[᭖᭗ 67B]
᭖᭗
ᬩᬶᬮᬤᭀᬱᬦᬶᬭ᭞ᬢᬦ᭄ᬓᬋᬗᭃᬚᬯᬢ᭄ᬓᬧᬗ᭄ᬕᬶᬄ᭟ᬲᬸᬓᬋᬩᬢᬵᬲᬂᬲᬥᬸ᭞ᬬᬢ᭄ᬦᬪᬓ᭄ᬢᬶᬦᭂᬫ᭄ᬩᬄᬫᬭᬶᬂ᭞ᬲᬂᬧᬸᬢᬸᬲᬶᬂᬧᬡ᭄ᬥᬶᬢᬳᬢ᭄ᬯᬵ᭞ᬗ᭄ᬳᬶᬂᬤᬹᬃᬚ᭄ᬚᬦ
ᬦᭀᬭᬩᬓ᭄ᬢᬶ᭞ᬮᬶᬯᬢ᭄ᬧᬭᬶᬓ᭄ᬭᬫᬦᬶᬭᬵ᭞ᬤᬤ᭄ᬬᬢ᭄ᬮᬲ᭄ᬲᬸᬓᬦᬶᬂᬳᬢᬶ᭟ᬲᬗᬲᬸᬕᬶᬄᬤᬳᬢ᭄ᬯᬶᬩᬸᬄ᭞ᬢᬦ᭄ᬫᬗ᭄ᬕᬯᬾᬥᬦᬪᬓ᭄ᬢᬶ᭞ᬩ᭄ᬮᭀᬕ᭄ᬢᬶᬯᬲ᭄
ᬧᭂᬗ᭄ᬓᬸᬂᬮᭀᬪᬵ᭞ᬧᬗᭂᬫ᭄ᬧᬸᬦᬶᬂᬓᬥᬂᬯᬃᬕ᭄ᬕᬶ᭞ᬦ᭄ᬤᬢᬦ᭄ᬯ᭄ᬭᬸᬄᬫᬭᬶᬂᬰᬲ᭄ᬢ᭄ᬭᬵ᭞ᬫᬓᬢ᭄ᬮᬸᬫᬸᬥᬾᬂᬳᬢᬶ᭟ᬳᬦᬢᬯ᭄ᬯᬂᬓ᭄ᬭᬫᬦᬶᬧᬸᬦ᭄᭞ᬕᬮᬓ᭄ᬜᬘᬤ᭄ᬢᬶᬗ᭄ᬓᬄᬧ᭄ᬮᬶᬄ᭞
ᬫᬲᬶᬄᬫᬶᬮᬸᬫᬜᬮᬦᬂ᭞ᬧ᭄ᬤᬶᬄᬭᬶᬂᬢᬦ᭄ᬯᭂᬦᬂᬧ᭄ᬤᬶᬳᬶᬦ᭄᭞ᬤᬸᬄᬓᬫᬭᬶᬂᬲᬂᬓᬯᬰ᭞ᬮᬶᬦ᭄ᬢᬂᬫᬸᬥᬚᬦ᭄ᬫᬳᬶᬓᬶ᭟ᬳᬶᬥᭂᬧᬶᬂᬯ᭄ᬯᬂᬧᬧᬳᬶᬓᬸ᭞ᬬᬦᬶᬂ
[᭖᭘ 68A]
ᬫᭀᬚᬃᬳᬮᬸᬲ᭄ᬫᬦᬶᬲ᭄᭞ᬭᬶᬓᬵᬮᬦᬶᬂᬬᬧᬓᬾᬯᭂᬄ᭞ᬭᬶᬂᬲᬗ᭄ᬓᬦ᭄ᬜᬦᬾᬢᬦᬾᬮᬶᬂ᭞ᬬᬦ᭄ᬧᬦ᭄ᬤᬸᬓᬂᬮ᭄ᬯᬶᬄᬢᬂᬫᬵᬲ᭄᭞ᬳᬮᬄᬭᬶᬂᬲ᭄ᬭᬯᬤ᭄ᬩ᭄ᬯᬢ᭄ᬜᬗᬶᬄ᭟᭐᭟
ᬢᭂᬫ᭄ᬩᬂᬤᬹᬃᬫ᭄ᬫᬵ᭟ᬢᬦ᭄ᬫᬸᬦ᭄ᬥᬸᬃᬧᬸᬧᬸᬳᬾᬫᬗ᭄ᬓᬶᬦ᭄ᬯᬮᬶᬬᬂ᭞ᬓᬤᬶᬓᬂᬗᬹᬦᬶᬚᬢᬶ᭞ᬲᬵᬫ᭄ᬧᬸᬦᬵᬦ᭄ᬫᬸᬕ᭄ᬮᬂ᭞ᬧᬶᬂᬦᭂᬫ᭄ᬕᬦ᭄ᬢᬶᬕᬶᬦᬦ᭄ᬢ᭄ᬬ᭞ᬧᬗ᭄ᬓᬸᬃᬲᬶᬦᭀᬫ᭄ᬥᬗ᭄ᬥᬂᬕᭂᬦ᭄ᬤᬶᬲ᭄᭞
ᬲ᭄ᬫᬭᬦ᭄ᬥᬦ᭞ᬓᬢᬄᬢ᭄ᬓᬦᬶᬂᬓᬭᬶ᭟ᬓᬲᬸᬗ᭄ᬓᬯᬦ᭄ᬢᬲᬂᬲᬥᬸᬫᬦᬄᬦᬶᬭ᭞ᬳᬓᬃᬬ᭄ᬬᬲᬮᬄᬫᬃᬕ᭄ᬕᬶ᭞ᬢᬦ᭄ᬲᬥᬸᬓᬃᬬ᭄ᬬᬦᬶᬭ᭞ᬧᬦ᭄ᬲᬫᬗ᭄ᬓᬦᬲᬶᬭᬵ᭞ᬢᬃ
ᬳᬶᬥᭂᬧ᭄ᬧᬸᬯᬸᬱᬚᬢᬶ᭞ᬚᬧᬶᬬᬯ᭄ᬭᬸᬳᬵ᭞ᬭᬶᬂᬓᬂᬢᬦ᭄ᬲᬥᬸᬲᬫᬶ᭟ᬓᬸᬦᬂᬓ᭄ᬭᬫᬦᬶᬂᬧᬵᬡ᭄ᬥᬶᬢᬳᬭᬦᬶᬭ᭞ᬬᬦᬶᬂᬳᬶᬤᬫ᭄ᬬᬃᬱᬶ᭞ᬳᬮᬳᬬᬸᬳᬸᬚᬃ᭞
Page:Bali-lontar-gaguritan-dharmmawisesa-02-350ppi.pdf/68
This page has been proofread.
