This page has been proofread.
[᭔᭘ 48B]
᭔᭘
ᬢᬫᬭᬾᬂᬕᬸᬯ᭄ᬯᬵ᭞ᬳ᭄ᬤᬳᬾᬯᬾᬃᬳᬲᬳᬸᬃ᭞ᬧᬾᬢᭂᬦ᭄ᬢᬬᬦᬶᬂᬤᬸᬄᬓᬦ᭄ᬬ᭞ᬳᬮᬧᬦᬳᬢᬶᬦ᭄ᬬᬲᬸᬓᬵᬢᬺᬱ᭄ᬡᬲᬶᬄ᭞ᬤᬃᬱᬡᬗᬾᬦᬓᬶᬂᬘᬶᬢᬵ᭟ᬳᬚ
ᬗᬸᬧᭂᬢ᭄ᬫᬭᬶᬂᬕᬸᬭᬸᬳᬚᬶ᭞ᬧ᭄ᬭᬤᬾᬦᬾᬲᬮᬄᬳᬸᬮᬳᬦᬶᬭ᭞ᬧ᭄ᬭᬦᬫ᭄ᬬᬲᭀᬧᬓᬭᬦᬾ᭞ᬓᬲᬶᬤ᭄ᬥᬵᬦᬶᬂᬳᬗ᭄ᬕᬸᬕᬸᬭᬸ᭞ᬬᬦᬶᬂᬫᬺᬘᬾᬝᬵᬕᬸᬭᬸᬳᬚᬶ᭞
ᬫᬓ᭄ᬭᬡᬘᭂᬦ᭄ᬤᭂᬢ᭄ᬬᬸᬱᬵ᭞ᬧᬧᬵᬦ᭄ᬭᬓᬵᬓᬢ᭄ᬫᬸ᭞ᬬᬦ᭄ᬲᬂᬧᬕᭂᬄᬲ᭄ᬢᬶᬢᬶᬪᬓ᭄ᬢ᭄ᬬᬵ᭞ᬭᬶᬂᬩᬧᬾᬩᬸ᭞ᬲᬫᬮᬯᬦᬶᬂᬫᬩᬺᬲᬶᬄ᭞ᬢᬧᬵᬲᬢ᭄ᬬᬮᬦ᭄ᬥᬃ
ᬫ᭄ᬫᬵ᭟ᬬᬦ᭄ᬢᬶᬫ᭄ᬩᬂᬲᬂᬳᬶᬩᬸᬩᭀᬩᭀᬢᬾᬍᬩᬶᬄ᭞ᬮᬯᬦ᭄ᬩᭀᬩᭀᬢ᭄ᬓᬩ᭄ᬯᬢᬦᬶᬂᬢᬦᬄ᭞ᬢᬃᬓ᭄ᬦᬾᬂᬳᬶᬢᬸᬂᬓᬍᬯᬶᬳᬦᬾ᭞ᬢᬂᬩᬧᬵᬍ
[᭔᭙ 49A]
ᬯᬶᬳᬶᬂᬮᬸᬳᬸᬃ᭞ᬢᬶᬫ᭄ᬩᬂᬮ᭄ᬯᬶᬃᬮᬸᬳᬸᬭᬶᬂᬮᬗᬶᬢ᭄᭞ᬍᬯᬶᬄᬩ᭄ᬘᬢ᭄ᬢᬶᬓᬂᬫᬦᬄ᭞ᬓᬮᬯᬦᬵᬗᬶᬦᬶᬓᬸ᭞ᬓᬯᬾᬳᬦᬶᬓᬂᬳᬗᭂᬦᬵᬗᭂᬦ᭄᭞ᬬᬦ᭄ᬯᬶᬮᬗᭂᬦ᭄᭞
ᬮᬯᬦ᭄ᬤᬸᬓᬸᬢ᭄ᬫᬭᬶᬂᬪᬹᬫᬶ᭞ᬋᬲᭂᬧ᭄ᬧᬶᬦᭂᬄᬫᬭᬶᬂᬫᬦᬄ᭟ᬭᬶᬂᬓᬯᬶᬢᬦ᭄ᬧᬂᬲ᭄ᬢᬶᬢᬶᬪᬓ᭄ᬢᬶ᭞ᬧᬭᬶᬢᬸᬱ᭄ᬝᬵᬤᬾᬦᬶᬭᬂᬓᬯᬶᬢᬦ᭄᭞ᬨᬮᬦ᭄ᬬᬭᬶᬯ᭄ᬓᬲ᭄ᬮᬦ᭄ᬳᬶᬂ
ᬫᬗ᭄ᬓᬾ᭞ᬢ᭄ᬕᭂᬕ᭄ᬳᬶᬦᬍᬫᬶᬂᬳᬬᬸ᭞ᬮ᭄ᬯᬶᬃᬢᬢ᭄ᬮᬸᬓᬂᬩᬧᬦᬾᬚᬢᬶ᭞ᬰᬭᬶᬭᬓᬺᬢᬗᬭᬦ᭄ᬬ᭞ᬲᬂᬗ᭄ᬭᬸᬧᬓᬳᬶᬓᬸ᭞ᬧ᭄ᬭᬡᬥᬢᬗᬭᬦᬶᬭ᭞ᬲᬂᬫ
ᬦᬸᬮᬸᬂᬳᬸᬭᬶᬧ᭄ᬫᬮᬶᬄ᭞ᬳᬦᬗᬭᬦᬶᬂ᭞ᬳᬦᬥᬢᬫᬯᬾᬄᬢ᭄ᬥᬵ᭟ᬳᬶᬓᬂᬗᬭᬦᬶᬂᬳᬦᬓ᭄ᬲᬸᬚᬢᬶ᭞ᬲᬗ᭄ᬕᬯᬾᬲᬸᬓᬋᬡᬦᬶᬂᬩᬧᬵ᭞ᬦᬗᬶᬂᬲᬶᬩ
