[᭒᭘ 28B]
᭒᭘
ᬦᬂᬲᬓᬶᬢ᭄᭞ᬤᬤᬶᬩᬮᬶᬓ᭄ᬥᬡ᭄ᬥᬦᬶᬧᬸᬦ᭄᭞ᬬᬦᭂᬫ᭄ᬯᬂᬧᬧᬵᬦ᭄ᬭᬓᬵ᭞ᬲᬗ᭄ᬓᬦ᭄ᬢᬗᬭᬶᬦ᭄ᬫᬫᬸᬜᬶ᭞ᬧᬶᬦᭂᬄᬫᬮᬸ᭞ᬳᬫᬾᬢ᭄ᬢᬂᬚᬦᬵᬦᬸᬭᬕᬵ᭟ᬢ᭄ᬓᬾᬦᬸᬚᬃ
ᬳᬧᬂᬲᬢ᭄ᬬᬵ᭞ᬳ᭄ᬤᬗᬸᬘᬧᬂᬫᬫᬢ᭄ᬬᬦᬶ᭞ᬳ᭄ᬤᬗᬸᬧᭂᬢ᭄ᬮᬦ᭄ᬫᬫᬶᬰᬸᬡᬵ᭞ᬳ᭄ᬤᬗ᭄ᬭᬯᭀᬲ᭄ᬫᬶᬲᬶᬩ᭄ᬭᬗ᭄ᬢᬶ᭞ᬳᬸᬚᬃᬥᬃᬫ᭄ᬫᬦᬾᬫᬦᬶᬲ᭄᭞ᬳᬤᬗ᭄ᬭᬯᭀᬲ᭄ᬗ᭄ᬕᬯᬾᬲᬸ
ᬗ᭄ᬲᬸᬢ᭄᭞ᬫᬮᬶᬄᬦ᭄ᬤᬢᬦ᭄ᬦᬺᬱᬗ᭄ᬰᬵ᭞ᬫᬢᬶᬳᬶᬩᬵᬳᬶᬤᬸᬧ᭄ᬓᬳᬶ᭞ᬢᬩᬸᬄᬳᬮᬸᬲ᭄᭞ᬫᬃᬕ᭄ᬕᬦᬶᬂᬳᬦᬓᬾᬲᬸᬓᬵ᭟ᬮᬓ᭄ᬱᬡᬦᬶᬓᬂᬓᬲᬢ᭄ᬬᬦ᭄᭞
ᬳᬦᬵᬢᬶᬦᬬᬵᬢᬦ᭄ᬫᬸᬦᬶ᭞ᬫᬚᬭᬢᬭᬶᬲᬂᬫᬸᬥᬵ᭞ᬲᬓᬯ᭄ᬭᬸᬄᬦ᭄ᬬᬢᬸᬳᬸᬳᬲᬶᬄ᭞ᬦᭀᬭᬬᬲᬮᬄᬢᬫ᭄ᬧᬶ᭞ᬫᬗ᭄ᬓᬦᬧᬺᬯᬺᬢᬶᬦᬶᬧᬸᬦ᭄᭞ᬮ
[᭒᭙ 29A]
ᬓ᭄ᬱᬡᬦᬶᬓᬂᬲᬢ᭄ᬬ᭞ᬳᬦᬢᬲ᭄ᬬᭀᬲᬦ᭄ᬫᬮᬶᬄ᭞ᬤᬕᬶᬂᬳᬶᬧᬸᬦ᭄᭞ᬢᬦ᭄ᬲᬂᬫᬺᬲᬵᬗᬭᬦ᭄ᬫᬶᬢ᭄ᬬᬵ᭟ᬢᬦ᭄ᬲᬶᬢᬸᬯᭀᬦ᭄ᬗᬭᬦ᭄ᬲᬢ᭄ᬬᬵ᭞ᬓᬸᬦᭂᬂᬧᬺᬲᬶᬤ᭄ᬥᬵᬭᬶᬂ
ᬳᬶᬲᬶ᭞ᬚᬧᬶᬢ᭄ᬬᬳᬶᬓᬂᬳᬸᬚᬃ᭞ᬮᬫᬦ᭄ᬢᬸᬳᬸᬥᬃᬫ᭄ᬫᬚᬢᬶ᭞ᬗ᭄ᬕᬯᬾᬲᬸᬓᬦᬶᬂᬫᬸᬭᬶᬧ᭄᭞ᬳᬶᬬᬗᬭᬦ᭄ᬲᬢ᭄ᬬᬢᬸᬳᬸ᭞ᬤᬕᬶᬂᬳᬶᬧᬸᬦ᭄ᬢᬂᬫᬸᬥᬵ᭞ᬫᬯᬲᬦᬢ
ᬦ᭄ᬜᬸᬓᬦᬶᬦ᭄᭞ᬭᬶᬂᬢᬸᬫᬸᬯᬸᬄ᭞ᬬᬢᬶᬓᬵᬗᬭᬦᬶᬂᬫᬺᬲ᭟ᬪᬹᬢᬳᬶᬢᬦᬾᬕᬯᬾᬦᬂ᭞ᬧᬂᬳᬲᬶᬄᬭᬶᬂᬲᬃᬯ᭄ᬯᬧ᭄ᬭᬡᬶ᭞ᬳᬧᬦ᭄ᬬᬫᬗᬭᬦ᭄ᬧ᭄ᬭᬡ᭞ᬳᬯᬶᬦᬦ᭄ᬜᬵ
ᬧᬕᭂᬄᬫᬮᬶᬄ᭞ᬘᬢᬹᬃᬯᬃᬕ᭄ᬕᬧᬸᬦᬶᬓᬶ᭞ᬥᬃᬫ᭄ᬫᬅᬃᬣᬓᬫᬵᬮᬦ᭄ᬫᬹᬃ᭞ᬫᬹᬃᬗᬭᬦ᭄ᬓᬫᭀᬓ᭄ᬱᬦ᭄᭞ᬢᬦ᭄ᬫᬢᬶᬗ᭄ᬕᬮ᭄ᬤᬾᬦᬶᬂᬚᬦ᭄ᬫᬶ᭞ᬧ᭄ᬭᬡᬦᬶᬧᬸᬦ᭄᭞ᬲᬂᬫᬗ᭄ᬭᬓ᭄ᬱ
Page:Bali-lontar-gaguritan-dharmmawisesa-02-350ppi.pdf/29
This page has been proofread.
