬦᬦᬶᬓᬂᬧᬭᬮᭀᬓᬵ᭞ᬮᬯᬦ᭄ᬰ᭄ᬯᬃᬕ᭄ᬕᬦ᭄ᬭᬓ
ᬳᬸᬦᬶᬂ᭞ᬤᬾᬦᬶᬭᬧᬕᭂᬄᬲᬳᬶ᭞ᬲᬗ᭄ᬳ᭄ᬬᬗᬕᬫᬵᬓᬕᬸᬕᬸ᭞ᬲᬓ᭄ᬱᬢ᭄ᬓᬵᬗ᭄ᬕᬾᬦ᭄ᬧ᭄ᬭᬫᬡᬵ᭞ᬦᭀᬭᬵᬲ᭄ᬥᭂᬂᬲᬗ᭄ᬰᬬᬳᬶᬦ᭄᭞ᬬᬾᬦᬶᬂᬗᬸᬕᬸ᭞ᬦᭀᬭᬚ᭄ᬮᬾᬢᬢ
ᬦ᭄ᬲᬮᬄ᭟ᬬᬦ᭄ᬢᬦ᭄ᬓᬗ᭄ᬕᬾᬯᬭᬳᬶᬭᬵ᭞ᬲᬗ᭄ᬳ᭄ᬬᬂᬯᬾᬥᬚᬢᬶᬍᬯᬶᬄ᭞ᬫᬮᬶᬄᬢᬦ᭄ᬫᬗᬸᬕᬸᬯᬭᬄᬲᬗ᭄ᬳ᭄ᬬᬂᬥᬃᬫ᭄ᬫᬳᬚᬶᬬᬸᬓ᭄ᬢᬶ᭞ᬮᬦ᭄ᬫᬮᬶᬄᬢᬦ᭄ᬫᬗᬶᬭᬶᬂ᭞
ᬧᬓ᭄ᬱᬦ᭄ᬲᬗ᭄ᬳ᭄ᬬᬗᬕᬫᬵᬳᬶᬓᬸ᭞ᬭᬶᬧᬢᬶᬗ᭄ᬕᬮᬶᬂᬅᬢ᭄ᬫᬵ᭞ᬧᬸᬦᬃᬪᬵᬯᬬᬫᬯᬮᬶ᭞ᬲᬶᬦᬄᬳᬶᬧᬸᬦ᭄᭞ᬭᬶᬲᬗ᭄ᬰᬭᬬᬵᬓᬍᬗ᭄ᬕᬓ᭄᭟ᬬᬦᬶᬂᬳᬸ
[᭒᭖ 26A]
ᬮᬄᬲᬂᬦᬱ᭄ᬝᬶᬓᬵ᭞ᬢᬦ᭄ᬗᬸᬕᬸᬓᬯᬾᬦ᭄ᬢᭂᬦᬦᬶᬂ᭞ᬨᬮᬓᬃᬫ᭄ᬫᬢᬸᬃᬫᬸᬭᬸᬕ᭞ᬲᬗ᭄ᬳ᭄ᬬᬂᬕᬫᬵᬫᬗ᭄ᬮᬾᬫᬾᬓᬶᬦ᭄᭞ᬚᬧᬶᬳ᭄ᬬᬢᬺᬱ᭄ᬡᬪᬓ᭄ᬢᬶ᭞ᬳ᭄ᬤᬫᬦ᭄ᬲᭂᬓ᭄ᬚᬦ᭄ᬫᬵᬳᬶ
ᬓᬸ᭞ᬓᬤᬶᬬᬵᬮᬶᬦᬸᬲᬤᬺᬲ᭄᭞ᬩᬸᬓ᭄ᬫᬲᭂᬧᬸᬓᬶᬓᬵᬫᬮᬶᬄ᭞ᬢᬦ᭄ᬭᬳᬬᬸ᭞ᬳᬲᬶᬂᬦ᭄ᬲᭂᬓ᭄ᬢᬶᬩᬾᬂᬳᬮᬵ᭟ᬓ᭄ᬭᬫᬦᬶᬓᬂᬯ᭄ᬯᬂᬧᬱ᭄ᬝᬶᬓᬵ᭞ᬯ᭄ᬯᬂᬦᬶᬱ᭄ᬝᬶᬬᬵᬗ
ᬭᬦᬶᬂ᭞ᬯ᭄ᬯᬂᬢᬦ᭄ᬭᬸᬗᬸᬭᬶᬂᬢ᭄ᬭᬶᬯᬃᬕ᭄ᬕᬵ᭞ᬮᬶᬗᬵᬕᬫᬢᬦ᭄ᬓᬧᬶᬲᬶᬗ᭄ᬕᬶᬄ᭞ᬯᬭᬄᬲᬂᬕᬸᬭᬸᬫᬮᬶᬄ᭞ᬳᬶᬗ᭄ᬰᬓᬵᬧᬯᬺᬢᬶᬦᬶᬧᬸᬦ᭄᭞ᬢ᭄ᬕᭂᬲᬾᬳᬫᬢᬶᬫᬢ᭄ᬬ᭞ᬫ᭄ᬯᬂᬢᬂ
ᬤᬸᬭᬘᬭᬫᬮᬶᬄ᭞ᬲᬫᬶᬦᬶᬧᬸᬦ᭄᭞ᬫᬢᬶᬗᬭᬦ᭄ᬓᬮᬶᬯᬢᬦ᭄᭟ᬧ᭄ᬭᬢᬶᬗ᭄ᬓᬳᬶᬂᬯ᭄ᬯᬂᬲᬦ᭄ᬢᬶᬓᬵ᭞ᬲᭀᬓ᭄ᬫᬗᬶᬗᬸᬤᬾᬯᬾᬓ᭄ᬲᬳᬶ᭞ᬫᬗᬸᬮᬳᬂᬳᬯ
Page:Bali-lontar-gaguritan-dharmmawisesa-02-350ppi.pdf/26
This page has been proofread.
